मदन भण्डारीको नजरमा परेका पोखरेल महासचिव बन्दै



 

 

नेकपा एमालेको दशौं महाभिवेशन नजिकिदै गर्दा नेतृत्वमा को को भन्ने बहस तीव्र बनेको छ । पार्टी अध्यक्षमा केपी शर्मा ओली नै दोहोरिने पक्कापक्की छ । अध्यक्ष बाहेकका पदमा जोडघटाउसँगै लविङ चलिरहेको छ । अध्यक्षपछिको कार्यकारी र शक्तिशाली पद महासचिव कस्को काँधमा जान्छ भन्ने निकै चासोका साथ हेरिएको छ । नेकपा एमालेका एक केन्द्रीय सदस्यका अनुसार, अहिले अध्ययक्ष ओलीले आफ्नो उत्तराधिकारीका रुपमा महासचिव बनाउँदै अघि सार्ने संभावना आएपछि यो पदमा को पुग्छ भन्ने विषयलाई निकै महत्वका साथ हेरिएको छ । अहिले महासचिव बन्ने व्यक्ति नै एघारौ महाधिवेशनबाट अध्यक्ष बन्ने प्रवल संभावना छ । त्यसैले अध्यक्ष ओलीले आफ्नो उत्तराधिकारी छनौट कसरी गर्छन भन्ने विषय नै प्रमुख विषय हो ।

 

नेकपा एमालेमा नेता धेरै भएका कारण नेताहरुको व्यवस्थापनको चुनौति देखिन्छ । बरिष्ठ उपाध्यक्षमा महासचिव ईश्वर पोखरेलको संभावना धेरै देखिन्छ । बरिष्ठ उपाध्यक्षको आकांक्षी भीम रावलले अध्यक्ष ओलीमाथि दबाब बढाउन अध्यक्षमा उठ्ने घोषणा गरेका छन् भने संसदीय दलका उपनेता सुभाष नेम्बाङ र माओवादी केन्द्रबाट एकता प्रकृयासँगै आएका रामबहादुर थापा बादल पनि बरिष्ठ उपाध्यक्षमा चाहना राखेका छन् । तर, थपा उपाध्यक्ष बन्ने देखिन्छ । चार उपाध्यक्ष पद मध्ये थापा र अष्टलक्ष्मी शाक्य उपाध्यक्ष बन्ने विश्चित जस्तै छ । वर्तमान उपाध्यक्ष युवराज ज्ञवाली अनुशासन आयोगको अध्यक्ष र आयोगका वर्तमान अध्यक्ष अमृत बोहोरा सल्लाहाकार समितिको सभापति बन्ने चर्चा ब्याप्त छ ।
अहिले महासचिवमा उपमहासचिव विष्णु पौडेल,शंकर पोखरेल र सुरेन्द्र पाण्डेको चर्चा छ । यो चर्चासँगै पार्टीभित्र बैचारिक नेताका रुपमा पहिचान बनाएका पोखरेललाई महासचिव बनाउन दबाब र अभियान शुरु भएको छ । हालै नेपालगञ्जमा भेला भएका सुदुरपश्चि, कर्णाली र लम्विनी प्रदेशका तीन दर्जन जिल्लाका अध्यक्ष, दुई दर्जन केन्द्रीय सदस्य लगायतको टोलीले पार्टी अध्यक्ष ओलीसमक्ष पोखरेललाई महासचिव बनाउन सामुहिक अपिल गरेका थिए ।

 

यस विषयमा अध्यक्ष ओलीले सकारात्मक सन्देश दिएको सहभागी एक केन्द्रीय सदस्य खेममान खड्काले बताए । पार्टीलाई बैचारिक रुपमा शसक्त ढंगले अगाडी बढाउन र पार्टीभित्र युवाहरुको मनोविज्ञानलाई दृष्टिगत गरी पोखरेललाई महासचिव बनाउन अध्यक्ष ओलीमाथि दबाब परिरहेको छ । युवा केन्द्रीय सदस्य र अखिलका पूर्वनेताहरु पोखरेललाई महासचिव बनाउन अभियान नै शुरु गरेका छन् ।

