‘रातो टीका निधारमा’ फ्लप हुनुका ४ कारण



 

बडादशैँको अवसर पारेर प्रदर्शनमा आएको चलचित्र ‘रातो टीका निधारमा’ बक्स अफिसमा पूर्ण रुपमा असफल रह्यो । यो चलचित्रमा साम्राज्ञी राज्यलक्ष्मी शाह र अंकित शर्माको शीर्ष भूमिका छ । अशोक शर्माको लेखन तथा निर्देशन रहेको यो फिल्म आखिर किन चलेन त? यसबारेमा छलफल गरौँ:

राम्रो कथा, कमजोर पटकथा

चलचित्रका निर्देशक अशोक शर्माले नै तयार पारेको यो फिल्मको कथा यति कमजोर छ कि, त्यसको अन्य फिल्मसँग तुलना गर्न पनि गाह्रो हुन्छ । उनले फिल्ममा कथा त राम्रो उठाउने जमर्को गरेका छन् । तर प्रस्तुतीकरण ज्यादै नै खल्लो छ । फिल्ममा आउने हरेक घटनाक्रम पूरै वाहियात लाग्छन् । फिल्मको प्रस्ततीकरण केटाकेटीले भाँडाकुटी खेलेजस्तो छ ।

फिल्ममा त्यस्तो कुनै प्लट छैन, जुन प्लटलाई हेरेर दर्शकले ‘वाह’ भन्न सकून् । फिल्मको प्रस्तुतीकरण एकदमै कमजोर छ । संवाद र प्लटमा निर्देशक चुक्नुसम्म चुकेका छन् ।

कलाकारको अभिनय

फिल्मको स्किृप्ट नै कमजोर भएपछि फिल्म राम्रो बन्ने कुरै भएन । त्यसमाथि पनि निर्देशक शर्माले चलचित्र ‘रातो टीका निधारमा’ मा कलाकारलाई यति कमजोर र निरीह बनाएका छन् कि, कुनै पनि प्लटमा कलाकारले राम्रो प्रस्तुति दिन सकेका छैनन् । एउटा हैन, सबै कलाकारको अभिनय उस्तै कमजोर छ । एक अर्थले त निर्देशकले सबै कलाकारलाई केवल ‘जोकर’ बनाएका छन् ।

फिल्मको स्किृप्टमा पात्र नै बलिया बन्न नसकेपछि कलाकार झन् खल्लो लाग्ने भइहाले । यही फिल्मबाट डेब्यु गरेका अंकित शर्मा शिकारु कलाकार बनेका छन् । कुनै पनि कलाकार सिक्नका लागि फिल्ममा अभिनय गर्नेभन्दा पनि सिकेर फिल्ममा अभिनय गर्नुपर्ने हो ।

कर्कस पार्श्वध्वनि

फिल्मको छायांकनमा बरु केही दृश्यमा चित्त बुझाउने ठाउँ रहला तर यसको पार्श्वध्वनि कानमा मात्र होइन, मनमै बिझ्छ । चाहिनेभन्दा बढी लाउड बनेको फिल्मको पार्श्वध्वनिले यति दिक्क बनाउँछ कि, दर्शकलाई चलचित्र हेर्दा मजा लागेको ठाउँमा पनि यसको म्युजिक ‘भिलेन’ बनेर आइदिन्छ ।

र, कमजोर निर्देशन

भनिन्छ, फिल्म कस्तो बनाउने भन्ने निर्देशकको हातमा हुन्छ । फिल्मको कथा राम्रो हुनुपर्छ । ‘रातो टीका निधारमा’ को कुरा गर्नुपर्दा फिल्मको कथा पनि कमजोर छ, निर्देशकीय क्षमता पनि उत्तिकै फितलो छ । निर्देशकले फिल्मलाई स्तरीय बनाउनभन्दा पनि विज्ञापन एजेन्सीको यसरी विज्ञापन गरेका छन् कि, मानौँ यो फिल्म फिल्म होइन, विज्ञापन हो ।

फिल्ममा एउटा रक्सीको विज्ञापन आउँछ, त्यतिबेला कलाकारभन्दा बढी फोकस त त्यही रक्सीलाई गरिन्छ ।

फिल्ममा यदि केही राम्रो छ भने त्यो हो यसको विषयवस्तु । फिल्मले नेपालमा पनि कृषि क्षेत्रमा केही गर्न सकिन्छ भन्ने विषय उठाएको छ । केही क्रान्तिका कुरा पनि छन् । तर, प्रस्तुति कमजोर हुँदा ती कुनै पनि विषयले कन्भिन्स गर्दैन ।

 

प्रतिक्रिया दिनुहोस
तन्ना बेच्ने दिदी–बैनी

  अन्तर्राष्ट्रिय गैरसरकारी संस्थाको लोभलाग्दो जागिर, राम्रो तलब–सुविधा, सामाजिक प्रतिष्ठा। अरुले प्रशंसा गरे

अग्नि सापकोटामाथि कुनै मुद्दा छैन: प्रचण्ड

  पूर्वप्रधानमन्त्री एवं नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले पार्टी

प्रचण्डले भने : पार्टीले सरकारलाई नेतृत्व गर्ने हो

    सत्तारुढ नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डले सरकारले पार्टी

श्रृंखलालाई भुतुक्कै पार्ने ‘दले दाइ’, हेर्नुहोस् भिडीयो

  सामाजिक सञ्जालको जमाना छ । यदि तपाईंसँग कुनै विशिष्ट प्रतिभा छ भने