तीन घण्टा लामो छलफल सकियो, पार्टी नफुटाउने सहमति



 

सत्तारुढ नेपाल कम्युनिष्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहाल प्रचण्डसहितका नेताहरूबीचको तीन घण्टा लामो छलफल सकिएको छ ।

प्रधानमन्त्री निवास बालुवाटारमा भएको छलफलमा के–के विषयमा कुराकानी भयो भन्नेबारे भने नेताहरुले खुलाइसकेका छैनन् । यद्यपी आजको छलफल सकारात्मक रहेको शीर्ष नेता निकट स्रोतले जानकारी दिएको छ ।

आजको बैठकमा ओली प्रचण्ड बाहेक अर्का नेता झलनाथ खनाललाई पनि सहभागी भएका थिए । त्यस्तै नेकपाका संसदीय दलका उपनेता सुवास नेम्वाङ पनि आजको छलफलमा सहभागी थिए ।

गएको मंगलबार तय भएको स्थायी कमिटी बैठक ओलीले एकतर्फी रुपमा स्थगित गरेपछि अर्का अध्यक्ष प्रचण्डले बैठक सञ्चालन गरेका थिए । ओलीले एकतर्फ रुपमा स्थायी कमिटी वैठक रोक्नु गलत भएको निष्कर्ष निकालेको उक्त वैठकपछि दुई अध्यक्षबीच संवादहिनताको अवस्था थियो ।

ओली र प्रचण्डबीच संवाद गराउन बिहीबारदेखि महसचिव विष्णु पौडेल र शंकर पोखरेल सक्रिय थिए । शनिबार साँझ पनि ओलीको सन्देश लिएर पौडेल प्रचण्ड निवास खुमलटार पुगेका थिए ।

यता निष्कर्षसहितको वैठकका लागि प्रचण्डले ओलीलाई सन्देश पठाएका थिए । लामो समयदेखि जारी नेकपाभित्रको विवाद हल नहुँदा कार्यकर्तामा निरासा पैदा भएको छ । यस्तै पार्टी र सरकार सञ्चालनमा समेत व्यवधान पैदा भइरहेको छ ।

ओलीले प्रधानमन्त्री र पार्टी अध्यक्षमध्ये एक पद छाड्नु पर्ने प्रचण्डको अडान र ओलीको दुबै पद नछोड्ने बरु जस्तोसुकै परिस्थिति सामना गर्न तयार रहने अड्डीका कारण विवाद निष्कर्षतिर जान सकेको छैन । पटक–पटकको छलफल निष्कर्षविहीन बन्दा पार्टी फुटको नजिक पुगे पनि हालसम्म दोस्रो पुस्ताका नेताको खबरदारीका कारण शीर्ष नेता विभाजनको बाटोमा भने अघि बढेका छैनन् ।

प्रतिक्रिया दिनुहोस
गोंगबु हत्याकाण्ड: यी हुन् प्रहरीले पत्ता लगाएका १६ तथ्य र ८ प्रमाणहरु

    राजधानीको टोखा नगरपालिका वडा नम्बर १० स्थित गोगबु नवज्योति मार्गमा भएको

कोरोना नियन्त्रण बाहिर गएको छैन: मन्त्री ढकाल

  स्वास्थ्य तथा जनसंख्या मन्त्री भानुभक्त ढकालले सरकारको आलोचना गर्नेहरूको मति सप्रियोस् भन्दै

पूर्वमन्त्रीप्रभु साहमाथि दरबारीया षड्यन्त्र

  काठमाडौ ।तत्कालीनशाही दरबारीयहरुले नेपाल कम्युनिष्ट पार्टी (नेकपा) का नेतातथापूर्वमन्त्रीप्रभु साहविरुद्ध षडयन्त्रपूर्ण गतिविधि

त्रिभुवन विश्वविद्यालयको उपकुलपति र रजिस्टारको कार्यालयमा तोडफोड

    नेपाल विद्यार्थी संघका कार्यकर्ताले मंगलबार त्रिभुवन विश्वविद्यालयको उपकुलपति र रजिस्टारको कार्यालयमा