काठ व्यवसायी सांसद प्रेम आलेलाई कारबाहीको माग गर्दै प्रधानमन्त्रीलाई ज्ञापनपत्र



 

पूर्व काठ व्यवसायीले वैज्ञानिक वनमा भएको अनियमतिताबारेमा गरेको छानविन आफुहरुलाई मान्य नहुने भन्दै कैलालीका विभिन्न सामुदायिक वनहरुले अर्को  छाननि समिति पठाउन माग गरेका छन् । उनीहरुले सांसद प्रेम आलेको पृष्ठभूमि काठ व्यवसायी रहेको र उनले गर्ने छानविन आफुहरुलाई मान्य नहुने र उनीमाथि कानूनी कारबाहीको माग गर्दै प्रधानमन्त्रीलाई ज्ञापनपत्र पठाएका हुन् ।

वैज्ञानिक वन व्यवस्थापनमा अनियमितता भएको उजुरीका आधारमा अध्ययनका लागि आएको संसदीय टोलीमा रहेका सांसद प्रेम आलेले उपभोक्ताहरुलाई धम्काएको भन्दै कानूनी कारबाहीको माग गर्दै कैलालीका ६८ वटा सामुदायिक वन उपभोक्ता समुहहरुले प्रधानमन्त्रीलाई ज्ञापनपत्र बुझाएका हुन् ।

प्रतिनिधि सभाको सार्वजनिक लेखा समितिले गठन गरेको उप समितिका सदस्य तथा डोटीबाट निर्वाचित सांसद प्रेम आलेले अध्ययनका क्रममा गरिएको स्थलगत निरीक्षणमा ऐश्वर्य सामुदायिक वन पथरैयाका अध्यक्ष केशब शाही, जनकल्याण सामुदायिक वनका अध्यक्ष जय गिरी लगायतलाई अपशब्द प्रयोग गरी धम्काएको र सामुदादयिक वनका पदाधिकारीहरुको मानर्मदन हुने गरी बोलेकोले उनीमाथि कानून अनुसार कारबाहीको माग गर्दै प्रधानमन्त्रीलाई ज्ञापन पत्र बुझाइएको हो ।

ज्ञापन पत्रमा आफ्नै पृष्ठभूमि काठ व्यवसायीको रहेकोले सांसद आले सम्मिलित टोलीले गर्ने छानविन निष्पक्ष हुन नसक्ने भन्दै अर्को संसदीय छानवीन टोली पठाउन समेत सामुदायिक वनहरुले माग गरेका छन् । यसरी प्रधानमन्त्रीलाई ज्ञापन पत्र बुझाउनेमा डिभिजन वन कार्यालय पहलमानपुर मातहतका २९ र डिभिजन वन कार्यालय धनगढी मातहतका ३९ सामुदायिक वन रहेका छन् । उनीहरुले बुधबार जिल्ला प्रशासन कार्यालय कैलाली मार्फत प्रधानमन्त्रीलाई ज्ञापन बुझाएका हुन् ।

ज्ञापनत्र पत्रमा उनीहरुले सांसद आलेले संसदीय अनुगमन गर्दा आफ्नो नजिकका पार्टी कार्यकर्ता प्रयोग गरेको, घुष सहित पक्राउ परी निलम्बनमा रहेका सहायक वन अधिकृत सुरेशचन्द्र डिसीलाई विज्ञका रुपमा प्रयोग गरेको र बाहुबली शैलीमा आफुहरुको अपमान गरेको उल्लेख गरेका छन् ।

प्रतिक्रिया दिनुहोस
स्वास्थ्य मन्त्रालयका ४ कर्मचारीमा कोरोना पोजेटिभ

    स्वास्थ्य तथा जनसंख्या मन्त्रालयका चार जना कर्मचारीलाई कोभिड १९ संक्रमण पुष्टि

नेकपाका सांसदले भने हामी कुनै गुटमा छैनौ

  नेपाल कम्युनिष्ट पार्टी (नेकपा) भित्र शीर्ष नेतृत्वबीच चरम गुटबन्दी हुन थालेपछि सो

काठमाडौंको गोगंबुमा टाउको काटेको लास सुर्केशभित्र भेटियो, भिडीयोमा हेर्नुहोस्

    काठमाडौं उपत्यकाको गोंगबुमा देखिएको एक घटनाले सबैको होस उडाएको छ ।

त्यो मखमली पर्स

    दश वर्ष अगाडि म बिहे गरेर आउँदा उहाँले आफूले बोक्ने लेदरको