असोज १४ बाट खसीबोका बिक्री गर्ने



 

खाद्य व्यवस्था तथा व्यापार कम्पनी लिमिटेडले असोज १४ गतेबाट खसीबोका र च्याङग्राको बिक्री वितरण सुरु गर्ने भएको छ ।
संस्थाले यस वर्षको दशैंका लागि १ हजार खसीबोका र २ हजार च्याङ्ग्रा काठमाडौंमा ल्याउने तयारी गरेको छ । गत वर्ष १ हजार ५ सय खसी, बोका र १ हजार च्याङ्ग्रा बिक्री गरेको संस्थानले यस वर्ष ३ हजार बिक्री वितरण गर्ने लागेको हो । संस्थानले बजार मूल्य नियन्त्रणका लागि भन्दै हरेक वर्ष दशैंमा खसीबोका र च्याङ्ग्रा बिक्री गर्दै आएको छ । संस्थानले टेण्डरमार्फत १३ गते काठमाडौं उपत्यकाका लागि खसिबोका, च्याङ्ग्रा ल्याउने र १४ गते बाट बिक्री वितरण सुरु गर्ने खाद्य व्यवस्था तथा व्यापार कम्पनी लिमिटेडका अञ्चल प्रवन्धक रणबहादुर बुढाथोकीले बताए । खसी बोका ल्याउने तयारी पूरा भइसकेकाले १३ गते उपत्यकामा खसीबोका आइपुग्ने र १४ गतेबाट प्रक्रिया सुरु गरिने बुढाथोकीले बताए ।

संस्थानले वीरगञ्ज र तुलसीपुर बाट ५÷५ सय खसीबोका र मुस्ताङ्गबाट २ हजार च्याङ्ग्रा ल्याउने तयारी गरेको छ । संस्थानले विगतमा निजी क्षेत्रले बेच्ने बजार मूल्य भन्दा प्रतिकिलो १० रुपैयाँ मूल्य घटाएर खसी बोका र च्याङ्ग्रा बिक्री गर्ने लिमिटेडका अञ्चल प्रवन्धक बुढाथोकीले जानकारी दिए ।

दशैंका बेला काठमाडौं उपत्यकामा खसीबोकाको ११ लाख किलोभन्दा बढी मासु खपत हुन्छ । माग धान्नभन्दा पनि बजार मूल्य नियन्त्रणका लागि विगतमा झैं यसपटक पनि खसीबोका बिक्री गर्न लागेको संस्थानले जनाएको छ । यता, पशुपक्षी विभाग यस पटकको दशैंमा उपत्यकाभित्र मासुको अभाव नहुने जनाएको छ । विदेशबाट आयात गरीएका पशुपंक्षीको अनिवार्य पशु क्वारेन्टाइन जाँच पास हुनुपर्ने व्यवस्था लागू भएका कारण बजारमा मासुको अभाव हुने भन्दै सर्वसाधरणको गुनासो आइरहेको बेला विभागले यस्तो जनाएको हो ।

काठमाडौं उपत्यकामा दशैंमा खपत हुने ९० प्रतिशत मासुका लागि भारतबाट खसीबोका ल्याउने गरिएको छ । खसी बोकाको मासु खपतवापत वर्षेनी १० अर्ब रुपैयाँभन्दा बढी रकम भारत जाने गरेको छ भने व्यापारीहरुले उपत्यकामा तराइका २२ जिल्लालगायत सुर्खेत, सल्यान, रुकुम, दाङ, बाँके, बर्दिया, सिन्धुलीलगायतका जिल्लाबाट खसीबोका र मनाङ, मुस्ताङ, रसुवा तथा तिब्बतबाट भेडा, च्याङ्ग्रा बिक्रीका लागि ल्याउने गर्छन् ।

प्रतिक्रिया दिनुहोस
गलैँचा र गाडीका पार्टपुर्जा आयात गर्ने कम्पनीलाई स्वास्थ्य सामग्री आयात गर्ने ठेक्का

    गलैँचा, तयारी पोसाक तथा गाडीका पार्टपुर्जा आयात गर्ने, सामग्री आयात गर्ने

लकडाउनले मन्त्रीहरु फुर्सदिला, को-के गर्दैछन्

  उच्चस्तरीय समन्वय समितिमा नरहेका ऊर्जामन्त्री वर्षमान पुनसहित महिला बालबालिका तथा ज्येष्ठ नागरिकमन्त्री

विश्वभर कोरोनाबाट मृत्यु हुनेको संख्या ५३ हजार, संक्रमित १० लाख बढी

  विश्वभर महामारीका रुपमा फैलिएको नोबेल कोरोना भाइरसबाट मृत्यु हुनेको संख्या ५३ हजार

निकटबाटै चिढिए ओली, क कस्ले फसाए डुब्नेगरी

  प्रधानमन्त्री केपी शर्मा ओलीले कोरोना भाइरस (कोभिड–१९) रोकथाम एवं उपचारमा प्रयोग हुने