हिमालय कलेजको स्वागत तथा बिदाई आयोजना



नेपाल कम्युनिष्ट पार्टीका वरिष्ठ नेता तथा पुर्व प्रधानमन्त्री माधवकुमार नेपालले विद्यार्थीहरु भविश्यका कर्णधार भएकाले अनुशासित भएर अघि बढ्नुपर्ने बताउनुभएको छ ।
शुक्रबार कोटेश्वरमा अवस्थित हिमालय कलेजले आयोजना गरेको विद्यार्थीहरुको स्वागत तथा विदाई कार्यक्रममा प्रमुख अतिथिको हैसियतमा नेता नेपालले विद्यार्थीहरु सफल र अब्बल बन्न अनुशासन नै महत्वपुर्ण हतियार भएकोमा जोड दिनुभयो ।
विद्यार्थीहरुको खचाखच उपस्थितिले भरिएको प्रज्ञा प्रतिष्ठानको हलमा सम्वोधन गर्दै नेता नेपालले विद्यार्थीहरुलाई ‘आफुभन्दा सानालाई माया गर्न, ठुलालाई आदर गर्न, देशभक्ति भावना जागृत गर्न र राष्टप्रतिको दायित्व नर्बिसन’ पनि सुझाव दिनुभयो ।
उहाँले भन्नुभयो, ‘अनुशासन नै जीवन सफल हुने गहना हो, यसलाई अनुशरण गरेमात्र मानिसहरुले अझ ज्यादा उन्नती र प्रगति गर्न सक्छन्, विद्यार्थीहरुले त यसलाई मुल मन्त्र नै मान्नुपर्छ । ’ उहाँले विद्यार्थीहरुलाई सिपमुलक शिक्षा, हरेक भाषाको ज्ञान  प्राविधीक विषयमा पोख्त हुनुपर्ने आवश्यकता औंल्याउनुभयो ।
कार्यक्रममा कलेजका अध्यक्ष तथा प्रिन्सीपल रामहरि सिलवालले हिमालय कलेजले शिक्षा क्षेत्रमा अग्रणी स्थान कायम गर्न सफल भएको चर्चा गर्दै त्यसको जस आम विद्यार्थीहरुले पाएको बताउनुभयो ।
कलेज व्यवस्थापन र शिक्षकहरुले देखाएको बाटोमा विद्यार्थीहरुले कठिन मेहनत गरेकैले अहिलेसम्म विद्यालयको इज्जतका साथै विद्यार्थीको उन्नती भएको उहाँको दावी थियो । आफुहरुले हिमालय कलेजमा पढाइका अतिरिक्त अन्य व्यवहारिक र प्राविधीक ज्ञान समेत दिएकाले सो कलेज अन्यभन्दा पृथक रहेको जिकिर गर्नुभयो ।
कार्यक्रममा कलेजका सिइओ नरेन्द्रबहादुर अधिकारीले कलेजले आगामी दिनमा  शिक्षा क्षेत्रमा थप योगदान दिने योजना अघि सारेको बताउँदै हिमालय कलेजका विद्याथीहरु अन्य विद्यार्थी भन्दा उत्कृष्ठ रहेको दावी गर्नुभयो ।
प्रिन्सीपल सिलवालको अध्यक्षतामा भएको पहिलो सत्रको कार्यक्रममा प्रमुख अतिथि नेकपा वरिष्ठ नेता नेपालले पानसमा बत्ति बालेर कार्यक्रमको उद्घाटन गर्नुभएको थियो । कक्षा ११ मा नयाँ भर्ना भएका विद्यार्थीहरुलाई स्वागत र कक्षा १२ पास आउट भएका विद्यार्थीहरुको विदाइका लागि ‘१२–कक्षा, २०७६ सालको व्याच’द्धारा आयोजित कार्यक्रममा कक्षा १२ का विद्यार्थी राजकुमार खत्रीले स्वागत मन्तव्य राखेका थिए ।
दोस्रो सत्रको कार्यक्रममा विद्यार्थीहरुद्धारा सांस्कृतिक तथा मनोरन्जनात्मक प्रस्तुती आयोजना गरिएको थियो । विद्यार्थीहरुद्धारा गीत, नृत्य, कविता लगायतको प्रस्तुतीले कार्यक्रम उत्साहपुर्ण रुपमा सफल भएको थियो ।
कार्यक्रममा कलेजका फाइनान्स मेनेजर भुवनचक्र जोशी, प्लस टु कोअर्डिनेटर राजेन्द्र अवस्थी, निर्देशक चन्दा सापकोटा लगायत हरेक संकाय र कार्यक्रम संयोजक तथा निर्देशकहरुको उपस्थिथि रहेको थियो ।
औपचारिक सत्रको पहिलो कार्यक्रमको सञ्चालन शिक्षक शन्तराम बिडारीले गरेका थिए भने दोस्रो सत्रको सांस्कृतिक कार्यक्रमको सञ्चालन विद्यार्थीहरुले नै गरेका थिए ।  कार्यक्रममा उत्कृष्ठ विद्यार्थीहरु तथा विभिन्न प्रतियोगिता सफल हुनेहरुलाई पुस्कार समेत वितरण गरिएको थियो ।

प्रतिक्रिया दिनुहोस
यही ताल हो भने नेकपा सकिन्छ : अध्यक्ष प्रचण्ड

    नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले सत्ता बाहिर

परराष्ट्रमन्त्री ज्ञवाली जेनेभा प्रस्थान

  परराष्ट्रमन्त्री प्रदीपकुमार ज्ञवाली जेनेभा गएका छन् । यही फागुन १२ गतेदेखि जेनेभामा

खनाल भन्छन् : अर्थ मन्त्रालय र एमसीसीबीच १४ वटा भित्री सम्झौता रहेछन्

  अमेरिकी नियोग मिलेनियम च्यालेन्ज कर्पोरेसन एमसीसी सम्झौता अध्ययन गर्न बनेको सत्तारुढ नेकपाको

बाँस्कोटाको हातमा थिए एक खर्बका सात प्रोजेक्ट

  सेक्युरिटी प्रेस खरिदमा कमिसनको ‘डिल’ गरिरहेको अडियो सार्वजनिक भएपछि राजीनामा दिएका सञ्चार