केपी ओलीलाई कमजोर पार्ने गरी कुनै पदमा दाबी गर्दिनँ : ईश्वर पोखरेल



 

 

नेकपा एमालेका महासचिव ईश्वर पोखरेलले एमालेको आउँदो महाधिवेशनमा अध्यक्ष केपी शर्मा ओलीलाई कमजोर पार्ने गरी कुनै गतिविधि नहुने प्रष्ट्याएका छन् । काठमाडौंमा आयोजित एक कार्यक्रममा उनले विधानले पनि नमिल्ने भन्दै आफू तेस्रोपटक महासचिवको उम्मेदवार नबन्ने बताए । अहिले केपी ओली एकातिर र ओलीविरोधी सबै अर्कोतिर भएर मुलुकको राजनीति दुई ध्रुवमा बाँडिएको भन्दै पोखरेलले ओलीलाई झन् बलियो पार्न पार्टीमा एकमतका साथ सबै अघि बढ्नुपर्नेमा जोड दिए ।

वरिष्ठ उपाध्यक्ष वा अध्यक्षमध्ये के बन्नुहुन्छ त भन्ने पत्रकारको जिज्ञासामा उनले भने, ‘गठबन्धन एकातिर छ, अध्यक्ष ओली एकातिर हुनुन्छ । यो बेला उहाँलाई सबैको साथ चाहिन्छ । ओली अध्यक्षमा उठ्दा म त्यसको दाबेदार हुन्न । हामी सहमतिमा नेतृत्व छान्छौं ‘, पोखरेलले भने ।

एमाले हटाउने र अर्को प्रधानमन्त्री तोक्ने परमादेशको निर्णयले मन्त्रिपरिषद्‍मा अदालत भागबण्डामा बसेको विषयले एमालेविरुद्धका चलखेल पुष्टि हुँदै गएको पोखरेलको भनाइ थियो । ‘व्यक्तिलाई प्रधानमन्त्री बनाउने परमादेशदेखि अहिलेसम्मको घटनाक्रम हेर्दा एमालेविरुद्ध कसरी अदालत प्रयोग भएको खुल्दै गएको छ, यसको फैसला जनताले गर्छन्’, उनले भने ।

महासचिव पोखरेलले यो गञ्जागोलभन्दा ताजा जनादेशमा जानुपर्ने एमालेको एकमात्र जोड रहेको बताए । कसैसँग गठबन्धन गरेर नभइ एमाले एक्लै लड्ने र जनादेशबाट पुन: आउने उनको दाबी छ ।

प्रतिक्रिया दिनुहोस
नेपाल एयरलाइन्सलाई कमजोर बनाउँदिन : मन्त्री आले

    संस्कृति, पर्यटन तथा नागरिक उडड्यन मन्त्री प्रेम आलेले निजी क्षेत्रका कम्पनीसँग

प्रधानन्यायाधीशले राजीनामा दिनुपर्छ : भीमार्जुन आचार्य

    संविधानविद् भीमार्जुन आचार्यले न्यायालयलाई थप क्षति हुन नदिन प्रधानन्यायाधीश चोलेन्द्रशमशेर जबराले

आजदेखि लाइसेन्सको फारम खुल्यो

  कात्तिक । कोभिड–१९को कारण बैशाखदेखि रोकिएको सवारीचालक अनुमतिपत्र (लाइसेन्स) को नयाँ आवेदन

परमादेश दिने पाँचै न्यायाधीशले राजीनामा दिनुपर्छ : ओली

    नेकपा एमालेका अध्यक्ष केपी शर्मा ओलीले संसद पुनर्स्थापना र शेरबहादुर देउवालाई