 

पार्टीभित्र बिचार निर्माण गर्नेनेताका रुपमा स्थापित पोखरेल पार्टीलाई गणतन्त्रको मुद्धामा डोर्याउने नेता हुन । पोखरेलले नै तत्कालीन महासचिव माधव नेपाललाई कन्भिन्स गरेर पार्टीलाई गणतन्त्रको पथमा लैजाने मुख्य भूमिका खेलेका थिए । माओवादीबिरुद्ध बैचारिक अभियानका मुख्य अगुवा पनि पोखरेल नै हुन । त्यसो त पार्टीको पाँचौ महाधिवेशनको अपिलको ड्राफ्ट गर्न तत्कालिन महासचिव मदन भण्डारीले पोखरेललाई जिम्मा दिएका थिए । पोखरेलले तयार पारेका ड्राफ्टलाई महासचिव भण्डारीले अन्तिम रुप दिएका थिए । जननेता मदन भण्डारीको नजरमा परेका पोखरेलले रविन्द्र अधिकारी स्ववियू काउन्सिलको अध्यक्ष हुँदा मदनको निधनपछि काउन्सिलले गरेको बिचार गोष्ठीमा जनताको बहुदलीय जनवादलाई बिचारका रुपमा अघि बढाउने कार्यपत्र प्रस्तुत गरेका थिए ।

 

त्यसकार्यक्रममा युवराज ज्ञवालीलगायतका नेताहरुले भने त्यसलाई अस्वीकार गरेको प्रसँग त्यसबेलाका अखिलका नेताहरु सम्झन्छन् । त्यस्तै छैटौ महाधिवेशनमा प्रस्तुत गर्ने प्रतिवेदन तयार गर्न हात्तिवन रिसोर्टमा तत्कालिन महासचिव माधव नेपाल, नेताहरु केपी ओली, ईश्वर पोखरेल, बामदेव गौतम लगायतका नेताहरु तीनदिन बसेका थिए । त्यहाँ शंकर पोखरेलले जवजलाई सिद्धान्तका रुपमा पार्टीले स्थापित गर्ने प्रस्ताव राखेपनि नेपालले नै मानेनन् भने बामदेव गौतमसँग पोखरेललको ठाकठुक नै परेको प्रसँग पनि पार्टीभित्र बेलाबखत नेताहरुले उठाउने गर्छन् । त्यो महाधिवेशन शक्ति संचयको कार्यनीतिको दस्तावेज ओलीको निर्देशनमा पोखरेलको अगुवाईमा भएको थियो । पार्टीभित्र नेतृत्वकारी विचारको निर्माण गर्ने पोखरेल जवजो एक मुख्य ब्याख्याकारको रुपमा परिचित छन् । सातौ महाधिवेशनमा संविधानसभा, राज्यको पुर्नसंरचनासम्बन्धी मुद्धा उठाउने पोखरेल एक हुन ।

 

निरन्तर साथ दिदै अफ्ठेरोमा पर्दा पनि साथ दिनेमध्ये शंकर पोखरेल र प्रदीप ज्ञवालीहरु नै हुन । यी दुई ओलीका असल र जनाधार भएका सारथीका रुपमा चिनिन्छन् । धेरैजससो पार्टीका दस्तावेज पोखरेल र ज्ञवाली मिलेर लेख्दै आएका छन् । ओलीको पार्टीलाई लोकतान्त्रिकरण गर्ने एजेण्डालाई दस्तावेजीकरण पनि यी दुबैले गरेका थिए । आठौ महाधिवेशनमा नेतृत्वले सर्वसम्मतिले पास गरेको दस्तावेजको मूल कन्सेप्ट नै विमति जनाउँदै महाधिवेशनमा पोखरेल, ज्ञवाली र विष्णु रिमाल मिलेर फरक प्स्ताव पेश गरे । इतिहासमा बिरलै हुने यस्ता घटना भयो, उनीहरुले प्रस्तुत गरेको फरक प्रस्ताव नै महाधिवेशनले पारित गर्यो । त्यसो त नवौँ महाधिवेशनको मुख्य दस्तावेज पोखरेलको सहयोगमा ज्ञवालीले तयार पारे । त्यसमा एउटा च्याप्टर मात्र झलनाथ खनालले तयार पारे तर, जस दिईयो घनश्याम भुसाललाई । भुसालले आफ्नो मार्केटिङ गर्दै पगरी गुथे । नवौँ महाधिवेशनपछिका दस्तावेज त प्रायः पोखरेल र ज्ञवालीले नै लेख्दै आएका छन् ।

