चीन बाट ल्याईएको अरवौंको सामान नाकामा रोकिँदा ब्यवसायी समस्यामा



 

कोभिड १९ पछिको लकडाउनका कारण चीन बाट आएका अरवौं रुपैयाँको सामान तातोपानी र केरुङ नाकामा अलपत्र परेको छ । चीन बाट आएको सामानमा कोरोना सुरक्षा ग्यारेन्टी नभएका कारण कतिपय नाकाका स्थानीय सरकारले पनि सामान ल्याउन अवरोध गरेका छन् ।

सामान काठमाडौं ल्याउन नसकेपछि रसुवाको केरुङ नाका पूलमा अलपत्र अवस्थामा छ । सुरक्षाको सामान्य प्रकृया अपनाएर सामान ल्याउनका लागि दवाव पनि परेको छ । तर, पनि काम भएको छैन । करिव १ हजार मालवहाक गाडीमा नेपाल आउन लागेको सामान अलपत्र परेको हो ।

अरवौं रुपैयाँ बराबरको सामान नेपाल ल्याउने ब्यवस्था मिलाउँदा सरकारले राजस्वसमेत संकलन गर्न सक्ने अवस्था रहेको छ । तर, सरकारी निकाय र भन्सार निकायले पनि यस बारे चासो राखेको छैन । सिन्धुपाल्चोक उद्योग वाणिज्य संघ तथा नेपाल हिमालय सीमापार बाणिज्य संघका प्रतिनिधिहरुले पनि पटक पटक सरकारलाई अनुरोध गरेका छन् ।

संघीय सरकार,प्रदेश तथा स्थानीय सरकारले समन्वय गरेर अलपत्र रहेका सामान काठमाडौं ल्याउन पहल गर्नुपर्ने सिन्धुपाल्चोक उद्योग बाणिज्य संघका अध्यक्ष बेदबहादुर श्रेष्ठले बताए । उता हिमालय सीमापार बाणिज्य संघले पनि संघीय सरकारका बिभिन्न निकायमा दवाव दिएको छ ।

‘परराष्ट्रलगायतका मन्त्रालयमै पुगेर सामान ल्याउनका पहल गर्न हामीले अनुरोध गरेका छौं तर, अझै काम भएको छैन’– नेपाल हिमालय सीमापार बाणिज्य संघका अध्यक्ष बच्चु पौडेलले भने,– ‘यस बिषयमा सरकार सबेदनशील हुनु आवश्यक छ ।’ यता तातोपानी नाकामा पनि धेरै सामान अलपत्र परेको छ । लकडाउनका बेला केही अत्याबश्यक सामान आएपनि त्यसपछि रोकिएको सामान काठमाडौं ल्याउन नसकेपछि ब्यवसायीहरु सममस्यामा परेका छन् ।

प्रतिक्रिया दिनुहोस
गोंगबु हत्याकाण्ड: यी हुन् प्रहरीले पत्ता लगाएका १६ तथ्य र ८ प्रमाणहरु

    राजधानीको टोखा नगरपालिका वडा नम्बर १० स्थित गोगबु नवज्योति मार्गमा भएको

कोरोना नियन्त्रण बाहिर गएको छैन: मन्त्री ढकाल

  स्वास्थ्य तथा जनसंख्या मन्त्री भानुभक्त ढकालले सरकारको आलोचना गर्नेहरूको मति सप्रियोस् भन्दै

पूर्वमन्त्रीप्रभु साहमाथि दरबारीया षड्यन्त्र

  काठमाडौ ।तत्कालीनशाही दरबारीयहरुले नेपाल कम्युनिष्ट पार्टी (नेकपा) का नेतातथापूर्वमन्त्रीप्रभु साहविरुद्ध षडयन्त्रपूर्ण गतिविधि

त्रिभुवन विश्वविद्यालयको उपकुलपति र रजिस्टारको कार्यालयमा तोडफोड

    नेपाल विद्यार्थी संघका कार्यकर्ताले मंगलबार त्रिभुवन विश्वविद्यालयको उपकुलपति र रजिस्टारको कार्यालयमा