नवराज सिलवालको मुद्दाको सर्वोच्चले आज फैसला सुनाउँदै



प्रहरी महानिरीक्षक बढुवासम्बन्धी विवादमा सर्वोच्च अदालतले आज फैसला सुनाउँदै छ।
प्रहरी नायव महानिरीक्षक नवराज सिलवालले दायर गरेको रिटमाथि भदौ १५ गते सुनुवाई सकेर निर्णय सुनुवाईको मिति आजका लागि तोकिएको थियो।

सिलवालले कार्यसम्पादन र मूल्यांकनमा आफू पहिलो स्थानमा हुँदाहुँदै सुरुमा जयबहादुर चन्द र पछि प्रकाश अर्याललाई प्रहरी महानिरीक्षकमा बढुवा गरेर आफूमाथि अन्याय भएको भन्दै रिट हालेका थिए।

प्रधानन्यायाधीश गोपाल पराजुली तथा न्यायाधीशहरू ओमप्रकाश मिश्र, केदारप्रसाद चालिसे, शारदाप्रसाद घिमिरे, मीरा खड्का, प्रकाशमानसिंह राउत र पुरुषोत्तम भण्डारीको बृहत् पूर्ण इजलासले फैसला सुनाउँदै छ।
सिलवालका पक्षबाट वरिष्ठ अधिवक्ता हरिहर दाहाल, शम्भु थापा, बद्रीबहादुर कार्की, तुलसी भट्ट तथा अधिवक्ता टीकाराम भट्टराई, दीपेन्द्र झा लगायतले बहस गरेका थिए।

सरकारले बढुवाको पहिलो नम्बरमा आफू भए पनि प्रहरी महानिरीक्षकमा चन्दलाई बढुवा गरेपछि सिलवालले प्रहरी बढुवा विवाद सर्वोच्चमा प्रवेश गराएका थिए । उक्त निवेदनमा सुनुवाई गर्दै सिफारिस भएकै दिन चन्दलाई आइजिपी बनाउने निर्णय कार्यान्वयन नगर्नू भन्दै सर्वोच्चले अन्तरिम आदेश जारी गरेको थियो।

उक्त मुद्दामा फैसला गर्दै तत्कालीन प्रधानन्यायाधीश सुशीला कार्की सहित पाँच जनाको पूर्ण इजलासले कार्यसम्पादन र मूल्यांकनको अंकका आधारमा बढुवा गर्न आदेश गरेको थियो।अदालतको उक्त आदेशपछि सरकारले मूल्यांकनमा अगाडि देखिएको कारण दिँदै प्रहरी महानिरीक्षकमा अर्याललाई बढुवा गरेको थियो । सरकारको सो कदम विरुद्ध गत चैत ३१ गते सिलवालले दोस्रो रिट दायर गरेका थिए।

उक्त निवेदनमा सुनुवाई गर्दै सर्वोच्चले कारण देखाऊ आदेश मात्र जारी गरेको थियो।

फैसलाका लागि सुनुवाईको मिति तोकिएकै समयमा तत्कालीन प्रधानन्यायाधीश कार्कीमाथि सरकारले महाअभियोगको प्रस्ताव दर्ता गरेको थियो । महाअभियोग सरकारले फिर्ता लिएपछि पुन: अदालत गए पनि कार्कीले उक्त मुद्दा सुनुवाई गरिनन्।

कार्कीपछि आएका प्रधानन्यायाधीश गोपाल पराजुलीले उक्त मुद्दालाई निरन्तर सार्दै आएका थिए । साउन १९ गतेदेखि अन्तिम सुनुवाई सुरु भएको मुद्दामा भदौ १५ गते दुवै पक्षको बहस सकिएको थियो।

प्रतिक्रिया दिनुहोस
नेपालमा थप १९ जनामा कोरोना, संक्रमितको संख्या ६०३ पुग्यो

  थप १९ जनामा कोरोना भाइरस (कोभिड-१९) संक्रमण पुष्टि भएको छ । यससँगै

निजगढमा तीन सय भन्दा बढी होम क्वारेन्टाइनमा

  बाराको निजगढमा तीन सय भन्दा बढीलाई होम क्वारेन्टाइनमा राखिएको छ । कोरोना

संविधान संशोधन रोक्न ‘रअ’ सक्रिय, को को छिरे लैनचौर ( नाम सहित )

  सरकारले संसद सचिवालयमा दर्ता गराएको संविधान संशोधनको विधेयकलाई असफल बनाउन नेपाली कांग्रेसका

कोरोनाबाट विश्वभर ११७ नेपालीको मृत्यु : एनआरएनए

  कोरोना भाइरस संक्रमणका कारण विश्वभर १ सय १७ नेपालीको मृत्यु भएको गैरआवासीय