प्रधानमन्त्री ओलीले भने : अब म गम्भीर कदम चाल्छु



 

प्रधानमन्त्री केपी शर्मा ओलीले मन्त्री र आफु निकट स्थायी कमिटीका सदस्यहरुसँग गम्भीर कदम चाल्ने संकेत गरेका छन् ।
बुधवार विहान ओलीले मन्त्री र स्थायी कमिटीका सदस्यहरुलाई सरकारी निवास बालुवाटार बोलाएका थिए । बालुवाटारको छलफलमा देश र पार्टी गम्भीर अबस्थामा पुगेको भन्दै गम्भीर कदम चाल्ने बताए ।

‘अहिले देश र पार्टी दुवै संकटमा छन् । यो संकटबाट निस्किन गम्भीर कदम चाल्दैछु, तपाईहरुलाई यो कुरा जानकारी गराउ भनेर बोलाएको हुँ’ बैठकमा ओलीले भने स्थायी कमिटीमा मेरोबिरुद्ध घेराबन्दी शूरु भएको छ । राष्ट्रियता र मेरा पक्षमा तपाईहरुले बोलिदिनु पर्यो ।’

नेकपा स्थायी कमिटीको बैठकमा मंगलवार १२ जनाले प्रधानमन्त्रीको राजीनामा मागेका थिए । नेकपाका पाँच सचिवालय सदस्यदेखि स्थायी कमिटीका सदस्यहरुले राजीनामा मागेपछि ओली संकटमा परेका छन् । आफु संकटमा परेका बेला सहयोग गर्न मन्त्री र स्थायी कमिटी सदस्यहरुलाई आग्रह गरेको एक मन्त्रीले बताए ।

ओलीलाई मन्त्री र स्थायी कमिटीका सदस्यहरुले सहमति र समझदारीमा जान सुझाव दिएका थिए । ‘जनताले एतिहासिक कार्यभार दिएका छन्, यसलाई कुसलतापूर्वक निभाउनु पर्छ, तपाईले सवै नेताहरुसँग परामर्स गर्नुहोस्’ बैठकमा स्थायी कमिटीका सदस्यहरुले सुझाएका छन् ।

प्रधानमन्त्रीले गम्भीर कदम चाल्छु भनेपनि त्यो गम्भीर कदम के हो त्यो भने खुलाएनन् । आफ्ना पक्षमा बोलिदिन मन्त्री र स्थायी कमिटीका सदस्यहरुलाई आग्रह गरे ।

प्रतिक्रिया दिनुहोस
थप २०४ जनामा कोरोना, संक्रमितको संख्या १६ हजार नाघ्‍यो

  नेपालमा कोरोना भाइरस (कोभिड–१९) संक्रमितको संख्या १६ हजार नाघेको छ ।  स्वास्थ्य

नेकपा विवाद : हलो अड्कियो प्रधानमन्त्रीको राजीनामामा

  सत्तारुढ नेपाल कम्युनिस्ट पार्टी (नेकपा) भित्रको विवाद मिलाउने प्रयासमा बसेको दुई अध्यक्षबीचको

प्रधानमन्त्री पद फुत्काउन प्रचण्डको अनेकौ प्रयास असफल

  स्थायी कमिटी बैठक पटक–पटक रोकेर सहमतिको प्रयास गरिरहेका नेकपा अध्यक्षद्धय केपी शर्मा

मंसिर ४ को सहमतिअनुसार प्रचण्डलाई कार्यकारी अध्यक्ष दिन ओली तयार

  सत्तारुढ नेपाल कम्युनिस्ट पार्टीका अध्यक्ष एवं प्रधानमन्त्री केपी शर्मा ओली र अर्का