रवि लामिछानेसहित तीन जनलाई अदालत पेश गरियो



 

आत्महत्या गर्न दुरुत्साहन गरेको अभियोगमा ‘सिधा कुरा जनतासँग’ कार्यक्रमका सञ्चालक रवि लामिछानेसहित तीन जनालाई प्रहरीले चितवन जिल्ला अदालत पेश गरेको छ । प्रहरीले शुक्रबार बिहान लामिछानेसहित युवराज कँडेल र अस्मिता कार्कीलाई जिल्ला अदालत चितवनमा पेश गरेको हो ।

आत्महत्या दुरुत्साहन गरेको आरोपमा अनुसन्धानका लागि म्याद लिन अदालत लगिएको चितवन प्रहरी प्रमुख एसपी दानबहादुर मल्लले जानकारी दिए । लामिछानेलाई उनकी श्रीमती निकिता पौडेलसहितले बिहान भेटवार्ता गरेका थिए ।

महानगरीय प्रहरी परिसर, महानगरीय प्रहरी अपराध महाशाखाको टोलीले लामिछाने र कँडेललाई बिहीबार साँझ न्युज २४ को कार्यालयबाटै पक्राउ गरेको थियो । कार्की त्यसअघि नै पक्राउ परेकी थिइन् ।

पत्रकार सालिकराम पुडासैनीले आत्महत्या गर्नुअघि छोडेको भिडिओमा उनीहरूको नाम लिँदै केही आरोपहरू लगाएका थिए । पुडासैनीले चितवनको कंगारु होटलमा साउन २० गते आत्महत्या गरेका थिए ।

मुलुकी फौजदारी संहिताले आत्महत्या दुरुत्साहनलाई कर्तव्य ज्यान मुद्दाकै अंग मानेको छ । आत्महत्या दुरुत्साहन अभियोग पुष्टि भए प्रहरीले कर्तव्य ज्यान मुद्दामै मुद्दा अघि बढाउँछ । आत्महत्या दुरुत्साहनमा पाँच वर्ष जेल सजाय हुने व्यवस्था छ ।

यसैबीच,  स्वर्गीय पत्रकार पुडासैनीको आत्महत्या प्रकरणमा भैरहेको अनुसन्धानबारे जानकारी दिन जिल्ला प्रहरी कार्यालय चितवनले पत्रकार सम्मेलन गर्ने तयारी गरेको छ । पक्राउ परेका तीनै जनालाई अदालतबाट म्याद थप गरि ल्याएपछि पत्रकार सम्मेलन मार्फत सार्वजनिक गरिने चितवन प्रहरीले जनाएको छ ।

प्रतिक्रिया दिनुहोस
बालुवाटारमा सर्बदलीय बैठक सुरू, देउवादेखि भट्टराईसम्म

  सर्बदलीय बैठक बालुवाटारमा सुरु भएको छ । संसदमा विचाराधीन अवस्थामा रहेका विधेयकको

रवि लामिछानेसहित तीन जनालाई ५ दिनको म्याद थप

  पत्रकार शालिकराम पुडासैनी आत्महत्या प्रकरणमा दुरुत्साहनको मुद्दामा अनुसन्धान गर्नका लागि जिल्ला अदालत

पक्राउ परेकी पुडासैनीकी प्रेमिकाले दिइन प्रहरीलाई यस्तो अचम्मको बयान, घटनाले लिने भयो अब अर्कै मोड !

    प्रहरीले पत्रकार शालिकराम पुडासैनीको प्रकरण अनुसन्धानका लागि ३० साउन २०७६ मा

मनकामना केवलकारको भाडा बढ्यो

    गोरखाको मनकामना मन्दिर जाने केवलकारको भाडा बढेको छ । मनकामना दर्शन