एसईईमा कुन ग्रेड ल्याउनेले कुन विषय पढ्न पाउँछन् ?

प्रकाशित मिति: १३ असार २०७६, शुक्रबार

 

माध्यमिक शिक्षा परीक्षा (एसईई) मा सहभागी विद्यार्थीको लब्धांक पत्रमा अनुत्तीर्ण लेखिदैन । तर सबै विद्यार्थीले कक्षा ११ मा भर्ना हुन भने पाउँदैनन् ।

तत्कालिन उच्च माध्यमिक शिक्षा परिषद्ले २०७३ असार १५ गते र शिक्षा मन्त्रालयले २०७४ असार ५ गते गरेको निर्णयअनुसार न्यूनतम जीपीए १.६ निर्धारण गरिएको छ ।

 

१.६ भन्दा कम जीपीए पाउनेहरूले भने कक्षा ११ मा भर्ना हुन पाउँदैनन् । यसवर्ष ५६ हजार ७ सय ३९ जनाले १.६ भन्दा कम जीपीए प्राप्त गरेका छन् । उनीहरुले कक्षा ११ मा भर्ना हुन पाउँदैनन् ।

त्यससँगै सम्बन्धित विषयमा न्यूनतम ‘डी प्लस’ वा ‘सी प्लस’ नल्याउनेले पनि कक्षा ११ भर्ना हुन पाउँदैनन् । प्राविधिक विषयतर्फ भने विषयगत न्यूनतम ग्रेड तोकिएको छैन ।
भौतिकशास्त्र, रसायनशास्त्र, जीवशास्त्र, गणित, कम्प्युटर साइन्स र कृषि पढ्न भने न्यूनतम जीपीए २.०० निर्धारण गरिएको छ । त्यससँगै विज्ञान र गणितमा न्यूनतम ‘सी प्लस’ ल्याउनुपर्छ ।

 

अधिकांश विषय पढ्न अंग्रेजी र सामाजिक शिक्षामा न्यूनतम ‘डी प्लस’ प्राप्त गरेको हुनुपर्नेछ ।

एसईई २०७५ मा १७ हजार ५८० जनाले ३.६ देखि ४.००, ५१ हजार १ सय ३७ जनाले ३.० देखि ३.६, ६३ हजार ७ सय ४१ जनाले २.८ देखि ३.२ सम्म जीपीए ल्याएका छन् । त्यस्तै, २.०० देखि २.४ ल्याउने ९८ हजार २०७, १.६ देखि २.० ल्याउने ९५ हजार ३०७, १.२ देखि १.६ ल्याउने ४३ हजार ८४१ विद्यार्थी छन् ।

राष्ट्रिय परीक्षा बोर्डका अनुसार नियमिततर्फ सैद्धान्तिक विषयको बढीमा दुई विषयसम्म ‘सी’ वा ‘सी’ भन्दा तल्लो ग्रेड प्राप्त गरेका वा दुई विषयसम्म अनुपस्थित भएमा परीक्षार्थीहरूले ग्रेडवृद्धिका लागि पूरक ग्रेडवृद्धि परीक्षा दिन पाइन्छ ।


तपाईंको प्रतिकृयाहरू




 


ताजा अपडेट
ओलीलाई यसरी साइजमा ल्याउँदैछन प्रचण्ड,

मध्यरातमा सुस्माले फेसबुकमा आक्रोशपुर्ण स्टाटस पोस्ट गरिन्

छविको नयाँ खेल : सम्पत्ति जोगाउन फिल्मी शैलीमा हेमालाई इन्ट्री

विप्लव र गृहमन्त्री थापाबीच चल्यो यस्तो दोहोरी, कसले के भने

घनश्याम भुसालले भने स्कुल विभाग मलाई दिनुहोस्

गुल्मी पहिरो: मृतकको संख्या १३ पुग्यो, ३ जना अझै बेपत्ता

सरकारको प्रसंसनीय निर्णय अब सबै पूर्वगृहमन्त्रीका सुरक्षाकर्मी फिर्ता

हेटौंडामा ८ सवारीसाधन एकैपटक दुर्घट्ना

तपाईंको मोबाइल तात्छ ? यसो गर्नुहोस् कहिलै तात्दैन ।

काठमाडौंबाट ५४ जना यात्रुसहित उडेको विमान दुर्घटनाग्रस्त, यसरी गरियो अभ्यास