श्रीमती मनकुमारीले डिभोर्स गर्ने भएपछि ९ जनाको हत्या



 

पाँचथरको मिक्लाजुङ गाउँपालिका–७, आरुबोटेमा ९ जनाको सामूहिक हत्या भएको घटनामा पारिवारिक कारण नै देखिएको प्रहरीले अनुमान गरेको छ ।

 

७४ वर्षीय बमबहादुर फियाकका ज्वाइँ मानबहादुर माखिम लिम्बुले नै दुई परिवारको हत्या गरेको हुनसक्ने प्रहरीले प्रराम्भिक अनुमान गरेको छ । हत्या गरिएका धनराज शेर्मा मानबहादुरका साढु दाई हुन् ।

 

मानबहादुरले समेत आत्महत्या गरिसकेका छन् । उनले ससुराली र साढु दाईको परिवारको हत्या गरेर आफूले पनि आत्महत्या गरेको प्रहरीको प्रराम्भिक अनुसन्धानले देखाएको छ ।

 

मानबहादुरले ससुरालीमा बस्दै आएकी श्रीमती मनकुमारीको पनि हत्या गरेका छन् । मानबहादुरसँगको सम्बन्ध बिग्रेपछि मनकुमारी माइतीमा बस्दै आएकी थिइन् ।

 

उनीहरुबीच डिभोर्सको प्रक्रिया चलिरहेको स्थानीयले बताएका छन् । स्थानीयका अनुसार माइती पक्ष र साढु दाईको परिवारले डिभोर्स गर्न उक्साएको भन्दै मानबहादुर रिसाएका थिए ।

 

श्रीमती माइतीमा बसेपनि मानबहादुर भने मिक्लाजुङ ७ को घरमा एक्लै बस्दै आएका थिए । श्रीमतीले छाडेपछि उनी मानसिक रुपमा विछिप्त बनेका स्थानीय बताउँछन् ।

 

घटनाबाट बच्न सफल बालिकाको भनाइ र उनको आत्महत्याले हत्यामा उनको संलग्नता बलियो बन्दै गएको प्रहरीले जनाएको छ । यद्यपी, अनुसन्धान जारी रहेका अहिले नै धेरै कुरा भन्न नसकिने अनुसन्धानमा संलग्न अधिकारीहरु बताउँछन् ।

 

सबै सुतिरहेका बेला मखुण्डो लगाएको व्यक्तिले अन्धाधुन्द हतियार प्रयोग गरेको प्रहरीले बताएको छ । घटनाबाट बच्न सफल १२ वर्षीया सीता खजुमले एकजना मखुण्डो लगाएको व्यक्तिले सबैको हत्या गरेको बताएकी छन् । घटनाको अनुसन्धानका लागि केन्द्रीय अनुसन्धान ब्यूरो (सीआईबी), संघीय प्रहरी ईकाई धरान र प्रदेश नम्बर १ को प्रहरी टोली खटिएको छ ।

 

घटनामा ३६ वर्षीया जस्मिता फियाक, ४१ वर्षीय धनराज शेर्मा, २६ वर्षीया मनकुमारी फियाक, ६ वर्षीया इक्सा शेर्मा, १३ वर्षीया योवना शेर्मा, ८ वर्षीया मुना शेर्मा, ७४ वर्षीय बमबहादुर फियाक, नाम प्राप्त नभएकी बमबहादुरकी श्रीमती र १२ वर्षीया आशिका खजुम लिम्बू मारिएका थिए ।

प्रतिक्रिया दिनुहोस
यिनै हुन् नेपालको सांसद–मन्त्री भएर भारतको दलाली गर्नेहरु

  डा. बाबुराम भट्टराई नेपालको अर्थमन्त्रीदेखि प्रधानमन्त्रीसम्म भइसकेका ब्यक्ति । उनको बिद्धताको उपयोग

राष्ट्रपतिबाट २४१ जनाको कैद सजायँ र दण्ड जरिवाना मिनाहा

  गणतन्त्र दिवसको अवसरमा सरकारले २ सय ३३ जना कैदीको कैद सजाय मिनाहा

संविधान संशोधनको समर्थन गर्ने राप्रपाको निर्णय

  राष्ट्रिय प्रजातन्त्र पार्टी (राप्रपा) ले संसदमा पेस गर्ने तयारी गरिएको संविधान संशोधन

उपेन्द्र–बाबुराम भारतको दलाली गर्दै, नयाँ नक्साको विरोध गरे

  उपेन्द्र यादव र डा.बाबुराम भट्टराई नेतृत्वको समाजवादी पार्टीकी सांसद सरिता गिरीले मुलुकको