६ मन्त्री भाग पाउँदा पनि सम्धीको हात रित्तै



 

 

माधव नेपाल नेतृत्वको नवगठित पार्टी नेकपा (एकीकृत समाजवादी)मा मन्त्री बन्न सांसदहरुको दौडधुप सुरु भएको छ । सरकारमा सहभागी भएपछि मात्र पदाधिकारी चयन र संगठन विस्तारको गृहकार्यमा जुटेको पार्टीको भागमा ६ जना मन्त्रीको कोटा परेको छ । प्रधानमन्त्री शेरबहादुर देउवाले नेपाललाई ६ मन्त्री दिने र आवश्यक परे दुईवटा मन्त्रालय थप्न सकिने बताएपछि पार्टीभित्र मन्त्री बन्ने दौडधुप तीव्र भएको हो । मन्त्री बन्ने दौडमा वामदेव गौतम पत्नी तुलसा थापादेखि सांसद नभएका नेतासमेत सहभागी छन् ।

एकीकृत समाजवादी पार्टीका एक नेताकाअनुसार कलम चिन्ह लिएर स्वतन्त्र हैसियतमा राष्ट्रियसभा सदस्य जितेका खिमलाल देवकोटा पनि मन्त्रीका आकांक्षी हुन् । एमाले नेता रामबहादुर थापा (बादल)लाई असहज अवस्थामा पनि हराएकोले यसपटक आफुले मन्त्री पाउनुपर्ने उनको दावी छ । हालसम्म पनि मन्त्री बन्ने पालो नआएका बेदुराम भुषाल, २०४८ सालमै सांसद भएका विरोध खतिवडा र पुराना नेता मुकुन्द न्यौपानेले पनि यसपटक मन्त्री बन्ने इच्छा देखाएका छन् ।

नयाँ पार्टी निर्माणका क्रममा माधव नेपाललाई नजिकवाट सहयोग गरेका मेटमणि चौधरी, केपी ओली खेमा छाडेर पछिल्लो दिन नेपाल खेमामा खुलेका प्रेम आले र किसान श्रेष्ठ पनि मन्त्रीको दौडधुपमा छन् । पार्टीभित्रैको एउटा खेमा नेतृ रामकुमारी झाँक्रीलाई मन्त्री बनाएर पठाउने लविङमा लागिरहेका बेला झाँक्री स्वयंले पनि मन्त्री बन्ने इच्छा देखाएको ती नेताले बताए ।

सुदुरपश्चिमबाट निरादेवी जैरुले आफु मन्त्री बन्न पाउनुपर्ने दावी गरेकी छन् भने दलितकोटाबाट मन्त्री बन्न पाउनुपर्ने भन्दै पार्वती विशंखेले लविङ गरिरहेको ती नेता बताउँछन् । सांसदसँगै केही केन्द्रीय सदस्यलेसमेत मन्त्री पदमा आकांक्षा देखाएका कारण नेपालले निकटका नेताहरुसँग कसलाई मन्त्री बनाउने भन्ने विषयमा छलफल गरिरहेको उनको भनाइ छ ।

माधव नेपालको दुःख

नेपालको सम्धी सोमप्रसाद पाण्डे नयाँ पार्टी दर्ताका लागि निवेदन दिने दिन बाटोमै हराउँदा मन्त्री हुनेबाट कही टाढा पुगेका छन । माधव नेपालले गुटका नाममा अवसरपाउँदा पहिलो प्राथमिकतामा पर्ने पाण्डे सम्धीको एमाले विभाजन गर्ने अभियानमा लिखित साक्षी नबसेका कारण समस्यामा परेका हुन । उनी प्राविधिक रूपमा एमालेका सांसद हुन ।

मन सम्धीको पार्टीमा भए पनि उनी सम्भीको नयाँ पार्टी नेकपा एकीकृत समाजवादीको सांसद हुन एमाले र सांसद दुबै त्याग गरेर जानुपर्छ । त्यो पाण्डेका लागि झन महंगो पर्ने निश्चित छ । कतिसम्म भने माधव नेपालले हात जोडेर नाता जोगाइदिन अनुरोध गरेपछि उनलाइ गाडी चढ्न मिल्नेगरी विभिन्न दलसँग वार्ता गर्न भन्दै एउटा समितिको संयोजक बनाइयो थियो । पाण्डे भने समाजवादीमा पुगेर मन्त्री बन्ने बाटो खोज्नका लागि कानुन व्यवसायीसँग परामर्शमा रहेका छन ।

प्रतिक्रिया दिनुहोस
निर्वाचनमा बहुमत ल्याउने एमालेका ३८ रणनीति

    एमाले अध्यक्ष केपी ओलीले एमालेलाई पुनः राज्य सञ्चालनको केन्द्र भागमा स्थापित

विप्लव समूहको ‘मोजमस्ती’, लोकल खसी र भाले समाप्त

  नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीको केन्द्रीय समितिको पूर्ण बैठक तनहुँ

यति एअरलाईन्सको पर्वतीय उडान असोज ९ गतेबाट शुरु

    दोश्रो लकडाउन पछि रोकिएको यति एअरलाईन्सको पर्वतीय उडान असोज १० गते

बालुवाटार प्रकरणको मुख्य पात्र माधव नेपाल हो : विजय गच्छदार

    नेपाली कांग्रेसका उपसभापति विजयकुमार गच्छदारले बालुवाटारको ललिता निवासस्थित सरकारी जग्गा प्रकरणमा