चीनमा ४४० जनामा कोरोना भाइरस, ९ को निधन, नेपालमा पनि फैलियो



 

चिनियाँ स्वास्थ्य अधिकारीले बुधबार नयाँ कोरोना भाइरस (२०१९–कोभ) का कारण सिर्जित निमोनियाबाट ४४० जना पीडित भएको घोषणा गरेका छन् । यो भाइरस मंगलबारसम्म चीनका १३ वटा प्रान्तमा देखिएको छ ।

यस नयाँ भाइरसका कारण नौ जनाको मृत्यु भइसकेको छ, र मृत्यु हुनेहरु सबै मध्य चीनको हुबेई प्रान्तका रहेका राष्ट्रिय स्वास्थ्य आयोगका उपनिर्देशक ली बिनले बताए । पत्रकार सम्मेलनमा उपनिर्देशक लीले मंगलबार मात्र १४९ जनामा भाइरस देखिएको पुष्टि भएको जानकारी दिए । विदेशमा हालसम्म जापानमा एउटा घटना प्रमाणित भएको छ भने थाइल्यान्डमा तीन र दक्षिण कोरियामा एक जनामा यो भाइरसको संक्रमण देखिएको छ ।

चिनियाँ अधिकारीले २,१९७ को विशेष निगरानी गरिएको र तीमध्ये १ हजार ३९४ जनाको स्वास्थ्य परीक्षण गरिएको जनाएका छन् । स्वास्थ्य जाँच गरिएकामध्ये ७६५ जनालाई डिस्चार्ज गरिएको छ । उपनिर्देशक लीले यस भाइरसबाट संक्रमणको घटना बढेको देखिएको बताए । उनले नयाँ भाइरसको परीक्षण विधि प्रयोगमा आएपछि रोगी व्यक्तिहरुको संख्या देखिएको हुन सक्ने बताए । विज्ञहरूले श्वासप्रश्वासबाट यो भाइरस अर्को व्यक्तिमा संक्रमण हुने बताएका छन् । आयोगले जनवरी २० देखि नै पुष्टि भएका घटनाहरूको संख्या र सम्भावित संक्रमितहरूका बारेमा दैनिक विवरण सार्वजनिक गर्दै आएको छ ।

विज्ञहरूले चिनियाँ नयाँ वर्षका अवसरमा ठूलो संख्यामा मानिसको आवतजावत हुने भएकाले यस भाइरसको संक्रमणबाट सतर्क रहन आह्वान गरेका छन् । भाइरसको फैलावट रोक्न सरकारले कडा कदम चालेको छ । उहान तियान्हे अन्तर्राष्ट्रिय विमानस्थलमा १५ वटा थर्मल डिटेक्टर जडान गरिएको छ भने शहरका तीन प्रमुख रेलवे स्टेशनहरूमा २० थर्मल डिटेक्टर स्थापना गरिएको छ । उनले सार्वजनिक जमघटमा प्रतिबन्ध लगाइएको उहानतर्फका अनावश्यक प्रवेश र बाहिरिनेक्रममा कडाई गरिने बताए । एजेन्सी

प्रतिक्रिया दिनुहोस
अहिलेसम्मकै अप्ठ्यारोमा प्रचण्ड

  पार्टीभित्रको आन्तरिक विवादका कारण नेकपाका अध्यक्षद्वय केपी शर्मा ओली र पुष्पकमल दाहाल

प्रहरी प्रवक्तामा वरिष्ठ उपरीक्षक कुँवर

  प्रहरी प्रधान कार्यालय प्रहरी महानिरीक्षकको सचिवालयका प्रहरी वरिष्ठ उपरीक्षक बसन्त बहादुर कुँवरलाई

नेपाल–भारत परराष्ट्र सचिवस्तरीय बैठक

  करीब एक वर्षको अन्तरालपछि राजधानीमा नेपाल र भारतका परराष्ट्रसचिवहरूको प्रतिनिधिमण्डलस्तरीय बैठक शुरु

स्थानीयमाथि गोली चलाउनु राज्यआतंक हो : जनमोर्चा

  राष्ट्रिय जनमोर्चाले हत्यारालाई कारवाहीको माग गर्दै आन्दोलनमा उत्रिएका स्थानीयमाथि गोली चलाउनु राज्यआतंक