देशमा के भयो, नेकपामा अकस्मात के भयो ?



 

पछिल्लो राजनीतिक परिदृश्यका केही धमिलो तरंग बुधबार साँझबाट संग्लिएर पटाक्षेप भएको छ ।
मन्त्रिपरिषद् हेरफेरका एक, दुई नभई अनेकन आयामबारे अहिले नेकपाबृत्तमा चर्चा छ ।

वामदेवमाथि बेइमानी

नेकपा उपाध्यक्ष वामदेव गौतमलाई मन्त्री नबनाइयोस् भन्ने मागसहित दायर भएको रिटउपर संवैधानिक इजलासले बुधबार सनुवाई गर्ला भन्ने सम्भावना बलियो थियो । तर, घटस्थापनाअघि संवैधानिक इजलास बस्नसक्ने अर्को एउटा दिन बाँकी हुँदाहुँदै त्यो मुद्दालाई हेर्दाहेर्दैमा राखेर कात्तिक २६ गते तोकियो ।
अनि, दिउँसो यो घटना सकिनासाथ बेलुकी राष्ट्रपति कार्यालयबाट मन्त्रिपरिषद् हेरफेरको सूची सार्वजनिक भयो । वामदेवलाई बनाउने भनिएको अर्थमन्त्रीमा विष्णु पौडेलको नाम आयो ।

यसरी वामदेवमाथि बेइमानीको श्रृंखला अब बालुवाटारमा मात्र सिमित रहेन,उहाँको छिमेकमै पुगेको छ ।
अर्थात्,पार्टी विवाद उत्कर्षमा पुगेर विभाजनको खतरा बढिरहँदा वामदेवले पेश गर्नुभएको सहमतिका ६ बुँदे प्रस्तावका कारण केपी ओलीको प्रधानमन्त्री पदको सुरक्षा, पार्टीको भविष्य सुनिश्चितदेखि महासचिवका रुपमा विष्णु पौडेलको सांगठानिक कौशलता पनि प्रष्टियो । तर, ती काम गर्ने स्वयं वामदेव केपी हुँदै यतिबेला विष्णु पौडेलसमेतबाट अपमानित हुनुपरेको छ ।

मानौँ, सर्वोच्चले वामदेवको मन्त्री बन्ने बाटो नै खोलेछ भने पनि अब उहाँले सम्हाल्ने भनेको मन्त्रालय पहिल्यै फुत्किसकेको छ ।

कर्णाली ताकेर काठमाडौं

केही दिन कर्णाली प्रदेशका मुख्यमन्त्री महेन्द्रबहादुर शाहीलाई अविश्वासको प्रस्तावमार्फत हटाउने नाममा बितण्डा गराइयो । केपी समूहका नेता यामलाल कँडेल र गुलावजंग शाहरुले अगुवाई गरेको यो वितण्डा रोक्नुपर्ने प्रस्ताव प्रचण्डको थियो ।

कर्णाली विवादका मुख्य–मुख्य पात्र काठमाडौं बोलाइएपछि विवाद साम्य त भयो । तर, त्यहाँ ताकिएको बन्दुकले काठमाडौंमा शिकार गरियो यता मन्त्रिपरिषद्मा तीनजना थपथाप गरेर ।

देखिँदा केपीले कर्णालीमा ताक्नुभएको बन्दुक बिसाएजस्तो देखियो, तर इन्काउण्टरमा पर्यो काठमाडौं ।
यो घटनाबाट नेकपाभित्र चरम असन्तुष्टि बढेको छ । तर, सार्वजनिक खपतका निम्ति प्रतिक्रिया नदिएर रणनीतिक ढंगले केपीमाथि प्रहार गर्ने गरी प्रचण्ड–माधव समूह रणनीति बनाउनमा यतिबेला व्यस्त छ ।

ईश्वर मामिला

रक्षा मन्त्रालयबाट ईश्वर पोखरेललाई उपप्रधानमन्त्रीकै हैसियतले प्रधानमन्त्री कार्यालय तानिएको छ । यसो गरिएलगत्तै सबभन्दा पहिला लुम्बिनी प्रदेशबाट मुख्यमन्त्री शंकर पोखरेलको बधाईसहितको प्रतिक्रिया आयो, ‘समग्र मन्त्रिपरिषद्को काम संयोजन गर्ने गरी…।’

