राप्ती नगरपालिको खहरे खोलामा ३ करोडको पुल, मन्त्री लामाले गरे शिलान्याश

प्रकाशित मिति: १ बैशाख २०७६, आईतवार

 

 

प्रदेश नम्वर ३ सरकारले चितवनको राप्ती नगरपालिकामा तीन करोडको लागतमा पुल निर्माण शुरु गरेको छ । राप्ती नगरपालिका वडा नम्वर ४ र ५ लाई जोड्ने खहरे खोलामा निर्माण गर्न लागिएको पुलको शनिवार शिलान्यास गरिएको छ ।

प्रदेश नम्वर ३ का भूमि व्यवस्था, कृषि तथा सहकारी मन्त्री दावा दोर्जे लामाको पहलमा राप्ती नगरपालिका ४ को भवानीपुर र ५ को चौकी डाँडा जोड्ने गरि पुल निर्माण शुरु गरिएको हो । पुलको शनिवार एक कार्यक्रमका विच मन्त्री लामाले शिलान्यास गरे ।

 

सो अवसरमा बोल्दै मन्त्री लामाले गुणस्तरलाई ध्यान दिँदै समय मै काम सम्पन्न गर्न ठेकेदार कम्पनीलाई निर्देशन दिए । उनले जनताको समस्या पहिचान गरि योजना ल्याए वजेटको अभाव हुन नदिने प्रतिबद्धता जनाए । २० मिटर लम्वाई र १२ मिटर चौडाईको पुल निर्माणको जिम्मा एमआरएण्ड गु्रप प्रालिले पाएको छ ।

 

२ वर्ष अघि आएको वाढीले खहरे निर्माण गरिएको सामान्य पुल भत्किएको थियो । पुल भत्कदा आवतजावतमा समस्या हुदै आएको शिखर हरियाली सामुदायिक वनका अध्यक्ष एवंम युवा समाजसेवी केदार प्रसाद आचार्यले जानकारी दिए । पुल शिलान्यास कार्यक्रममा स्थानीयवासीहरुले घरघरबाट फुलमाला ल्याएर मन्त्रीको स्वागत गरेका थिए ।

राप्ती ५ की वडाध्यक्ष मेनुका पाठकको अध्यक्षतामा भएको शिलान्यास कार्यक्रममा राप्ती नगरपालिका उपमेयर इमानसिंह लामा, वडा नम्वर ४ का अध्यक्ष शमशेर लामा लगायतले मन्तव्य राखेका थिए ।


तपाईंको प्रतिकृयाहरू



 


ताजा अपडेट
के भने प्रधानमन्त्री ओलीले पत्रकार सम्मेलनमा

सरकारले गुठी विधेयक फिर्ता लियो

जापान/कोरिया काण्ड पछी अर्काे नेपाली यौनकाण्ड ! जसले हंगामा मच्चायाे (भिडियोसहित)

कांग्रेसको अवरोध संसदीय व्यवस्थामाथिकै धावा : योगेश भट्टराई

कर्णालीमा नदीमा जीप खस्यो, सबै यात्रु बेपत्ता, हेलिकोप्टरले खोज्दै

बुढीगण्डकी बनाउँछु भन्दै पेट्रोलबाट उठाएको ३० अर्ब खोई ?

भारतीय मिडियाले तोके अर्चना पनेरुको रेट साढे चार करोड

भोटेकोशी गाउँपालिकाको भौतिक पूर्वाधारको योजनाको घोषणा

नेपालमै नेटवर्किङ वेश्यावृत्ति : स्कुल ड्रेसमै बालिका सहित ८ जना पक्राउपछि खुल्यो यस्तो तथ्य

गाउँलेले पानी पिउनका लागि खनेको कुवामा आगो लागेपछि… 2019-06-18