आङछिरिङ बिनाको यति एयर

प्रकाशित मिति: १७ बैशाख २०७६, मंगलवार

 

१५ फागुन, ०७५ को दिन यति एयरलाइन्सका लागि ठूलो क्षतिको दिन थियो । ताप्लेजुङको सिस्नेखोलामा एयरलाइन्ससँगै देशले पनि ठूलै शोक मनायो ।

 

समाचारहरू आउन थाले– पाथीभराबाट उडेको एयर डाइनेष्टिको होलिकोप्टर दुर्घटना, चालक प्रभाकर केसीसहित ७ को निधन ! ताप्लेजुङको घटनाले तिलगंगामा रहेको यति एयरलाइन्सको कार्यालयमा सन्नाटा छायो । कारण थियो– सोही हेलिकोप्टरमा सवार थिए एयरलाइन्सका पिल्लर तथा प्रबन्ध निर्देशक– आङछिरिङ शेर्पा पनि ।

 

उनीमात्र थिएनन् पर्यटनमन्त्री रवीन्द्र अधिकारी, नेपाल नागरिक उड्डयन प्राधिकरणका इन्जिनियर भ्रुव भोची भया, उपमहानिर्देशक वीरेन्द्रप्रसाद श्रेष्ठ, प्रधानमन्त्री कार्यालयका सल्लाहकार युवारज दाहाल र एक सैनिक अर्जुन घिमिरे ।

 

यति एयरलाइन्सले आफ्ना अभिभावक गुमाएकोमा शोक मनायो । भावुकतामा डुब्यो । र, उनको अनुपस्थितिको कम्पनी अहिले पनि कुशलताका साथ अघि बढाइरहेको छ ।

 

कम्पनीमा उनले तल्ला तहदेखि उपल्ला तहसम्मका कर्मचारीको नाम सम्झन्थे । कसैलाई केही पर्यो भने त्यसको मर्का सहज हिसाबले सुन्थे । यो कारणचाहिँ, उनी आफैं पनि ‘लेम्यान’बाट उठेका व्यक्ति थिए । हिमाल आरोहण गर्दै पर्यटन व्यावसायमा छिरेका आङछिरिङ परिवारका अन्य सदस्यसँगको सहकार्यमा नेपालको आन्तरिक उडानको ठूलो विमान कम्पनी र पर्यटन व्यावसायको सञ्जाल विस्तारमा सफल भए ।

 

‘स्थापना कालदेखि उहाँले कामको गति कसरी अगाडि बढाउने भन्ने लय बसाइदिनु भयो, कार्यकौशलता र कर्मचारी व्यवस्थापनमा उहाँको तिक्ष्णतालाई कसैले पनि भेट्न सक्तैन जस्तो लाग्छ’, राई जोड्छन्,‘धेरैले अभिभावक गुमाएको महसुस गरेका छौं । तर, उहाँको अभिभावकत्व र व्यवस्थापनका कारण यति एयरलाइन्सको कार्य व्यवस्थापन कमजोरचाहिँ नहुने भयो ।’

 

नेपालमा नीजि क्षेत्रका धेरै विमान कम्पनी आए । व्यवस्थापनका किचलोका कारणले बन्द पनि भए । चुनौतिसँग जुध्दै भए पनि आङछिरिङले कम्पनी धराशायी बन्न दिएनन् । बरु, जोडे । सिस्टर एयरलाइन्स तारासहित १५ जहाजले दिनको ६५ उडान नियमति भरिरहेका छन् । यति धेरै उडान अन्य कम्पनीले अहिले पनि गर्दैनन् ।

उनकै पालामा खरिद सम्झौता भएको ७२ सिटे एटीआर– ७२ एउटा विमान आइपुगेको छ, अर्को महिना थप आउने चरणमा छ ।

यति एयरका वरिष्ठ प्रबन्धक तथा प्रवक्ता भीमराज राई ।

 

राई भन्छन्,‘यो काम पनि उहाँले नै गर्नु भएको थियो । भर्खरै उहाँको ३९ दिनको काम सकियो भावनात्मक क्षति, मानवीय क्षती र दुर्घटनाको मर्का कायम छ । तर, व्यवस्थापकीय पक्षमा उहाँको कौशलतामा भने कम्पनीमा कुनै क्षति छैन, उहाँकै लयमा अघि बढ्नेछ ।’

 