यसमा दुईथरि अनुमान छन् । एउटा हो,उस्तै पर्दा ईश्वरलाई कायममुकायम प्रधानमन्त्री दिएर वामदेवको बाटो पूर्णतः रोक्ने । वा, पार्टी महासचिवको भूमिकामा फर्काउने । तर, स्वयं ईश्वरले आफूमाथि के गर्न लागिएको हो भन्ने कुरा यो पंक्ति लेख्दासम्म ठम्याउन सकिरहनुभएको छैन ।

छानी–छानी प्रतिस्पर्धी

मानिसलाई गालामा हानेको झापड सबैले देख्छन् भनेर कहिलेकाँही हातमा प्याट्ट हिर्काएर पनि झापडको संकेत गरिन्छ । प्रचण्डको हकमा केपीले यस्तै गर्नुभएको छ । ०७० को दोस्रो संविधानसभा निर्वाचनमा सिराहामा प्रचण्डसँग चुनाव लडेका लीलानाथ श्रेष्ठलाई यसचोटि मन्त्री बनाइयो । यसअघि प्रचण्डद्वारा कांग्रेससँग मिलेर भरतपुर महानगरको मेयरमा हराइएका देवी ज्ञवालीलाई भूमि व्यवस्था आयोगको अध्यक्ष बनाइएको थियो ।

प्रचण्डमाथि प्रहार

यता प्रचण्डको स्थिति कस्तो बनाइयो भने, कार्यकारी अध्यक्ष दिइए पनि उहाँले बोलाएको बैठक र त्यो बैठकले गरेका निर्णय अर्थहीन बनाइने । अनि,बैठकमा केपीपक्षीय कोही पनि नजाने ।

मुसा मार्नु छ भने मुसालाई दुलोबाट निस्कन दिनुपर्छ भनेजस्तो रणनीति केपी ओलीले अख्तियार गर्नुभएको प्रचण्ड–माधवपक्षीय नेताहरुको ठहर छ । अर्थात्, भित्रभित्रै कुरा राख्दै आउनुभएका प्रचण्डलाई अब सबै कुरा बाहिरैबाट गर्न बाध्य बनाइएको उनीहरुको ठहर छ ।

मुख्यमन्त्री फासफुस

विवाद समाधानका लागि साउनमा गठित कार्यदलले दिएको प्रतिवेदनमा संघीय सरकारको मन्त्रिपरिषद् र प्रदेश सरकारका नेतृत्व पनि हेरफेर हुने कुरा उल्लेख थियो ।

त्यसमध्ये विगतको प्रदेशसभा संसदीय दलमा माधवपक्षीय नेताहरुलाई चुनावमा जाकेर छानी–छानी हराइयो, प्रदेश १ मा भीम आचार्य र बागमतिमा अष्टलक्ष्मी शाक्य ।

अहिले पनि यी दुई प्रदेशमा माधव–प्रचण्ड खेमा मिल्दा मुख्यमन्त्रीहरु छिनभरमै पदमुक्त हुन्छन् । तर, उनीहरु त्यस्तो काममा लागेका छैनन् ।

बरु, त्यसअघि नै केपी समूहकै नेताहरु लागेर पूर्वमाओवादीको भागमा परेको कर्णाली प्रदेशका मुख्यमन्त्री महेन्द्र शाहीको निन्द्र ०७२ घण्टासम्म बिथोलियो । अन्तिममा निशानाचाहिँ काठमाडौंतिर ताकियो । जनआस्थाबाट, हरि गजुरेल

प्रतिक्रिया दिनुहोस
पुरानै शैलीमा फर्काएको रानीपोखरी

  राजा प्रताप मल्लले विसं. १७२७ मा रानीपोखरी निर्माण गराउँदा सायदै अहिलेको पुनर्निर्माण

बसन्त चौधरीलाई कोरोना संक्रमण

  र्भिक अस्पतालका अध्यक्ष बसन्त चौधरीलाई कोरोनाभाइरसको संक्रमण पुष्टि भएको छ । चौधरीले

विप्लव नेकपाद्वारा सरकारविरुद्ध संघर्षका कार्यक्रम सार्वजनिक

    प्रतिबन्धित नेपाल कम्युनिस्ट पार्टीका महासचिव नेत्र विक्रम चन्द (विप्लव) ले निःशुल्क

बालुवाटार छिरे प्रचण्ड, ओलीसँग कुरो मिलेन

  कर्णाली प्रदेश सरकारको विवाद समाधान कसरी गर्ने भन्नेबारे प्रधानमन्त्री केपी शर्मा ओली