प्रदेश २ को सरकार ढल्छ : प्रचण्ड



 

प्रदेश २ मा राजपासँगको संयुक्त सरकारको नेतृत्व समाजवादीले गरिरहेको छ । समाजवादीका नेता मोहम्मद लालबाबु राउत मुख्यमन्त्री छन् । उक्त पार्टी केन्द्र सरकारबाट बाहिरिनु र राजपाले राष्ट्रियसभा निर्वाचनमा नेकपासँग तालमेल गर्नुले प्रदेश सरकार कति टिक्ला भनेर आशंका उब्जिएको थियो ।

नेकपा अध्यक्ष पुष्पकमल दाहालले प्रदेश सरकार परिवर्तनको संकेत गरेका छन् । ‘यत्ति भन्छु– राजपासँग पनि फोरमसँग पनि कुरा चलिरहेको छ’, उनले आइतबार धनुषामा पत्रकारसँग भने । उनले झन्डै एक वर्षअघि पनि प्रदेश सरकार ढाल्ने चेतावनी दिएका थिए ।

‘ठूलो पार्टी हुनुको नाताले विभिन्न चलखेल गर्ने हो भने त अहिले पनि सरकार ढल्न सक्छ’, उनले भनेका थिए, ‘उहाँहरुले बनाएको सरकार राम्रो काम गर्नुहोस्, हाम्रो साथ हुन्छ भनेको हो । तर, यहाँसम्म आइपुग्दा जे देखियो झन् बढी भ्रष्टाचार, झन् बढी बेइमानी । अहिले त योजना निर्माणमा व्यक्ति–व्यक्तिको योजनासुद्ध रेडबुकमा छ भन्ने सुन्दा मलाई आश्चर्य लाग्यो । यही स्थिति हो भने हामीले बीचैमा पनि सरकारको नेतृत्व लिनुपर्ने परिस्थिति आउन सक्छ ।’

मुख्यमन्त्री राउतले राजपा–नेकपा सहकार्यले सरकार ढल्ने कुरा ‘मिडियाको कोकोहोलो’ मात्रै भएको दाबी गरेका थिए । प्रदेश सरकार रहिरहने उनको भनाइ थियो । उनले यो वर्षको सुरुमै बहुमत पुर्याएर प्रदेश २ मा सरकार बनाएर देखाउन प्रचण्डलाई चुनौती दिएका थिए । प्रचण्डको धम्कीबाट आफू नडराउने उनको भनाइ थियो । उनले संघीय सरकारविरुद्ध अभिव्यक्ति दिँदै आएका छन् । प्रदेश २ सरकार स्थापना भएको दुई वर्ष पुगेको छ ।

प्रतिक्रिया दिनुहोस
कलैयामा युवाहरुको सहयोगी टिम : संयोजकमा मुकेश साह

  विश्वव्यापी महामारीको रुपमा फैलिएको कोराना भाइरसको संक्रमण बिरुद्ध बिश्व समुदाय जुद्धिरहेको छ

स्वास्थ्यमन्त्री ढकालविरुद्ध अख्तियारमा उजुरी

  कोरोनाभाइरस (कोभिड–१९)को उपचारमा अत्यवश्यक पर्ने मेडिकल सामग्री खरिदमा अनियमितता गरेको आरोपमा स्वास्थ्य

पूर्वराजाले कोरोना राहत कोषमा दुई करोड सहयोगको घोषणा

  पूर्वराजा ज्ञानेन्द्र शाहले कोरोना संक्रमणविरुद्ध लड्न सरकारले बनाएको कोरोना भाइरस संक्रमण, रोकथाम,

अस्ट्रेलियामा यस्तो छ नेपाली विद्यार्थीको अवस्था

  करिब ६२ हजार नेपाली विद्यार्थी अध्ययनरत अस्ट्रेलियामा कोरोना भाइरसका कारण लकडाउन भएपछि