काँग्रेसलाई सरकारले भन्यो दिनभरि वीपी, रात परेपछि विप्लव



 

 

सरकारका प्रवक्ता एवं सञ्चार तथा प्रविधिमन्त्री गोकुल बाँस्कोटाले प्रमुख प्रतिपक्षी दल काँग्रेसलाई कडा प्रहार गरेका छन् । सरकारले विप्लव समूहलाई प्रतिबन्ध लगाएको र पछिल्लो समय प्रहरीसँग भइरहेका मुठभेडका विषयमा काँग्रेसको धारणा स्पष्ट नभएको भन्दै उनले कडा प्रहार गरेका हुन् ।

मन्त्रिपरिषद्का निर्णय सार्वजनिक गर्न बिहीबार सिंहदरबारमा आयोजित कार्यक्रममा हिंसाबारे प्रमुख प्रतिपक्षको के हो भन्दै उनले भने, ‘दिनभरि वीपी, रात परेपछि विप्लव हो ?’

हिंसा गर्ने विप्लव समूह र हिंसा नगर भन्ने सरकारलाई काँग्रेसले एउटै नजरले हेर्ने हो भने काँग्रेस बेलैमा स्पष्ट हुनुपर्ने बताए । प्रवक्ताले बोलेपछि पार्टीकै कुरा हुने भन्दै उनी काँग्रेसप्रति आक्रामक भएका हुन् ।

भोजपुरमा प्रहरी मारिएको स्मरण गर्दै उनले हिंसा आतंकलाई प्रोत्साहित गर्दै जाँदा कहाँ पुगिन्छ भन्ने विगतलाई सम्झिन काँग्रेसलाई आग्रह गरे ।

सरकारले प्रतिबन्ध लगाएको विप्लव नेकपाको समर्थनमा काँग्रेसले सदन अवरोध गरेको आरोप लगाउँदै उनले काँग्रेसलाई बेलैमा प्रष्ट हुन आग्रह गरे । उनले भने, ‘घेराबन्दीमा सरकार होइन । हिँसालाई प्रोत्साहन गर्ने र रमाएर जानुको अर्थ छैन । शान्तिपूर्ण रुपमा गर्न पाईने काम संविधानले प्रष्ट पारेको छ ।’

हिंसाको साहारा लिएर सरकारलाई घेराबन्दी गर्न खोज्छु भन्ने सोचेको हो भने कोही पनि नउम्कने उनले बताए । सत्ता पक्षले मृत्युको व्यापार होइन जीवनको निरन्तरता खोजेको पनि मन्त्री बाँस्काेटाले स्पष्ट पारे ।

यस्तै, उनले वर्तमान सरकारलाई ढालेर वा नेकपालाई फुटाएर फाइदा लिउँला भन्ने कसैले सोचेको छ भने त्यो सपना मात्र हुने उनको टिप्पणी छ ।

‘नेकपा फुट्ला र भ्यागुताको धार्नी पुर्याउँला भनेर कसैलाई लाग्या छ भने पाँच वर्षसम्म नकस्सिए हुन्छ’, उनले भने ।

प्रतिक्रिया दिनुहोस
नेपालमा लगानी गर्ने उपयुत्त समय : परराष्ट्रमन्त्री ज्ञवाली

  परराष्ट्रमन्त्री प्रदीप ज्ञवालीले नेपालमा लगानी गर्न अन्तर्राष्ट्रिय लगानीकर्तालाई आह्वान गरेका छन् ।

मोदीलाई तीन भाषामा जन्मदिनको शुभकामना दिए प्रधानमन्त्री ओलीले

  प्रधानमन्त्री केपी शर्मा  ओलीले भारतीय समकक्षी नरेन्द्र मोदीलाई तीन वटा भाषामा जन्मदिनको

राष्ट्रपति पुत्रको प्रेम प्रस्ताव नै रिजेक्ट गर्ने यी सुन्दरी

  के हुन्छ जब राष्ट्रपति पुत्रको प्रेम प्रस्ताव कुनै युवतीले लत्याउने काम गर्छिन

समाजलाई भड्काउने गतिविधि देखिन थाल्योः मन्त्री भट्टराई

  संस्कृति, पर्यटन तथा नागरिक उडड्यनमन्त्री योगेश भट्टराईले नेपाली समाजलाई भड्काउने उछृङ्खल खालका