जनयुद्ध दिवसमा प्रचण्डको नयाँ खुलासा



 

नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले नेपाली राजनीतिमा नयाँ नयाँ खुलासा गर्दै आएका छन् ।

विहीबार उनले जनयुद्ध दिवसको औपचारिक कार्यक्रममा क्रममा नयाँ खुलासा गरे– तत्कालिन कांग्रेस सभापति गिरीजाप्रसाद कोइरालाले ठूला आक्रमणका लागि दिएको सुझाव ।

त्यसो त प्रचण्डले केही दिन अघि मात्र आफूले गोपनियता राख्न नसक्ने, राख्न खोजे पनि अनुहार या हाउभाउमा प्रस्टै देखिने बताएका थिए । तर जनयुद्ध दिवसको २५ औं बर्षगाँठका सन्दर्भमा कोइरालाले ठूला आक्रमणका लागि दिएको सुझाव नयाँ खुलासाका रुपमा अभिव्यक्त गरे ।

त्यसको परिणाममा सात दल र तत्कालिन माओवादीबीच गणतान्त्रिक आन्दोलनका लागि १२ बुँदे समझदारी बनेको पनि उनले जोडेका थिए ।

विद्रोह, शान्ति प्रक्रिया सही समयमा गरेको उनको आँकलन छ । त्यसो नगरेको भए श्रीलंकाको लिट्टे अथवा पेरुका विद्रोहीको जस्तै माओवादीको हालत हुनसक्ने अनुमानित परिणाम पनि उनले अगाडि सारे ।

नेकपा मुख्यालय धुम्बाराहीमा भएको श्रद्धाञ्जली सभाको प्रमुख आतिथ्यता गरेका उनले अहिले ०५२ सालको जस्तो विद्रोह गरेर नहुने पनि बताए । उनले प्रतिबन्धित नेकपा नेत्रविक्रम चन्द समूहलाई लक्षित गरी त्यस्तो अभिव्यक्ति दिएका थिए ।

प्रतिक्रिया दिनुहोस
मैनालीलाई हेलिकप्टरबाट काठमाडौं ल्याईयो, ग्रान्डी अस्पतालमा उपचार हुदै

  दुर्घटनामा घाइते नेकपा मालेका महासचिव सीपी मैनालाई थप उपचारका लागि काठमाडौं ल्याईएको

नेकपाका नेताले भने : आत्तिनु पर्दैन, विवाद छैन

  बामदेव गौतमलाई राष्ट्रियसभा सदस्यमा सिफारिस गर्ने निर्णयसँगै सत्तारुढ नेपाल कम्युनिस्ट पार्टीको विवाद

नेकपा मालेका महासचिव सीपी मैनाली चढेको गाडी दुर्घटना

  नेकपा मालेका महासचिव सीपी मैनाली चढेको गाडी महोत्तरीको बर्दिबासमा दुर्घटना भएको छ

राष्ट्रिय सहमति विना संविधान संशोधन हुदैन : देव गुरुङ

  सत्तारुढ दल नेपाल कम्युनिस्ट पार्टी (नेकपा) का प्रमुख सचेतक देव गुरुङले राष्ट्रिय