एकल नेतृत्व र कार्यकौशलता नै महत्वपूर्ण रहेको बताउँछन्, राई । बरिष्ठ प्रबन्धक तथा कम्पनीका प्रवक्तासमेत रहेका राई जोड्छन्,‘२१ बर्षदेखि म पनि यो कम्पनीमा सहजताका साथ, आङछिरिङ सरको कार्यकौशलतासँग जोडिएको छु ।’

 

उनी बिनाको यति एयरलाइन्समा कामको गति रोकिएको छैन, बस उनको शून्यताचाहिँ देखिएको छ । राई जोड्छन्,‘यहि शून्यता कर्मचारीले महशुस गरेका छन्, बाँकी काम उहाँको परिवारले राम्रोसँग सम्हालिरहनुभएको छ ।’

 

हवाई व्यावसायमा प्रवेश

ट्रेकिङमा सक्रिय शेर्पा परिवार ३० वर्षअघि व्यवसायमा प्रवेश गरेका थिए । पहिलो महिला सगरमाथा आरोही पासाङ ल्हामु शेर्पाका साइँला देवर थिए, आङछिरिङ ।

 

ट्रान्स हिमालयन ट्रेकिङमा साधारण जागिर खाएका आङछिरिङले पछि पर्यटन व्यावसायमा हात हालेपछि कहिले पछाडी फर्कन परेन । स्थापना कालदेखि नै यति एयरमा काम गरेका राई भन्छन्,‘नेपालका दूर दराजमा भाडामा हेलिकोप्टर र विमानमा पर्यटक लैजाने काम हुन्थ्यो तर सँधैभरी त्यो सम्भव नभएपछि उहाँले विमान कम्पनी चलाउने निधो गर्नुभयो र यति एयरको स्थापना भयो ।’

 

१९९८ मा कम्पनी खुलेको थियो । ‘एयरलाइन्सले मात्र एक हजार कर्मचारीलाई रोजगारी दिएको छ । यो प्रत्यक्ष रोजगारीको सवाल भयो, परोक्ष धेरै छन्’, उनी भन्छन्,‘सय जना त पाइलट मात्र हुनुहुन्छ ।’

 

पहाडी क्षेत्रमा उडान गराउने निजी क्षेत्रको अग्रणी भूमिका उनैले निर्वाह गरेका थिए । सार्वजनिक क्षेत्रमा खासै खुल्न नचाहने शेर्पालाई नेपालमा प्रभावशाली व्यक्तिका रुपमा पर्यटन व्यवसायी चिन्दछन् ।

 

हवाई दुर्घटनामा शेर्पा परिवारले आङछिरिङ मात्रै नभई अन्य परिवार पनि गुमाउनुपरेको छ । आङछिरिङका कान्छा भाइ टेण्डी शेर्पाको २०५५ सालमा हेलिकोप्टर दुर्घटनामा निधन भएको थियो । आङ टेण्डी परेको हेलिकोप्टर फिसटेल एयरका सञ्चालक विकास राणाका भाइ पाइलट सुरज राणाले उडाएका थिए ।


तपाईंको प्रतिकृयाहरू



 


ताजा अपडेट
माझी बस्तीको लागि अस्ट्रेलियाबाट आर्थिक सहयोग

सगरमाथाकाे उचाइ नाप्ने सरकारी टोली शिखरमा, सगरमाथाको उचाइ ८,८५० मिटर

भिडण्तमा प्रहरीको गोली लागेर विप्लवका कार्यकर्ताको मृत्यु

श्रीमती मनकुमारीले डिभोर्स गर्ने भएपछि ९ जनाको हत्या

पहिलो पटक सेक्स गर्दै हुनुहुन्छ ? यो कुरामा ध्यान दिनुहोस्

‘तिम्रो मायाले बाधेर राख’ भन्दै यति मिठो आवाजमा गित गाईन डान्सर तेरिया मगरले ! सगर आलेको यस्तो साथ रहयो (भिडियोसहित)

नेटवर्किङ व्यावसायका मास्टरमाइन्ड विष्णु क्षत्री कहाँ छन् ?

ऋषि धमलाको सासू झनै कडा, “छोरी, ज्वाई”को सम्बन्ध बारे यस्तो भन्छिन् ! (भिडियो हेर्नुहोस)

न्यू जावलाखेल तेक्वान्दो डोजाङ्गद्वारा आयोजित रास्ट्रिय खुला तेक्वान्दो प्रतियोगिता ०७६ सम्पन्न (फोटो फिचर)

खेतला उम्मेदवार बोक्दा ‘खोलो त-यो, लौरो बिर्स्यो’ जस्तै भयो : सूर्य थापा