माधव नेपालको नयाँ पार्टीमा सुरेन्द्र, घनश्याम, योगेश, गोकर्ण र ठाकुर गैरे नजाने



 

प्रधानमन्त्री एवं आफ्नै पार्टीका अध्यक्ष केपी शर्मा ओलीसँगको प्रतिशोधका कारण माधव नेपाल नेकपा एमालेबाट अलग्गिएर नयाँ पार्टी खोल्ने तयारी गर्नुभएको छ । उक्त पार्टीलाई पुष्पकमल दाहाल प्रचण्ड नेतृत्वको गठबन्धनमा समाहित गरी चुनाव लड्ने योजना पनि नेपालले बनाउनुभएको छ । प्रतिनिधिसभा फेरि विघटन गरिएपछि नेपाल समूहले संसद् विघटनको विरोध गर्दै विपक्षी गठबन्धनलाई साथ दिने घोषणा गरिसकेको छ ।

विघटनलाई नै चुनावी मुद्दा बनाएर मोर्चाबद्ध रुपमा अघि बढ्ने अपेक्षा नेपाल पक्षको छ । प्रचण्डको नेतृत्वमा हुने मोर्चालाई नै चुनावी गठबन्धन बनाउने सोच नेपाल समूहले बनाएको छ । सकेसम्म कांग्रेसलाई गठबन्धनमा स्वागत गर्ने र ओली नेतृत्वको एमालेलाई आगामी चुनावमा शून्यमा परिणत गर्ने नेपाल समूहको योजना छ । कांग्रेसले एक्लै चुनाव लड्ने भए पनि अरु जति समूह मोर्चामा आबद्ध हुन्छन्, तिनलाई समेट्दै लैजानुपर्ने नेपाल पक्षको बुझाइ छ ।

छुट्टै पार्टी खोल्ने नेपालको तयारीमा सुरेन्द्र पाण्डे लगायत केही प्रभावशाली नेताहरुले भने साथ नदिने भएका छन् । सुरेन्द्र पाण्डे, घनश्याम भुसाल, योगेश भट्टराई, गोकर्ण विष्ट, ठाकुर गैरे, गणेश पहाडी लगायतले एमाले छाडेर छुट्टै पार्टीमा जान नसकिने स्पष्ट पारिसक्नुभएको छ । शेरबहादुर तामाङ, लालबाबु यादव, विष्ण रिजाल लगायत भने नेपाल समूह त्यागेर यसअघि नै एमालेको मूलधारमा फर्किनुभएको छ । नेपालले केही कार्यकर्तामार्फत् निर्वाचन आयोगमा यसअघि नै दल दर्ता पनि गराइसकेका छन् ।

अबको केही दिनमा पार्टी घोषणा गर्ने तयारी छ । यस कार्यमा नेपाललाई वामदेव गौतमले पनि साथ दिनेछन् । तर, गौतमसँग रोपाइँ प्रकरणमा चर्चित पूर्वमन्त्री हरि पराजुलीबाहेक कोही नेता कार्यकर्ता छैनन् । नेपालसँग भने भीम रावल, रघु पन्त, भीम आचार्य, युवराज ज्ञवाली, अष्टलक्ष्मी शाक्य, रामकुमारी झाँक्रीलगायत हुनेछन् । शनिबार बसेको एमाले स्थायी समितिको बैठकले पनि पार्टीमा फर्कन सक्ने नेताहरुलाई कारवाही गरेको छैन ।

प्रतिक्रिया दिनुहोस
राजा वीरेन्द्र कति मदिरा पिउँथे ?

    केही वर्षअघि स्वीटरजरल्यान्डको मदिरा कम्पनी टुरविनेनब्राउले हातमा बियरको गिलास लिएर मुस्कुराइरहेको

मेलम्ची आयोजनाका २३ जना कामदार सम्पर्कविहीन

    अविरल वर्षाका कारण सिन्धुपाल्चोकको हेलम्बुमा आएको बाढीले मेलम्ची खानेपानी आयोजनाको क्याम्प

ओलीलाई झलनाथको आग्रह- बिन्ति छ, हिजोका सबै कुरा बिर्सेर पार्टी मिलाउनुस्

    प्रधानमन्त्री तथा एमाले अध्यक्ष केपी शर्मा ओलीले खनाललाई उपचारका लागि दिल्ली

निवर्तमान मन्त्री आलेका पहलमा २५ शयया उपलब्ध

    निवर्तमान वन तथा वातावरणमन्त्री प्रेमबहादुर आलेका पहलमा जिल्ला अस्पताल डोटीका लागि