स्थानीयमाथि गोली चलाउनु राज्यआतंक हो : जनमोर्चा



 

राष्ट्रिय जनमोर्चाले हत्यारालाई कारवाहीको माग गर्दै आन्दोलनमा उत्रिएका स्थानीयमाथि गोली चलाउनु राज्यआतंक भएको बताएको छ ।

महोत्तरीको बर्दीबासमा मंसिर ९ गते ६ वर्षीया बालिका गुलाब खातुनको हत्या गरिएको घटनाका दोषीलाई कडा कारवाहीको माग गर्न सडकमा निस्किएका स्थानीयमाथि गोली बर्साएर राज्यले ठूलो अपराध गरेका आरोप समेत जनमोर्चाले लगाएको छ ।

बिहीबार केन्द्रीय पार्टी कार्यालयले एक प्रेस विज्ञप्ति जारी गर्दै बालिकाको हत्यारा तथा जनतामाथि गोली चलाउने र गोली चलाउन आदेश दिने अधिकारीमाथि छानविन गरी कडाभन्दा कडा कारवाही गर्न माग गरेको छ ।

‘हत्यारालाई कारवाहीको लागि आन्दोलनमा उत्रिएका स्थानीयमाथि गोली चलाउनु राज्य आतंक हो । पीडितलाई न्याय दिनुको सट्टा न्याय माग्ने जनतामाथि नै गोली बर्साएर ठूलो अपराध गरिएको छ’, विज्ञप्तिमा लेखिएको छ, ‘बालिकाको हत्यारा तथा जनतामाथि गोली चलाउने र गोली चलाउन आदेश दिने अधिकारीमाथि छानविन गरी कडाभन्दा कडा कारवाही गर्न माग गर्दछौं ।’

यसअघि पनि आफ्नै साथीको हत्या गरेको आरोप लागेका बालिका हत्याका आरोपीलाई धरौटी बुझाएर छा्ड्नु न्यायाधीशको समेत गम्भीर लार्वाही भएको भन्दै जनमोर्चाले भनेको छ, ‘बालिका गुलाब खातुनको हत्या गरेका अरुण शाह भन्ने व्यक्ति केही महिनापहिले आफ्नै साथीको हत्या अभियोगमा पक्राउ परी अदालतबाट धरौटीमा छुटेका थिए । हत्याजस्तो गम्भीर अपराधमा सामेल व्यक्तिलाई धरौटीमा रिहाइ गरिनु न्यायाधीशको गम्भीर लापरवाही हो भन्ने कुरा पुष्टि भएको छ ।’

हत्यारालाई सामान्य धरौटीमा छोडिएकै कारण अपराधीको मनोबल थप हत्या गर्नेतर्फ गएको अरुण शाहका परिवारकै सदस्यले बताएको भन्दै जनर्मार्चाले न्यायालयसमेत हत्यारालाई कारवाही गर्ने कुरामा गम्भीर नदेखिनुले न्यायको अवस्था धेरै नाजुक भएको स्पष्ट भएको बताएको छ ।

प्रतिक्रिया दिनुहोस
प्रचण्ड–माधव प्रतिगमनकारी हुन : मन्त्री रायमाझी

    नेकपा ओली पक्षका नेता एवम् ऊर्जामन्त्री टोपबहादुर रायमाझीले प्रधानमन्त्री केपी शर्मा

यती समुहद्धारा समाचारको खण्डन

    नेपालको समग्र पर्यटन विकास र राष्ट्रको पर्यटन अर्थतन्त्रका असिमित संभावनालाई अन्तर्राष्ट्रिय

कास्कीका सवै जनप्रतिनिधि ओलीतिर, प्रचण्ड-माधव गुट पत्तासाफ

    सत्तारुढ नेपाल कम्युनिष्ट पार्टी (नेकपा) बिभाजन गरी अलग समुह बनाउनु भएका

मघेशी दल फेरी फुटने संकेत, जसपामा अर्को लफडा सुरु

    जनता समाजवादी पार्टी (जसपा) ले संसद् विघटनविरुद्ध सिरहामा गर्न लागेको सभा