फास्ट ट्र्याकमार्फत काठमाडौंसम्मै पेट्रोलियम पाइपलाइन ल्याउने यस्तो छ सरकारको तयारी



 

नेपाली सेनाले निर्माण गरिरहेको काठमाडौं–तराई द्रूतमार्गमा पेट्रोलियम पाइपलाइन बिछ्याउने गृहकार्य सरकारले सुरु गरेको छ । भारतको मोतीहारीदेखि बाराको अमलेखगञ्जसम्म आइपुगेको पाइपलाइनलाई काठमाडौंसम्मै विस्तार गर्नेगरी तयारी थालिएको हो ।

 

नेपाल आयल निगमकै खर्चमा निमार्णाधीन सडकमा पाइपलाइन बिच्छ्याउन सकिने सम्भावनाबारे स्थलगत अध्ययनका लागि राय माग्दै रक्षा मन्त्रालयलाई पत्र पठाइएको वाणिज्य सचिव केदारबहादुर अधिकारीले बताए । ‘फाष्ट ट्र्याक र पेट्रोलियम पाइपलाइन एकैपटक सम्पन्न हुनेगरी काम अगाडि बढाउन छलफल चलेको छ,’ उनले भने ।

 

नेपाल आयल निगमको प्रस्तावमा उद्योग वाणिज्य तथा आपूर्ति मन्त्रालयले छलफललाई तीव्रता दिएको मन्त्रालयले जनाएको छ । काठमाडौंसम्म पाइपलाइन ल्याउन आयल निगमको प्रस्तावमा प्रधानमन्त्री पनि सकारात्मक रहेको निगम स्रोतले  बतायो ।

 

नेपाली सेनाका प्रवक्ता विज्ञानराज पाण्डेले द्रुतमार्गमा पाइपलाइन बिछ्याउनेबारे सम्भाव्यता अध्ययनका लागि स्थलगत रेकी गर्न नेपाली सेनालाई पत्र प्राप्त भएको बताए । नेपाली सेनाले तयार गरेर सरकारलाई बुझाएको द्रुत मार्गको डीपीआरमा भने पाइपलाइनबारे उल्लेख छैन । यद्यपि, सरकारले आयोजना अगाडि बढाउन तयार भयो र सम्भाव्यता देखियो भने नेपाली सेना तयार रहेको प्रवक्ता पाण्डे बताउँछन् ।

 

झण्डै सय किलोमिटर लम्बाइ

काठमाडौं तराई द्रुतमार्गको लम्बाई ७६ दशमलव २ किलोमिटर छ । यसबाहेक हाल र्पापलाइनमा सञ्जालमा जोडिइ सकेको अमलेखगञ्जबाट निजगढसम्मको दूरी २२ किलोमिटर छ । द्रुतमार्गको अन्तिम विन्दु ललितपुरसम्म पाइपलाइन ल्याउँदा कुल लम्बाइ ९८.२ किलोमिटर हुन आउने नेपाल आयल निगमले जनाएको छ ।

 

सम्भाव्यताकै चरणमा रहेका कारण खर्च अनुमान गर्न सकिने अवस्था नरहेको निगमका प्रमुख कार्यकारी निर्देशक सुरेन्द्रकुमार पौडेले बताए । पन्ध्र वर्षसम्म द्रुतमार्ग भएर ट्याङ्करमा इन्धन ढुवानी गर्दा लाग्ने खर्च र पाइपलाइन बिछ्याउँदा हुने खर्च कति हुन्छ भन्ने तुलनात्मक अध्ययन निगमले गरिरहेको उनले जानकारी दिए ।

 

‘पूर्वाधार बनाउँदा एकैपटक विविध प्रयोगका लागि पनि सोचिनु पर्छ भन्ने अवधारणामा प्रस्ताव अघि बढाइएको हो,’ उनले भने । अध्ययन सकारात्मक पाइयो भने पूर्वाधारका लागि लाग्ने खर्च र काठमाडौंमा पाइपलाइनमार्फत इन्धन खसाल्ने विन्दुमा जमिनका लागि गृहकार्य थाल्ने निगमले जनाएको छ ।

 

यसअघि भारतीय कम्पनीले तयार गरेको द्रुत मार्गको डीपीआरमा पनि पेट्रोलियम पाइपलाइन बिछ्याउन सक्नेगरी द्रुतमार्ग निर्माण गर्ने उल्लेख थियो । एडीबीले गरेको अध्ययनमा पनि द्रुतमार्ग हुँदै काठमाडौंसम्म पेट्रोलियम पाइपलाइन विस्तार गर्न सम्भव रहेको देखिएको थियो

प्रतिक्रिया दिनुहोस
पक्राउ परेकी पुडासैनीकी प्रेमिकाले दिइन प्रहरीलाई यस्तो अचम्मको बयान, घटनाले लिने भयो अब अर्कै मोड !

    प्रहरीले पत्रकार शालिकराम पुडासैनीको प्रकरण अनुसन्धानका लागि ३० साउन २०७६ मा

मनकामना केवलकारको भाडा बढ्यो

    गोरखाको मनकामना मन्दिर जाने केवलकारको भाडा बढेको छ । मनकामना दर्शन

सरकारी डाक्टरलाई निजीमा जान रोक्दैछौं : स्वास्थ्यमन्त्री यादव

  उपप्रधान तथा स्वास्थ्यमन्त्री यादवले सरकारी अस्पताललाई निजी अस्पतालमा विरामी जाँच्ने रोक्ने गरी

थप उपचारको लागि प्रधानमन्त्री ओली बिहीबार सिंगापुर जाने

  प्रधानमन्त्री केपी शर्मा ओली स्वास्थ्य परीक्षणका लागि पर्सी बिहीबार पुनः सिंगापुर जाने