विदेशमा काम गर्ने नेपाली भन्छन्–दशैंमा घर आउने बिदा पाइएन्



 

दशैं नजिकिएसँगै चार्ड मनाउन घर फर्कनेको संख्या बढ्न थालेका छन् । काठमाडौंबाट गृह जिल्ला जाने मात्र होइन दशैं मनाउन नेपाल भित्रनेको संख्या पनि बढेको छ ।

वैदेशिक रोजगारीमा गएका युवा नेपाल भित्रने क्रम बढेपछि त्रिभुवन विमानस्थल यतिबेला भिडभाड बन्न थालेको छ । रोजगारीका लागि विदेश जानेभन्दा दशैं बिदामा घर फर्किने श्रमिकको संख्या बढी रहेको विमानस्थलअन्तर्गतको अध्यागमन कार्यालयले जनाएको छ ।

विमानस्थलमा दशैं मनाउन फर्किने र अन्य हवाई यात्रुको भीडभाड ठुलो देखिन्छ । सोमबार मलेसियाबाट फकिदै गरेका पोखराका राजन केसी विमानस्थलको आगमन कक्षबाट बाहिरिदै गर्दा भेटिए ।

२ महिनाअघि कम्पनीसँग बिदामा जाने भनेर दशैं मनाउन आएको केसीले बताए । ‘४५ दिनको बिदामा आएको छु । परिवारसँगै रहेर चाडपर्व मनाउँन भनेर नै दशैंको बेला नेपाल घर आएको हो । नेपालीहरुको चाडपर्वका बेला मलेसियामा छुट पाउन मुश्किल हुन्छ,’ उनले भने, ‘सबै घर आउन खोज्छन् । अनि कम्पनीले यो समयमा बिदा दिन मान्दैन् । दशैंका बेला धेरै नेपालीले हवाई टिकट नपाएर स्वदेश फर्किन सक्ने अवस्था पनि हुँदैन् ।’

यस्तै, ५ महिनादेखि कम्पनीमा भन्दामात्र दशैंका बेला बिदा पाएको दक्षिण कोरियाबाट फर्किदै गरेका खोटाङका मनकुमार राईले बताएका छन् ।
‘एक त कम्पनीले सबै बिदा यही समयमै छुट्टी धेरैले माग्छन् । त्यही भएर बिदा मिलाउन कठिन छ,’ उनले भने, ‘त्यसमाथि छुट्टी मिलिहाल्यो भने पनि जहाजको टिकट नपाएर हैरान छ । धेरै साथीहरु त टिकटकै अभावमा घर आउन नसक्ने हुनुभएको छ ।’

कोरियाबाट आफूसँगै २० जना नेपाली दशैं मनाउन छुटीमा आएको उनको भनाइ छ । यसैगरी, कतारबाट दसैं, तिहार मनाउनकै लागि घर आएको विमानस्थलमा भेटिएका चितवनका रामप्रसाद ढुंगानाले बताए ।

उनले भने, ‘कतार गएको २ वर्षमा एक पटक बिदा मिल्छ । यसरी पाएको बिदालाई चाडपर्वकै बेला पारियो भने धेरै आफन्तसँग भेटघाट हुन पाइन्छ । सम्बन्धमा आफ्नोपन पनि आउँछ । चाडपर्वमा गाउँघरको माहोल पनि भरिभराउ र उल्लासमय हुन्छ ।

चाडपर्वका समयमा धेरै नेपालीहरु दशैं, तिहार मनाउनकै लागि घर बिदामा आउने गर्छन असोज महिना लागेपछि नेपालको एक मात्र अन्तर्राष्ट्रिय विमानस्थलमा स्वदेश फर्किने माहोल देखिन्छ । विमानस्थलको प्रतिक्षाकक्षमा विदेशीबाट फर्किनेलाई लिन आउने आफन्तको पनि भीड लाग्ने गरेको छ ।

अध्यागमन कार्यालयका अनुसार केहीदिन यता वैदेशिक रोजगारीबाट दैनिक २ हजार ५ सयको हाराहारीमा नेपाली स्वदेश फर्किने गरेका छन्। यो संख्या अन्य समयको भन्दा ३ गुणा बढेको छ ।