 

बिचारका मामलामा मात्र होईन संगठनमा पनि पोखरेलको बलियो पकड छ । पार्टीलाई संकट पर्दा पहिलो खोजिने नेता हुन पोखरेल । पार्टीको भरपर्दो जनसंगठन अखिल पोखरेलले नेतृत्व गर्दा निकै शसक्त र प्रभावकारी थियो । प्रवास कमिटिीको काम व्यवस्थित पनि पोखरेलले नेतृत्व गर्दा थियो । पार्टीको कोर टिममा र जिल्लादेखि केन्द्रसम्म र संसदमा अहिले पोखरेलले नृतृत्व गरेका बखतका अखिलका नेताहरुको बर्चश्व देखिन्छ । पार्टी पुर्नगठन, व्यवस्थित र एउटै लयमा हिडाउने दृष्टान्त उनले लुम्बिनी प्रदेशबाट दिएका छन् ।

 

त्यसको त पार्टी स्कूल विभागको प्रमुख उनलाई नदिन प्रपञ्च भयो । त्यसपछि अध्यक्ष ओली प्रमुख र पोखरेल उपप्रमुख भए । उनी उपप्रमुख भएपनि प्रमुखकै रुपमा काम गरे । त्यसबेला पार्टी स्कूल व्यवस्थित, प्रभावकारी रसकृय बनेको सबै स्वीकार्छन । आर्थिक सामाजिक रुपान्तरण सम्बन्धी कार्यक्रम,समृद्धि सम्बन्धी सरकारका नीति तथा कार्यक्रम,विकास सम्बन्धी मोडलमा पर्दाभित्र रहेर महत्वपूर्ण भूमिका निर्वाह गर्दै पोखरेल आएका छन् । तर उनले यसको जस लिन मार्केटिङ भने गरेनन् । विचार निर्माण गर्ने, आर्थिक सामाजिक रुपान्तरणका एक हस्ती,पार्टी संगठक पोखरेललाई महासचिव बनाउन पार्टीभित्र धेरैको चाहना देखिन्छ । पार्टीभित्र उज्यालो छवी भएका कुनै विादमा नपरेका पोखरेल महासचिव बन्दा पार्टी अझ शसक्त हुने धेरै कार्यकर्ताका चाहना बुझिन्छ ।

 

प्रतिक्रिया दिनुहोस
एमाले महाधिवेशनः बन्द सत्र सुरु हुँदै

    नेकपा एमालेको दशौँ राष्ट्रिय महाधिवेशन अन्तर्गत आजदेखि बन्द सत्र सुरु हुँदैछ

एमालेमा पदाधिकारीदेखि केन्द्रीय सदस्यसम्म थपियो

    नेकपा एमालेमा पदाधिकारीदेखि केन्द्रीय सदस्यसम्म थप्ने निर्णय भएको छ । शुक्रबार

एमालेलाई यसरी शत्तिशाली बनाए युवा नेता बस्नेतले

    नेकपा एमालेका युवा नेता महेश बस्नेत अहिले देशको युवाहरुको ढुकढुकी बन्न

लिम्पियाधुरा, लिपुलेक र कालापानी फिर्ता भएपछि मात्रै आत्मसम्मान मिल्छ : अध्यक्ष ओली

  नेकपा एमालेका अध्यक्ष केपी शर्मा ओलीले नयाँ नक्सामा समेटिएको जमिन फिर्ता भएपछि