चञ्चल स्वभावकी छु, नबोली बस्नै सक्दिनँ-झरना पुन मगर, गायिका-मोडल



 

तपाइँको घर कहाँ हो ?

मेरो घर रोल्पाको कोर्चुबाङ हो । ६ वर्षअघि एसएलसी परीक्षामा फेल भएपछि काठमाडौं भागेर आएकी हुँ । त्यो बेला १४ वर्षकी मात्र थिएँ ।

त्यसरी सानै उमेरमा भाग्ने सोच कसरी आयो ?

एसएलसी फेल त भइहालेँ । किन गाउँमा बस्ने भनेर काठमाडौं भागेर आएकी हुँ । यहाँ दिदी हुनुहुन्थ्यो । म आउँदैछु भनेर उताबाट भागेकी हुँ ।

काठमाडौं ठूलो सहर छ । हराउँछु भन्ने डर लागेन ?

दिदीलाई मलाई बसपार्क लिन आउनु भनेकी थिएँ । तर, घरमा म भागेको आमा–बुबाले थाहा पाउनुभएछ । थानकोट चेकपोष्टमा गाडी चेक गरेर मामाहरुले भेटाएर घर लैजानुभयो । त्यसपछि मात्र दिदीसँग भेट भयो ।

अहिले मोडलिङ र गायनमा चर्चित बन्नुभएको छ । यो क्षेत्रमा कसरी लाग्नुभयो ?

एकजना दाई चिनेको हुनुहुन्थ्यो । उहाँले तीजको गीतमा मोडलिङ गर्ने हो भनेपछि मेरो मोडलिङ यात्रा सुरु भएको हो ।

मोडलिङ र गायनमध्ये कुन पहिले सुरु गर्नुभयो ?

मोडलिङ नै पहिले सुरु गरेकी हुँ । तर, जुन वर्ष मोडलिङ गरेँ, त्यही साल गाउन थालेकी हुँ । यो क्षेत्रमा लागेको तीन वर्ष भयो । मेरो पहिलो एल्बम ‘वनको चिलाउने’ हो ।

तपाइँ कस्तो गीत बढी गाउनुहुन्छ ?

म प्रायः टिपिकल लोकदोहोरी गीत गाउँछु । मोडलिङ पनि लोकदोहोरी र तीजका गीतमै बढी गरेकी छु ।

मोडलिङ गर्ने र गीत गाउने सोच गाउँमा हुँदै थियो ?

अँह थिएन । गाउँमा स्कुलमा चाहिँ नाच्ने गर्थेँ । तिहारमा देउसी–भैलोमा नाच्थेँ । तर, गायिका वा मोडल नै बन्छु भनेर सोचेकी थिइनँ । यही आएपछि सबै कुरा भयो ।

काठमाडौं आएपछि फेरि पढ्ने सोच आएन ?

बेला–बेला आउथ्यो । तर, आँट नै आएन । आमा–बाबुले पनि गाउँमा आऊ, पढ भन्नुहुन्थ्यो । तर, मलाई गाउँ जानै मन परेन । घरमा फर्काएर लैजान्छन् भनेर एक वर्ष घरका मान्छेसँग सम्पर्कविहीन भएर बसेँ ।

अहिलेचाहिँ के गर्दै हुनुहुन्छ ?

भर्खरै प्रकाश सपुतसँग एउटा भिडियो गरेकी छु । ‘उडाइ देउ उडाइ देउ, नेपालको धुलो चाइना पु¥याउदेउ’ बोलको गीत हो । जुन चाँडै आउँदैछ ।

गायन र मोडलिङबाहेक अरु के गर्नुहुन्छ ?

बेलुकी एउटा रोधी क्वलमा गाउँछु । अरुबेला मोडलिङ र रेकर्डिङमा व्यस्त हुन्छ । अहिले मेला महोत्सवको सिजन छैन । महोत्सवमो सिजनमा पूरै व्यस्त भइन्छ ।

दोहोरी साँझमा गाउन कतिको गाह्रो छ ?

छैन, दोहोरी त जस्तो पनि गाउन सक्छु । उत्तर फर्काउन सक्छु । तर, मेरो स्वर पो राम्रो छैन । ग्राहकहरु प्रायः मैसँग गाउन खोज्छन् ।

राम्री भएर होला नि ?

खै त्यो त । राम्री भएरभन्दा पनि फस्र्यौली छु । जोसँग पनि मीठो बोल्ने, हास्ने गर्छु । म चञ्चल स्वभावकी छु । चुप लागेर त बस्नै सक्दिनँ ।

फस्यौली, राम्री र चञ्चल स्वभावकी हुनुहुन्छ । प्रेम प्रस्ताव कतिको आउँछ ?

मन पराउँछु, माया गर्छु भन्नेहरु त धेरै आउँछन् । बिहे गरौँ भन्नेहरु पनि आउँछन् । तर, मलाई मनपर्ने भेटेकी छैन । मनपरेको भेटेपछि एकैपटक बिहे गर्ने सोच छ ।

फिल्ममा अभिनय गर्ने इच्छा छ कि छैन ?

इच्छा त छ । तर, मलाई मनपर्ने विषयवस्तु र सुहाउँदो भूमिका हुनुपर्छ । म चञ्चल स्वभावकी भएकाले चञ्चल केटीको भूमिका गर्ने मन छ ।

प्रतिक्रिया दिनुहोस
यिनै हुन् नेपालको सांसद–मन्त्री भएर भारतको दलाली गर्नेहरु

  डा. बाबुराम भट्टराई नेपालको अर्थमन्त्रीदेखि प्रधानमन्त्रीसम्म भइसकेका ब्यक्ति । उनको बिद्धताको उपयोग

राष्ट्रपतिबाट २४१ जनाको कैद सजायँ र दण्ड जरिवाना मिनाहा

  गणतन्त्र दिवसको अवसरमा सरकारले २ सय ३३ जना कैदीको कैद सजाय मिनाहा

संविधान संशोधनको समर्थन गर्ने राप्रपाको निर्णय

  राष्ट्रिय प्रजातन्त्र पार्टी (राप्रपा) ले संसदमा पेस गर्ने तयारी गरिएको संविधान संशोधन

उपेन्द्र–बाबुराम भारतको दलाली गर्दै, नयाँ नक्साको विरोध गरे

  उपेन्द्र यादव र डा.बाबुराम भट्टराई नेतृत्वको समाजवादी पार्टीकी सांसद सरिता गिरीले मुलुकको