चाडपर्व भन्दा बाहेकको समयमा यो तथ्यांक दैनिक ३ देखि ७ सयसम्म मात्रै विदेशीबाट नेपाल आउने गरेका थिए । उता रोजगारीको खोजीमा दैनिक करिब ७ सयको संख्यामा विदेसिने गरेको कार्यालय बताउँछ । तर, चाडपर्वका बेला भने दैनिक ३ सयमा विदेशी जाने गरेका छन् ।

असोज महिना लागेपछि मात्रै करिब १ लाखभन्दा धेरै रोजगारीका गएका श्रमिक स्वदेश फर्किएको अध्यागमन कार्यालयको अनुमान छ । सामान्य समयभन्दा चाँडपर्वका बेला ४ गुणा नेपाली स्वदेश फर्किने गरेका कार्यलयले जनाएको छ ।

मासिक २० हजारको हाराहारीमा मात्रै स्वदेश फर्किने गरेको कार्यालयको तथ्यांक छ । तर, चाडपर्वको समयमा भने दैनिक ३ हजार भन्दा धेरै स्वदेश फर्किने गरेको कार्यलयको अनुमान छ ।

चाडपर्वको मुखमा स्वदेश फर्किने नेपालीको संख्या बढनु स्वभाविक नै भएको अध्यगमन विभागका निर्देशक रामचन्द्र तिवारीले जानकारी दिए ।

‘परिवार, आफन्तसँग भेटघाट गर्न मौका पनि यहि भएका कारण धेरै फर्किन्छन् । अर्कोतर्फ संस्कृति र धार्मिक आस्थाका हिसाबले पनि चाडपर्व महत्वपूर्ण मानिन्छन् । जसकाकारण पनि यो समय धेरै नेपालीहरु घर बिदामा आउँछन्,’ उनले भने ।

वैदेशिक रोजगारीका लागि नेपाली युवा सबैभन्दा धेरै खाडीका देश र मलेसिया जाने गरेको सरकारी तंथ्याकमा छ । विदेसिएका कुल नेपालीमध्ये यी देशमा मात्रै करिब ७५ प्रतिशतभन्दा धेरै कामदार पुगेका छन् ।

त्यसकारण पनि चाडपर्वका बेला यीनै देशहरुबाट स्वदेश फर्किनेको संख्या धेरै हुन्छ । यसैबीच, वैदेशिक रोजगार विभागले विदेशबाट फर्किएका कामदारको तथ्यांक राख्न गत वर्षको असोज १५ देखि शुरु गरेको छ । त्यस यता ३ लाखभन्दा धेरै नेपाली कामदार विदेशबाट नेपाल फर्किएका छन् । वैदेशिक रोजगारीकै लागि ४४ लाख नेपाली विदेशमा छन्।

प्रतिक्रिया दिनुहोस
गैरआवासीय नेपाली संघको चुनाव : कुल आचार्यको प्यानल घोषणा, उम्मेदवारको सूचीसहित

गैरआवासीय नेपाली संघ (एनआरएनए)को केन्द्रीय अध्यक्ष पदका प्रत्यासी कुल आचार्यले आफ्नो टिमलाई अन्तिम

काङ्ग्रेसबाट निर्वाचित वडा सदस्य नै जुवाको खाल बाट पक्राउ

  बुढानिलकण्ठ नगरपालिकामा नेपाली काङ्ग्रेस बाट निर्वाचित वडा एक वडा सदस्य जुवाको खाल

एनआरएनएले नेपालको पहिचान बदल्ने भूमिका खेल्नेछ : कुमार पन्त, अध्यक्षका प्रत्यासी

    गैर आवासीय नेपाली संघ अन्तराष्ट्रिय परिषद (एनआरएनए आइसिसी) को नवौं बिश्व

एनआरएनएलाई सबैको साझा बनाउँछु : कुल आचार्य

  गैरआवासीय नेपाली संघ (एनआरएनए) को नवौं विश्व सम्मेलन तथा अन्तर्राष्ट्रिय अधिवेशन आगामी