शिवमाया तुम्बाहाङफेलाई कानुनमन्त्री बनाउने तयारी



 

 

शिवमाया तुम्बाहाङफेलाई उपसभामुखबाट राजीनामा गराएपछि सत्तारुढ दल नेकपाभित्र उनको ब्यवस्थापन के ? यही बिषयमा नेकपाका दुई अध्यक्षले सोमबार बालुवाटारमा छलफल गरेका छन् ।

शिवमाया तुम्बाहाङफे क्षमता अभाव र कुनै अभियोग लागेर पदबाट राजीनामा दिएकी होइनन् । सभामुख पद नेकपाले लिँदा उनको उपसभामुख पद गुमेको हो । विना कारण सजाय पाएकी तुम्बाहाङफेलाई मन्त्री बनाउने तयारी गरिएको छ । दुई अध्यक्ष केपी शर्मा ओली र पुष्पकमल दाहाल प्रचण्डले मन्त्री बनाउने अनौपचारिक निर्णय लिएको बालुवाटार स्रोतले बताएको छ ।

सोमबार विहान उपसभामुखबाट राजीनामा गराउने बिषयमा दुई अध्यक्षले छलफल गरेका थिए । उनलाई राजीनामा गराएर मन्त्री बनाउने आश्वासन पनि दिइएको छ । तर शिवमायाले यस बिषयमा कुनै प्रतिक्रिया भने जनाएकी छैनन् । सभामुखको दावी गर्दै आएकी शिवमायालाई पहिलेपनि मन्त्रीको आश्वासन दिएको थियो तर त्यो बेला उनले मानिन् । अहिले मन्त्री बनाउने आश्वासन दुवै अध्यक्षले दिएका छन् ।

समाजवादी पार्टीले सरकार छोडेपछि दुई मन्त्रालयमा मन्त्री रिक्त छन् । अर्का मन्त्रालयका मन्त्रीहरु काम चलाउका रुपमा काम गरिरहेका छन् । स्वास्थ्यमन्त्री भानुभक्त ढकाललाई कानुन मन्त्रीको पनि जिम्मेवारी दिएको छ भने शहरी विकास मन्त्रालयको जिम्मेवारी सूचना तथा सञ्चारमन्त्री गोकुल बास्कोटालाई दिइएको छ ।

यी दुई मन्त्रालयमा राजपाले सरकारको यात्रा गर्ने सम्भावना पनि त्यतिकै छ । राजपा सरकारमा आए वर्तमान कुनै मन्त्रीलाई राजीनामा गराएर भएपनि तुम्वाङफेलाई मन्त्री बनाउने तयारी बालुवाटारमा गरिएको छ । मन्त्री परिषद फेरी हेरफेर गर्ने तयारी पनि गरिएको छ ।

शिवमायालाई कानुन न्याय तथा संसदीय मामिलामन्त्री बनाउनेमा दुई अध्यक्ष लगभग सहमत भइसकेका छन् । तर यस बिषयमा शिवमायासँग भने दुई अध्यक्षले कुनै कुरा गरेका छैनन् । राष्ट्रियसभाको निर्वाचनपछि मन्त्री परिषद हेरफेर गर्ने र त्यही बेला उनलाई मन्त्री बनाउने तयारी गरिएको छ ।

प्रतिक्रिया दिनुहोस
प्रचण्डले फोन गरेर भने, महरा जि बधाइ छ

  जिल्ला अदालत काठमाडौंबाट सफाइ पाएका निवर्तमान सभामुख कृष्णबहादुर महरालाइ नेकपा अध्यक्ष पुष्प

महरा सरले न्याय पाउनुभयो म खुसी छु : रोशनी शाही

  पूर्वसभामुख कृष्णबहादुर महरालाई सफाइ दिने काठमाडौँ जिल्ला अदालतको निर्णयप्रति संसद सचिवालय कर्मचारी

महराको सदाबहार रातो कार, के छ रहस्य

  जबरजस्ती करणी उद्योग मुद्दामा जिल्ला अदालत काठमाडौंबाट सफाइ पाएका निवर्तमान सभामुख कृष्णबहादुर

कसरी बिताए महराले १०३ दिन डिल्लीबजार कारागारमा

    जबरजस्ती करणीको प्रयास गरेको अभियोगमा १८ कात्तिकमै जिल्ला अदालतबाट सफाइ पाउनेमा