एसईई भयमुक्त बनाउन यस्तो छ सरकारको तयारी



 

माध्यमिक शिक्षा परीक्षा कक्षा १० (एसर्इई) कोरोना भाइरस संक्रमणको त्रासका बीच हुने भएको छ । चैत ६ देखि १७ गतेसम्म सञ्चालन हुने परीक्षाको तयारी पूरा भएको राष्ट्रिय परीक्षा बोर्डको परीक्षा नियन्त्रण कार्यालय सानोठिमीले जानकारी दिएको छ ।

४ लाख ८२ हजार ७ सय ७ विद्यार्थीका लागि देशभर १ हजार ९ सय ९५ परीक्षा केन्द्र निर्धारण गरिएको परीक्षा नियन्त्रक रामराज खकुरेलले बताए । परीक्षामा प्राविधिक धारतर्फ ९ हजार ५ सय ९ परीक्षार्थी छन् । कुल परीक्षार्थीमा ग्रेड वृद्धितर्फ १६ हजार २ सय ४२ र प्राविधिकतर्फ १ सय ३९ परीक्षार्थी सहभागी हुनेछन् । सबैभन्दा धेरै परीक्षार्थी बागमतीबाट १ लाख ३ हजार ६ सय ६७ र थोरै कर्णाली प्रदेशबाट ३६ हजार ४ सय ३६ सहभागी हुने भएका छन् ।

परीक्षा नियन्त्रक खकुरेलले ८६ विषयमा हुने परीक्षामा ५१ लाख सेट प्रश्नपत्र छपाइ गरी जिल्ला–जिल्ला पठाइएको बताए । परीक्षामा करीब ६५ हजार जनशक्ति परिचालन गरिने भएको छ । प्रत्येक परीक्षा केन्द्रमा एक केन्द्राध्यक्ष, दुई सहायक केन्द्राध्यक्ष, २० विद्यार्थीबराबर एक निरीक्षक, १०० विद्यार्थीबराबर एक परीक्षा सहायक, ५० विद्यार्थीबराबर एक परिचारक खटाइएको छ । प्रत्येक परीक्षा केन्द्रमा १६ जनाका दरले सुरक्षाकर्मी खटाइनेछ ।

चैत ६ गते बिहान ८ बजे सबै परीक्षा केन्द्रमा एकैसाथ शुरु हुने परीक्षाका लागि आवश्यक प्रश्न सबै जिल्लाको परीक्षा केन्द्रनजीक रहेको सुरक्षा निकायमा पु¥याइएको छ । खकुरेलका अनुसार परीक्षा केन्द्रमा असम्बन्धित व्यक्तिलाई भीडभाड गर्न बन्देज लगाइएको जानकारी दिए । एउटा परीक्षा केन्द्रमा बढीमा ३०० र एउटा कक्षाकोठामा २०–३० परीक्षार्थी राख्ने व्यवस्था गरिएको छ । कसैले परीक्षाको मर्यादा भंग गर्ने वा बिथोल्ने काम गरे कानूनअनुसार ६ महिना कैद वा रु १ लाख जरिवाना वा दुवै सजाय हुन सक्ने व्यवस्था गरिएको छ ।

शिक्षा, विज्ञान तथा प्रविधिमन्त्री गिरिराजमणि पोखरेलले कोरोना भाइरसको त्रासलाई ध्यानमा राख्दै सरकारले परीक्षा केन्द्र व्यवस्थापन गरेको जानकारी दिए । परीक्षार्थीलाई त्रासरहित वातावरणमा परीक्षा सञ्चालन गर्न सरकारले सबै तयारी पूरा गरेको उनको भनाइ छ । बालबालिकाको स्वास्थ्य सुरक्षाबारे सरकारले सतर्कता अपनाएको उनले बताए ।

परीक्षाका समयमा विद्यार्थीमा कोरोना भाइरसको सङ्क्रमण नफैलियोस् भनेर मन्त्रालय एवं स्थानीय तहको समन्वयमा सहायता कक्ष हेल्थ डेस्क स्थापना गरिने भएको छ । परीक्षा केन्द्रहरूमा परीक्षा अवधिभर हेल्थ डेस्क राख्ने व्यवस्था मिलाउन ७ सय ५३ वटै स्थानीय तहलाई शिक्षा मन्त्रालयले अनुरोध गरेको छ ।

कोरोना सङ्क्रमण रोकथाम गर्न र एसईई परीक्षालाई मनोवैज्ञानिक एवं त्रासमुक्त वातावरण बनाइएको जनाएको छ । परीक्षा हलभित्र जानुुअघि परीक्षार्थी, कर्मचारी, सुरक्षाकर्मी, अनुगमनकर्तालगायत परीक्षामा संलग्न सबैको तापक्रम जाँच गरिने भएको छ । परीक्षाका क्रममा कुुनै विद्यार्थीमा ज्वरो आएको पाइएमा अस्पताल लगेर उपचारको व्यवस्थासमेत हेल्थ डेस्कले गर्ने व्यवस्था छ ।

शिक्षामन्त्री पोखरेलले सार्वजनिक अपिल जारी गर्दै कोभिड–१९ को संक्रमणको जोखिमप्रति सचेत हुन आग्रह गरेका छन् । उनले परीक्षाका लागि पर्याप्त सावधानीको प्रबन्ध गरिएकाले त्रसित र भयभित नहुन परीक्षार्थीलाई आग्रह गरेका छन् । विद्यार्थीलाई व्यक्तिगत सरसफाइमा ध्यान दिन, मास्क प्रयोग गर्न, अरूसँग हात नमिलाउन, सकभर भीडभाडमा नजान उनले स्मरण गराएका छन् ।

प्रतिक्रिया दिनुहोस
थप १८० जनामा कोरोना, संक्रमितको संख्या १५ हजार ९६४ पुग्यो

  नेपालमा कोरोना भाइरस (कोभिड-१९) संक्रमितको संख्या १५ हजार ९६४  पुगेको छ। सोमबार

मास्क नलगाए प्रहरीले पक्राउ गर्ने

    मास्क नलगाई घरबाहिर निस्कनेलाई प्रहरीले पक्राउ गर्ने भएको छ । गृह

काँग्रेसले वडा कार्यालयको कागजपत्र च्याते, नेकपाको खवरदारी

  २०७७ साल असार ८ गते विहान ११ः३० बजेको समयमा काठमाडौं महानगरपालिका–४ नं.

धेरै खुसी हुँदै बालुवाटारबाट बाहिरिए प्रचण्ड, के रहेछ कारण

  नेपाल कम्युनिष्ट पार्टी (नेकपा) कार्यकारी अध्यक्ष पुष्पकमल दाहाल ‘प्रचण्ड’ प्रधानमन्त्रीको सरकारी निवास