युनिमीको नेपाल च्याप्टर अध्यक्षमा धिताल र महासचिवमा भण्डारी निर्वाचित



 

सञ्चार, मनोरञ्जन र कला क्षेत्रमा काम गर्ने सवै प्रकारका श्रमिक र पत्रकारहरुको अन्तर्राष्ट्रिय साझा संस्था युनिमीको नेपाल च्याप्टरका लागि नयाँ नेतृत्व चयन भएको छ । काठमाडौमा सम्पन्न युनिमी नेपालको साधारण सभाले अध्यक्षमा नेपाल टेलिभिजनका गोविन्द घिताल र महासचिवमा राष्ट्रिय समाचार समिति (रासस)का जीवन भण्डारीलाई निर्वाचित गरेको छ । युनिमी नेपालका निवर्तमान महासचिव समेत रहेका धिताल नेपाल टेलिभिजन कर्मचारी संघको निवर्तमान अध्यक्ष पनि हुनुहुन्छ भने महासचिवमा निर्वाचित भण्डारी सञ्चार कानुनका अध्यापक पनि हुनुुहन्छ ।

समितिको उपाध्यक्षमा कान्तिपुर टेलिभिजन कर्मचारी संघकी अध्यक्ष निर्मला बस्नेत, उपमहासचिवमा प्रेस काउन्सीलका सुरेन्द्र मल्ल, सचिवमा इमेज एफएमका काशीनाथ दवाडी, सहकोषाध्यक्षमा मेट्रो एफएमका शिव रेग्मी र सदस्यमा अनिता रिमाल चयन हुनुभएको छ । एघार सदस्यीय कार्यसमितिमा फरकफरक मिडिया हाउसबाट प्रतिनिधित्व गर्ने गरी बरिष्ठ उपाध्यक्ष, कोषाध्यक्ष र दुई जना सदस्य पछि मनोनयन गरिने निवर्तमान अध्यक्ष राजकुमार थापाले जानकारी दिनुभयो ।

साधारण सभामा युनिमी आबद्ध रहेको युएनआई नेपालका अध्यक्ष शंकरप्रसाद लामिछानेले सञ्चार, मनोरञ्जन र कला क्षेत्रमा कार्यरत सम्पूर्ण कर्मचारी तथा कामदारहरुको सामूहिक हित र सुरक्षाका लागि शसक्त र प्रभावकारी रुपमा प्रस्तुत हुन नयाँ नेतृत्वलाई शुभकामना दिनुभयो । उहाँले संसारभरी शाखाहरु रहेको युनिमीले राष्ट्रिय तथा अन्तर्राष्ट्रिय संघ संगठनसँग सहकार्य गरेर नेपालमा यस क्षेत्रका कर्मचारी, कामदार र पत्रकारहरुका लागि नेतृत्वदावी भूमिका खेल्ने विश्वास पनि व्यक्त गर्नुभयो । नवनिर्वाचित अध्यक्ष धितालले पत्रकार र श्रमिक सम्वन्धी कानुनहरु श्रमिकमैत्री बनाउन लगाउने र ती कानुन कार्यान्वयन गर्न लगाउने गरी सवै जिल्ला तथा सञ्चार प्रतिष्ठानमा संगठन विस्तार गर्ने प्रतिबद्धता जनाउनु भयो ।

प्रतिक्रिया दिनुहोस
थप १८० जनामा कोरोना, संक्रमितको संख्या १५ हजार ९६४ पुग्यो

  नेपालमा कोरोना भाइरस (कोभिड-१९) संक्रमितको संख्या १५ हजार ९६४  पुगेको छ। सोमबार

मास्क नलगाए प्रहरीले पक्राउ गर्ने

    मास्क नलगाई घरबाहिर निस्कनेलाई प्रहरीले पक्राउ गर्ने भएको छ । गृह

काँग्रेसले वडा कार्यालयको कागजपत्र च्याते, नेकपाको खवरदारी

  २०७७ साल असार ८ गते विहान ११ः३० बजेको समयमा काठमाडौं महानगरपालिका–४ नं.

धेरै खुसी हुँदै बालुवाटारबाट बाहिरिए प्रचण्ड, के रहेछ कारण

  नेपाल कम्युनिष्ट पार्टी (नेकपा) कार्यकारी अध्यक्ष पुष्पकमल दाहाल ‘प्रचण्ड’ प्रधानमन्त्रीको सरकारी निवास