निर्मला हत्या प्रकरण : ६ जना प्रहरीलाई धरौटीमा छाड्न आदेश

प्रकाशित मिति: ३० फाल्गुन २०७५, बिहीबार

 

जिल्ला अदालत कञ्चनपुरले १३ वर्षीया बालिका निर्मला पन्तको बलात्कारपछि हत्याको घटनामा प्रमाण नष्ट गरेको तथा निर्दोषलाई यातना दिएको अभियोग लागेका ६ जना प्रहरीलाई धरौटीमा छाड्न आदेश दिएको छ ।

न्यायाधीश राजेन्द्र कुमार आचार्यको एकल इजलासले दुई प्रहरीलाई दुई मुद्दामा र अन्यलाई एक मुद्दामा धरौटी माग्ने आदेश गरेको छ । डिएसपी ज्ञान बहादुर सेठी, इन्सपेक्टर एकेन्द्र खड्कालाई जनही ९ लाख धरौटी माग्ने आदेश दिएको अदालत स्रोतले जनाएको छ ।

उनीहरूसँग यातनामा ५÷५ लाख र सार्वजनिक न्यायमा ४÷४ लाख धरौटी माग्ने आदेश अदालतले गरेको हो । इन्सपेक्टर जगदीश भट्टसँग ४ लाख, सई हरिसिंह धामी ३ लाख ५० हजार, रामसिंह धामी ३ लाख र प्रहरी जवान चाँदनी साउदसँग २ लाख ५० हजार धरौटी माग गर्ने आदेश गरेको छ । उनीहरुले धरौती बुझाएमा रिहा हुनेछन् भने नबुझाएमा थुनामा रहनेछन् ।

मुलुकी ऐनको नयाँ व्यवस्था अनुसार ६ जना प्रहरीहरुलाई फागुन २३ गते जिल्ला अदालत उपस्थित गराइएको थियो । एसपी डिल्लीराज विष्ट र डिएसपी अगुंर जिसी भने अदालतमा उपस्थित भएका छैनन् । उनीहरुलाई २१ दिनभित्र अदालत उपस्थित हुन म्याद थप गरिएको छ भने प्रहरीले फरारको सूचीमा पनि राखेको छ ।

निर्मला हत्या प्रकरणमा अनुसन्धानको क्रममा अभियुक्तलाई यातना दिएको र प्रमाण नष्ट गरेको भन्दै २ वटा छुट्टाछुट्टै मुद्दा गत पुस ३ गते दर्ता भएको थियो । निर्मलाकी आमा दुर्गादेवी पन्त र दिलिपसिंह विष्टका दाजु खड्ग विष्टको जाहेरीका आधारमा २ वटा छुट्टाछुट्टै मुद्दा दर्ता भएको थियो ।

गत साउन १० गते साथीको घरमा जान्छु भनेर हिँडेकी निर्मला भोलिपल्ट ११ गते नजिकैको उखुबारीमा बलात्कार गरि हत्या गरिएको अवस्थमा भेटिएकी थिइन् । घटना भएको ८ महिना हुँदा पनि हत्यारा र बलात्कारी पक्राउ पर्न सकेको छैन ।


तपाईंको प्रतिकृयाहरू



 


ताजा अपडेट
भारतबाट नेपाल आउने मालवाहक सवारी चेकजाँच नगर्न गृहको निर्देशन

नेपाली स्याटेलाइटले पृथ्वीको चक्कर लाउन थाल्यो, दिनमा चार पटक नेपालको आकाशमा घुम्ने

झाँक्रीसँग यौन सम्बन्ध राख्न नमान्दा श्रीमतीलाई नदीमा डुबाए

श्रीमान श्रीमतीबीचको झगडा स्वस्थ सम्बन्धको संकेत’

याैनअंगका बारेमा सबैले जान्नैपर्ने : डा. सुमनराज ताम्राकारको टिप्स

सांसद पद माग्दै बालुवाटार पुगे एकनाथ ढकाल

प्रधानमन्त्रीले बोलाए उपत्यकाका सांसदको बैठक

अश्लिल कमेडी गर्ने सिम्रन भन्छिन्– परिवार मेरै सपोर्टमा

शिक्षकले छात्रालाई यौन उत्तेजना बढाउने औषधि दिएपछि

यी युवत्ती जसले दाईसँगै स्कुटरमा बसेर यस्तो गरिन, थाहाँ पाउँने सबैको होस उड्यो