अर्थमन्त्रीमा चार भाई भिडदा युवराजलाई चिठ्ठा



 

 

युवराज खतिवडा पुनः अर्थमन्त्री रहिरहने सङ्केतहरू देखिएका छन् । प्रधानमन्त्री केपी शर्मा ओली खतिवडाको कामबाट निकै प्रभावित हुनुभएको र खतिवडालाई अर्थमन्त्री राख्दा मात्रै देशको समृद्धिले शिखर चुम्न सक्छ भन्ने विश्वासमा रहनुभएकोले अर्थमन्त्री बदलिने सम्भावना न्यून भएको हो । अर्थमन्त्री बन्न सुरेन्द्र पाण्डे, ईश्वर पोखरेल, विष्णु पौडेल र प्रदीप ज्ञवाली पनि इच्छुक हुनुहुन्छ । पुर्व एमालेबाट चारजना एक आपसमा भिडदा युवराज खतिवडालाई फेरी पनि चिठ्ठा पर्ने देखिएको छ ।

 

सुरेन्द्र पाण्डेलाई एक सफल अर्थमन्त्रीका रूपमा आमजनताले समेत स्मरण गर्दछन् । पाण्डेको कामको त्यसताक चौतर्फी प्रशंसा हुने गर्दथ्यो । तर अर्थमन्त्री बन्न ईश्वर पोखरेल, विष्णु पौडेल र प्रदीप ज्ञवाली पनि इच्छुक हुनुहुन्छ । उहाँहरूले प्रधानमन्त्रीसमक्ष आफ्नो इच्छा पनि जाहेर गरिसक्नुभएको छ । उता वरिष्ठ नेता नारायणकाजी श्रेष्ठ राष्ट्रियसभामा जानुहुने भएपछि श्रेष्ठ नै अर्थमन्त्री बन्नसक्ने अडकलबाजी पनि शुरु भएको छ । तर युवराज खतिवडा स्वयम् भने केपी प्रधानमन्त्री रहेसम्म आफू अर्थमन्त्री रहिरहनेमा पूर्ण विश्वस्त रहेको पाइएको छ ।

 

सचिवालयको बैठकमै प्रधानमन्त्री केपी शर्मा ओली ‘आफूले अर्थमन्त्री बनाउन खतिवडाभन्दा राम्रो मान्छे नपाएको’ भनी  भन्नुहुँदा वरिष्ठ नेता माधवकुमार नेपालले ‘सुरेन्द्र पाण्डे हुनुहुन्छ नि, गज्जब राम्रो गर्नुभएको हो पहिले पनि’ भन्ने जवाफ दिनुभएको थियो । सुरेन्द्रको नाम माधव नेपालको मुखबाट सुन्नेवित्तिकै प्रधानमन्त्री ओलीले भन्नुभयो– ‘अर्थशास्त्रबारे ज्ञान भएका व्यक्तिलाई अर्थमन्त्रालयको जिम्मा लगाउन खोजिरहेको छु ।’

 

रिजर्भ रहने स्वभावका खतिवडा स्वयम्ले आफ्ना निकटस्थहरूसँग राष्ट्रपति विद्या भण्डारीले आफूलाई अर्थमन्त्रीमा यथावत राख्न खोजेको बताउने गर्नुभएको छ । राष्ट्रियसभामा मन्त्रीपरिषद्बाट नियुक्त हुने एक जना सदस्य रिक्त रहेको र सो पदमा नियुक्ति दिन राष्ट्रपति विद्या भण्डारीले वचन दिनुभएको पनि खतिवडाले अति निकटस्थहरुसँग बताउनु भएको छ ।

 

यसरी खतिवडाले राष्ट्रपति आफ्नो दाहिना भएको बताउनु र उता प्रधानमन्त्री केपी ओलीले युवराजबराबर ‘योग्य’ मानिस नेभेटेको बताउनुले फागुनपछि युवराज खतिवडा नै अर्थमन्त्री रहिरहने सम्भवना बढाएको हो । युवराजका कारण देशको अर्थव्यवस्था कसरी सङ्कटग्रस्त अवस्थामा पुग्दैछ भन्ने उहाँहरूले जानकारी पाउन अर्को ६ महिना प्रतीक्षा गर्नु नपर्ने अर्थविदहरूको भनाई छ ।

प्रतिक्रिया दिनुहोस
ओली र प्रचण्डबीच बालुवाटारमा वान टु वान बार्ता, प्रधानमन्त्रीले अध्यक्ष छोडने संकेत

  नेकपामा बढ्दो अन्तरविरोध साम्य पार्ने उपायको खोजीका लागि नेकपाका अध्यक्षद्वय केपी ओली

नेकपा दोस्रो पुस्ताको नेता मिले, ओली – प्रचण्ड तिनछक

  सत्तारुढ नेपाल कम्युनिस्ट पार्टी (नेकपा)को दोस्रो पुस्ताका नेताहरु एकै ठाउँमा भेला भएका

प्रधानमन्त्री ओलीको समर्थनमा पोखरामा विशाल प्रदर्शन

  पोखरामा प्रधानमन्त्री केपी शर्मा ओलीको समर्थनमा प्रदर्शन भएको छ । केपी शर्मा

एमालेको छालामा महेन्द्रबहादुरको रजाई

  नेपाली समाजमा एउटा उखान चर्चित छ– बाघको छालामा स्यालको रजाई । उखान