माओवादी र प्रहरीबीच आजपनि भिडन्त : १६ जना मारिए, ३५ भन्दा धेरै घाइते

प्रकाशित मिति: १९ जेष्ठ २०७६, आईतवार

 

आजपनि माओवादी र प्रहरीबीच भिडन्त भएको छ । आज भएको लडाईमा एक जनाको ज्यान गएको छ । यही महिना मात्र भारतमा माओवादी र सरकारपक्षबीच भिडन्त हुँदा १६ जना मारिएका छन् । ३५ जना भन्दा धेरै घाइते भएका छन् ।

 

आज रानीश्वर थानाको तालडेंगारमा दुई समुहबीच भिडन्त भएको हो । यस दोहोरो गोली हानाहानमा एकजना प्रहरी जवानको ज्यान गएको छ भने अन्य ४ जना गम्भीर घाइते भएका छन । घाइतेहरुलाई दुमका (झारखण्ड) सदर अस्पतालमा भर्ना गरिएको छ ।

 

घाइतेहरुमा १ जनाको अवस्था थप गम्भीर भएको भन्दै हेलिकप्टरमार्फत रांची अस्पताल ल्याइएको छ । प्रहरीले दिएको जानकारी अनुसार कम्तीमा पनि ५ जना माओवादीलाई गोली लागेको छ ।

 

मुठभेडपछि माओवादीहरु जंगलतर्फ भागेको प्रहरीले जानकारी दिएको छ । यस घटनामा एसएसबी, जैप र जिल्ला प्रहरी कार्यालयका जवान सहभागि भएका थिए । ज्यान गुमाउने प्रहरी अधिकारीको नाम असम निवासी नीरज क्षत्री रहेको छ । माओवादी आक्रमणमा घाइते हुनेहरुमा राजेश कुमार, करण कुमार, सतीश गुर्जर र सोनू कुमार रहेका छन् ।

 

राजेश कुमारको अवस्था गम्भीर भएको भन्दै राँची पठाइएको छ भने अन्य ३ जनाको दुमकामा उपचार भइरहेको छ । एसपी वाईएस रमेशले दिएको जानकारी अनुसार यस क्षेत्रमा माओवादी लुकेर बसेको भन्ने सुचना प्रहरीलाई आज भन्दा झण्डै ३ दिन पहिले मिलेको थियो ।

 

प्रहरीले माओवादीले ठुलो आक्रमण गर्न सक्ने भन्दै नियन्त्रणमा लिनको लागि आज खोजिकार्य तिव्र बनाएको थियो । प्रहरीले कारबाही गर्ने थाहा पाएपछि माओवादी आफैंले पहिले आक्रमण गरेका थिए । जवाफमा प्रहरीले पनि गोली चलाएपछि तनाव सुरु भएको थियो ।

 

प्रहरीले अहिले पनि उक्त क्षेत्रमा पुर्ण कब्जा जमाउर खोजि कार्य अगाडी बढाएको छ । मंगलवार सरायकेलामा माओवादीले आईईडी ब्लास्ट गराएको थियो । गएको २८ मे बिहान झारखण्डको सरायकेला खरसावामा माओवादीले आईईडी विष्फोट गरेका थियो ।

 

यस घटनामा प्रहरी, २०९ कोबराका २६ जवान घाइते भएका थिए । विष्फोट पनि माओवादीले प्रहरीमाथि गोली पनि चलाएको दैनिक भास्करले जानकारी दिएको छ । महाराष्ट्रको गढ़चिरौलीमा ३० अप्रीलमा भएको माओवादी आक्रमणमा १५ जना प्रहरी मारिएका थिए ।

 

उक्त आक्रमणमा बस चालकको पनि ज्यान गएको थियो । त्यो भन्दा पहिले सडक निर्माणका लागि आएका ३० सवारीसाधनमाथि माओवादीले आगो लगाएका थिए । माओवादी आक्रमण कुरखेड़ा देखि ६ किमी पर कोरची मार्गमा भएको थियो ।

 

महाराष्ट्र प्रहरी जवानहरु निजी बसमा गढ़चिरौलीतर्फ गइरहेका थिए । यो महाराष्ट्र–छत्तीसगढ़ राज्यको सीमाना पर्दछ । शहीद भएका प्रहरी जवान सि–६० फोर्स कमान्डो थिए ।

 

यस फोर्समा ६० जना जवानहरुको समुह हुने गर्दछ । यसको स्थापना १९९२ मा गढ़चिरौलीका तत्कालीन एसपी केपी रघुवंशीले गरेका थिए । यो फोर्स माओवादीसँग भिड्नको लागि तयार गरिएको हुन्छ । उनीहरु गुरिल्ला युद्ध गर्नको लागि धेरै सिपालु हुने गर्दछन् ।


तपाईंको प्रतिकृयाहरू



 


ताजा अपडेट
महान्यायाधिवक्ता खरेलको कारण झापाको नगरसभा सत्तारुढ नेकपा र नगरकै बहुमत सदस्यले बहिस्कार गर्ने

संसदमा पुग्यो ‘गलबन्दी’ विवाद, आन्दोलनमा उत्रने काँग्रेस सांसदको चेतावनी

यी चर्चित अभिनेत्री २५ बर्षसम्म पुरुषको शरिर लिएर बाँचेकी थिइन्

बाहुन र नेवार केटा एकै मण्डपमा : दलित दिदीबहिनीसँग भयो बिबाह

दुई अभिनेत्रीले गर्ने भए बिबाह, खुलाए युवती–युवतीबीचको शारिरीक सम्बन्धको सुन्तुष्टीको तरिका

सारा नेपालीका लागि खुशीको खबर : यी स्थानमा पेट्रोल निकाल्न थालियो

दुनियाँकै सबैभन्दा छाडा बिबाह तर यसकारण तस्वीर दुनियाँले नै गर्दैछन् सेयर [७ तस्वीर]

यस्तो दुर्लभ क्षणले आज १२ बजेपछिदेखि यी राशि मालामाल : राशिफल २०७६ असार ९ सोमबार

नेपालमै बन्न थालेका कारको नाम ‘दा भिन्ची’, यस्तो छ माइलेज र मुल्य

जनार्दन शर्माले भने कुमार पौडेलको हात ६,७ ठाउँमा कसरी भाँचियो