ओलीलाई जवरजस्ती हटाइए भयंकर दुर्घटना : पुर्वमन्त्री बास्कोटा



 

नेकपाका नेता तथा पूर्व सञ्चार मन्त्री गोकुल बास्कोटाले प्रधानमन्त्री पदबाट केपी शर्मा ओलीलाई हटाएमा पार्टी र मुलुकले ठूलो क्षती बेहोर्नु पर्ने चेतावनी दिनुभएको छ ।

ओलीको सहमती विना सरकार परिवर्तनको संभावना नरहेको दावी गर्दै उहाँले प्रधानमन्त्री ओलीलाई जवरजस्ती हटाइएमा भयंकर दुर्घटना हुने उल्लेख गर्नुभयो ।

सञ्चार माध्यममा अन्तर्वार्ता दिने क्रममा नेपाली रेडियो नेटवर्कसँग उहाँले भन्नुभयो, “एक्सन गरेपछि रियाक्सन पनि हुन्छ ।”

तत्कालिन एमालेका अध्यक्ष ओलीको अपिलका आधारमा अहिलेको नेकपालाई विशाल जनमत प्राप्त भएको भन्दै उहाँले ओलीले गल्ती गरेको भए कारबाही पनि जनताले नै गर्ने तर्क गर्नु भयो ।

“जनमत जनताले दिने, कारबाही चाहिं कुनै कुनैमा लुकेर बसेका अरु कसैले गर्न मिल्दैन, कारबाही गर्नु परे जनताले नै गर्छन,” बास्कोटाले भन्नुभयो ।

जनमत एउटाको नाममा आउने, शासन गर्ने लोभ अर्काले गर्ने कुरा मान्य नहुने उहाँको भनाई छ ।

प्रधानमन्त्री ओलीले मधेशवादी दलहरुलाई फुटाउन अध्यादेश ल्याएको आरोपको खण्डन गर्दै उहाँले भन्नुभयो, “नेकपालाई अहिले परालको त्यान्द्रो चाहिदैन ।”

अपहरणको विषयलाई पनि उहाँले अस्विकार गर्दै आफै आउने अनि अपहरण भयो भन्न नमिल्ने तर्क गर्नुभयो ।

प्रधानमन्त्री ओलीलाई नश्लीय राजनीति गरेको आरोप लगाएका पूर्वप्रधानमन्त्री डा बाबुराम भट्टाराईलाई पनि उहाँले नश्लीय राजनीति सवैभन्दा बढी भट्टराईले नै गरेको आरोप लगाउनु भयो ।

जातियत, क्षेत्रीयतको राजनीति सवैभन्दा बढी भट्टराईले नै गरेकाले अरुलाई नश्लीय राजनीति गरेको आरोप लगाउन नसुहाउने बास्कोटाको टिप्पणी छ ।

प्रतिक्रिया दिनुहोस
आज थपिए ६ सय ३८ कोरोना संक्रमित

    मंगलबार देशका विभिन्न ठाउँमा ६ सय ३८ जना कोरोनाका संक्रमित थपिएका

गोंगबु हत्याका आरोपितको बयान : (भिडियोसहित)

    यही आइतबार बिहान टोखा नगरपालिका–१० गोंगबुमा टाउको र शरीर छुट्याइएको अवस्थामा

गोंगबु हत्याकाण्ड: यी हुन् प्रहरीले पत्ता लगाएका १६ तथ्य र ८ प्रमाणहरु

    राजधानीको टोखा नगरपालिका वडा नम्बर १० स्थित गोगबु नवज्योति मार्गमा भएको

कोरोना नियन्त्रण बाहिर गएको छैन: मन्त्री ढकाल

  स्वास्थ्य तथा जनसंख्या मन्त्री भानुभक्त ढकालले सरकारको आलोचना गर्नेहरूको मति सप्रियोस् भन्दै