मन्त्री आलेले गरे युवा खुशी हुँने अर्को काम, आरटी–पीसीआर अब १२ सयमा



 

 

संस्कृति पर्यटन तथा नागरिक उड्डयनमन्त्री प्रेमबहादुर आलेले बैदेशि रोजगारीमा जाने युवाहरुका लागि खुशीको खबर ल्याइ दिनु भएको छ । मन्त्री पदको कार्यभार सम्हालेदेखि कर्मचारी, नागरिक खुशी तथा उनीहरुका हितका विषयमा उचित कदम उठान गर्दै आउनु भएका उहाँले अहिले भने युवाहरु खुशी हुने कदम चाल्नु भएको छ । मन्त्री आलेले त्रिभुवन अन्तर्राष्ट्रिय विमानस्थलबाट विदेशीने नेपाली यात्रुबाट कोभिड–१९ परीक्षण गरेबापत लिइदै आएको आरटी–पीसीआर परिक्षणको शुल्क ह्वात्तै घटाइ दिनु भएको छ ।

बैदेशिक रोजगारीमा जाने युवाहरुले अनिवार्य गर्नु पर्ने उक्त परिक्षणको शुल्क बढी लिइएको गुनासो व्यापक रुपमा बढेपछि शुक्रबार आफै अन्तर्राष्ट्रिय विमानस्थलमा छड्के अनुगमनमा जानु भएका मन्त्री आलेले रोजगारीका लागि तेस्रो मुलुक जाने युवाहरुबाट लिइदै आएको आरटी–पीसीआर परिक्षणको शुल्क बढी भएको र तत्काल घटान निर्देशन दिनु भएको थियो । मन्त्री आलेकै निर्देशन पछि अहिले उक्त आरटी–पीसीआर परिक्षणको शुल्क प्रयोगशालाले रु एक हजार २०० मात्रै लिन पाउने व्यवस्था कामय गरिएको छ । त्यस अघि उक्त परिक्षण बापत प्रयोगशालाले रु दुई हजार रुपैयाँ लिने गरेको यात्रुको आरोप थियो ।

मन्त्री आलेले आरटी–पीसीआरको शुल्क घटाउन व्यवस्था गर्न निर्देशन दिनु भएसँगै अहिले प्रयोगशालालाई पनि शुल्क घटाउन निर्देशन दिइएको त्रिभुवन अन्तर्राष्ट्रिय विमानस्थलको सञ्‍चालन विभाग प्रमुख सुरेशप्रसाद खनालले जानकारी दिनुभयो । विमानस्थल परिसरभित्र स्टार अस्पताल, टीजी मेडिसिन डिष्ट्रिब्यूटर्स प्रालि, क्रिस्टल डाईग्नोष्टिक प्रालि, अल्फा हेल्थ केयर एण्ड डाईग्नोष्टिक, क्लिनिकल एण्ड मोलिकुलर जेनेटिक, कोरोना ट्रेडिङ कम्पनी, सिद्धि पोलिक्लिनिक र विध ल्याबले पीसीआरका लागि नमूना सङ्कलन गर्दै आएका थिए ।
अन्तर्राष्ट्रिय गन्तव्यमा उड्नुअघि अधिकाशं मुलुकले नेपालबाट उड्नुभन्दा अघिको विभिन्न समय तोकेर नेगेटीभ आरटी–पीसीआर रिपोर्ट अनिवार्य साथैमा बोक्नुपर्ने नियम लागू गरेकाले नेपालले ४८ घन्टाअघिको पीसीआर रिपोर्ट अनिवार्य गरेको छ । यसका लागि विमानस्थलको गोल्डनगेटसँगको आइएमएस विल्डिङमा ८ वटा प्रयोगशालाले नमूना सङ्कलन गर्दै आएका छन् । विमल विष्ट

प्रतिक्रिया दिनुहोस
एमाले महाधिवेशनः बन्द सत्र सुरु हुँदै

    नेकपा एमालेको दशौँ राष्ट्रिय महाधिवेशन अन्तर्गत आजदेखि बन्द सत्र सुरु हुँदैछ

एमालेमा पदाधिकारीदेखि केन्द्रीय सदस्यसम्म थपियो

    नेकपा एमालेमा पदाधिकारीदेखि केन्द्रीय सदस्यसम्म थप्ने निर्णय भएको छ । शुक्रबार

एमालेलाई यसरी शत्तिशाली बनाए युवा नेता बस्नेतले

    नेकपा एमालेका युवा नेता महेश बस्नेत अहिले देशको युवाहरुको ढुकढुकी बन्न

लिम्पियाधुरा, लिपुलेक र कालापानी फिर्ता भएपछि मात्रै आत्मसम्मान मिल्छ : अध्यक्ष ओली

  नेकपा एमालेका अध्यक्ष केपी शर्मा ओलीले नयाँ नक्सामा समेटिएको जमिन फिर्ता भएपछि