ओलीलाई प्रचण्डको जवाफः तपाईलाई भारतले होइन मैले हटाउन खोजेको हो 



 

नेपाल कम्युनिष्ट पार्टी (नेकपा) का अध्यक्ष पुष्पकमल दाहाल (प्रचण्ड)ले अर्का अध्यक्ष केपी ओलीलाई भारतले नभइ आफुले नै प्रधानमन्त्रीबाट हटाउन प्रयास गरेको बताएका छन् ।

नेकपाको जारी सचिवालय बैठकमा पार्टीका अध्यक्षद्धयवीच चर्काचर्की परेपछि प्रचण्डले ओलीलाई भारतले प्रधानमन्त्रीबाट हटाउन खोजेको नभइ आफुले नै हटाउन खोजेको जवाफ दिएको बैठकमा सहभागी एक स्थायी कमिटी सदस्यले बताए ।

‘१७ बैशाखमै मैले तपाईंको राजीनामा मागेको हो अहिलेपनि मागें, पहिलापनि तपाईलाई दिल्लीले होइन मैले हटाएको हो, अवपनि मैले नै हटाउँछु’ प्रचण्डले बैठकमा राखेको राधणा उदृत गर्दै ती नेताले भने ।

नेताहरुले प्रधानमन्त्रीबाट हटाउन खोजेको भन्दै दिएको अभिव्यक्ति पुष्टि गर्न अध्यक्ष ओलीलाई चेतावनी दिएपछि ओलीले पार्टी बैठकका कुराहरु कसले भारतीय मिडियासम्म पुर्याउँछ भन्दै प्रश्न गरेपछि प्रचण्ड आक्रोशित बनेको ती नेताको भनाइ छ ।

तपाईलाई प्रधानमन्त्रीबाट भारत या अरु कसैले हटाउन खोजेको होइन, मैले हटाउन खोजेको हो, हटाउने नै हो’, प्रचण्डले बैठकमा राखेको धारणा उदृत गर्दै ती सदस्यले भने ।

‘स्थायी कमिटीमा मविरुद्ध बोलिएका बिषय कसरी भारत पुग्यो किन हाम्रा हुबहु कुरा बाहिर लगिन्छ, यो षड्यन्त्र नभए के भन्दै ओली आक्रोशित बनेपछि प्रचण्डले मैले हो हटाउन खोजेको भन्नुभयो,’ ती नेताले भने ।

प्रचण्डले १४ असारमा भएको एउटा सार्वजनिक कार्यक्रममा भारतविरुद्ध बोलेर राम्रोे काम नगरेको भन्दै हल्का ढंगले प्रस्तुत नहुन पनि ओलीलाई सुझाएको ती नेताले बताए ।

बैठकमा स्थायी कमिटी सदस्य अष्टलक्ष्मी शाक्य, रघुजी पन्त लगायतका नेताले कुर्सीमा विभेद भएको भन्दै आक्रोस व्यक्त गरेपछि शान्त ढंगले शुरु भएको बैठकमा नेताहरुवीच भनाभन शुरु भएको ती नेताको दावी छ । शिलापत्रले जनाएको छ ।

प्रतिक्रिया दिनुहोस
थप २०४ जनामा कोरोना, संक्रमितको संख्या १६ हजार नाघ्‍यो

  नेपालमा कोरोना भाइरस (कोभिड–१९) संक्रमितको संख्या १६ हजार नाघेको छ ।  स्वास्थ्य

नेकपा विवाद : हलो अड्कियो प्रधानमन्त्रीको राजीनामामा

  सत्तारुढ नेपाल कम्युनिस्ट पार्टी (नेकपा) भित्रको विवाद मिलाउने प्रयासमा बसेको दुई अध्यक्षबीचको

प्रधानमन्त्री पद फुत्काउन प्रचण्डको अनेकौ प्रयास असफल

  स्थायी कमिटी बैठक पटक–पटक रोकेर सहमतिको प्रयास गरिरहेका नेकपा अध्यक्षद्धय केपी शर्मा

मंसिर ४ को सहमतिअनुसार प्रचण्डलाई कार्यकारी अध्यक्ष दिन ओली तयार

  सत्तारुढ नेपाल कम्युनिस्ट पार्टीका अध्यक्ष एवं प्रधानमन्त्री केपी शर्मा ओली र अर्का