एक पद छाड्न प्रधानमन्त्री केपी ओली तयार



 

प्रधानमन्त्री केपी शर्मा ओलीले आफूले एक पद छाड्न तयार रहेको सन्देश नेकपा अध्यक्षद्वय पुष्पकमल दाहाल प्रचण्ड र माधवकुमार नेपाललाई पठाएका छन् । ओली निकट नेता एवं लुम्बिनी प्रदेशका मुख्यमन्त्री शंकर पोखरेलले प्रचण्ड नेपाल निकट नेता घनश्याम भुषालमार्फत प्रधानमन्त्री ओलीको सन्देश पठाएका हुन् । सिंहदरबारमा पोखरेल र भुषालबीच बिहीबार भेटवार्ता भएको थियो ।

भेटवार्तामा पार्टी विभाजनबाट फेरि एकतातर्फ कसरी लैजान सकिन्छ भनेर सामान्य छलफल भएको भुषालले बताएका छन् । पोखरेल र भुषाल निकट स्रोतले ओलीको सन्देश बोकेर पोखरेलले भुषाललाई भेट्न पुगेका थिए । स्रोतले भन्यो, ‘प्रधानमन्त्रीले प्रधानमन्त्री र पार्टी अध्यक्ष पदमध्ये एउटा छाडेर अगाडि जान सकिन्छ भन्ने सन्देश पठाउनु भएको थियो । यो विषय पुरानो भइसकेको भुषालले बताएका थिए । त्यसपछि पोखरेलले नेतृत्व नयाँ पुस्तामा हस्तान्त्रणका विषयमा छलफल गरौँ भन्ने कुरा गर्नु भएको थियो । यसमा छलफल गर्न सकिने कुरा भुषालले गर्नुभयो ।’

पोखरेलले पूर्वएमालेको नारामा एकताबद्ध हुन नसकिने कुरा भुषालसँग राखेका थिए । तर, भुषालले वैचारिक र नेतृत्व दुबै ठाउँमा नयाँ तरिकाले जान नसक्ने अवस्थामा एक ठाउँमा बस्न नसकिने बताएका स्रोतको दावी छ । पोखरेलले जबजको मार्गदर्शनलाई अगाडि सारेर जानुपर्नेमा जोड दिएका थिए । भुषालले पूर्वएमाले र पूर्वमाओवादी भन्ने कुरा छाडेर वैचारिक हिसाबमा पनि नयाँ तरिकाले सोच्नुपर्नेमा जोड दिएका स्रोतको भनाइ छ ।

प्रतिक्रिया दिनुहोस
नेकपा एमालेका नेताहरूको कार्यविभाजन (सूचीसहित)

    नेकपा एमालेले २६४ सदस्यीय दशौं राष्ट्रिय महाधिवेशन आयोजक कमिटीका सदस्यहरुको कार्यविभाजन

प्रेस चौतारीको इञ्चार्जमा सूर्य थापा

  प्रेस चौतारी नेपालको इञ्चार्जमा सूर्य थापाले जिम्मेवारी पाउनु भएको छ । आज

उपचुनावमा बादललाई नै उम्मेदवार बनाउने एमालेको निर्णय

  प्रधानमन्त्री एवं नेकपा एमालेका अध्यक्ष केपी शर्मा ओलीले एमालेमा प्रवेश गरेका कारण

एमालेको स्थायी कमिटीबाट माधव- झलनाथ गुट आउट

    नेकपा एमालेको स्थायी कमिटीबाट माधव नेपाल पक्षधर नेताहरू हटाइएका छन् ।