यतीको पर्वतीय उडानको शुरुवात विश्वबिख्यात क्रीकेटरबाट



 

 

दोश्रो लकडाउन पछि आजबाट यति एअरलाईन्सले पर्वतिय उडानको शुरुवात विश्व चर्चित पाकिस्तानी क्रीकेटर शाहिद अफ्रीदिको उडानसंगै शुरुगरेको छ । एभरेस्ट प्रीमियर लिग खेल्न आएका क्रीकेटर अफ्रिदि सहित ४४ जना यात्रु लिएर उडान भरेको यतीले अब प्रत्यक आईतवार उडान गर्ने तालिका बनाएको हो । हालको लागि आईतवारदेखि उडानको शुरूवात गरेपनी यात्रुको माग अनुसार उडान संख्या र तालिका परिवर्तन हुने यति एअरलाईन्सका प्रवक्ता सुदर्शन बर्तौलाले जानकारी दिनुभयो ।

हिमाल चढ्न नसक्ने र ट्रेकिङ जान नसक्ने ब्यक्तिहरुकालागि पर्वतीय उडान आकर्षक मानिन्छ । पर्वतीय उडान मार्फत यात्रुहरुले लाङटाङ, गौरीशंकर, मेलुङ्छे, चो-यु, नुप्त्से, लोत्से, आमादब्लम, मकालु, सगरमाथा लगायत बिश्वका ८ वटा अग्ला हिमालको दृश्यालोकन गर्न सकिने भएकोले यसप्रति यात्रुहरूको आकर्षण बढेको छ । सुन्दर शान्त हिमाली मुलुक नेपालमा आएर पहिलो पटक पर्वतिय उडान गर्न पाउँदा आफुलाई खुसी लागेको र दृश्यावलोकनले आफुलाई रोमान्चित बनाएको अफ्रीदिले प्रतिक्रिया दिनुभयो, वहाँले कोरोना भाईरस को जोखिम नेपालमा अत्यन्त कम रहेकोले ढुक्कसँग नेपाल घुम्न सकिने जानकारी दिनुभयो ।

उडान पछि प्रतिक्रिया दिंदै वहाँले महत्वपूर्ण अवसर र आकर्षक दृश्यावलोकनका लागि यती एअरलाईन्स परिवार र चालकदललाई धन्यवाद व्यक्त गर्नुभयो । “लकडाउन संगै आन्तरिक पर्यटनलाई आकर्षित गर्न यतिले हालसम्मकै सस्तो सगरमाथाको उचाई बराबर ८८४८ रुपैयाँमा पर्वतिय उडान गर्न सकिने आकर्षक प्याकेज ल्याएको र यसले आन्तरिक पर्यटकिय गतिबिधी बढाउन मद्धत गर्ने ” प्रवक्ता बर्तौलाले बताउनु भयो ।

प्रतिक्रिया दिनुहोस
नेपाल एयरलाइन्सलाई कमजोर बनाउँदिन : मन्त्री आले

    संस्कृति, पर्यटन तथा नागरिक उडड्यन मन्त्री प्रेम आलेले निजी क्षेत्रका कम्पनीसँग

प्रधानन्यायाधीशले राजीनामा दिनुपर्छ : भीमार्जुन आचार्य

    संविधानविद् भीमार्जुन आचार्यले न्यायालयलाई थप क्षति हुन नदिन प्रधानन्यायाधीश चोलेन्द्रशमशेर जबराले

आजदेखि लाइसेन्सको फारम खुल्यो

  कात्तिक । कोभिड–१९को कारण बैशाखदेखि रोकिएको सवारीचालक अनुमतिपत्र (लाइसेन्स) को नयाँ आवेदन

परमादेश दिने पाँचै न्यायाधीशले राजीनामा दिनुपर्छ : ओली

    नेकपा एमालेका अध्यक्ष केपी शर्मा ओलीले संसद पुनर्स्थापना र शेरबहादुर देउवालाई