पोखरामा बन्दविरुद्ध विवेकशील साझाको प्रदर्शन

प्रकाशित मिति: ३० फाल्गुन २०७५, बिहीबार

 

नेत्रविक्रम चन्द ‘विप्लव’ नेतृत्वको नेकपाले घोषणा गरेको बन्दको विरोधमा पोखरामा प्रदर्शन गरिएको छ । विवेकशील साझा पार्टीले पोखराको पृथ्वीचोकमा नेपालको झण्डा बोकेर ‘बन्दले देश बन्दैन’ लगायतका नारासहित प्रदर्शन गरेका हुन् । उनीहरुले विप्लपव नेतृत्वको नेकपा समूहलाई शान्तिपूर्ण संघर्ष गर्न र सरकारलाई समेत वार्ता र संवादमार्फत निश्कर्ष निकाल्न आग्रह गरेका छन् ।

 

बन्दका कारण पोखरामा सार्वजनिक गाडी चलेका छैनन् । कार्यकर्ता पक्राउको विषयलाई लिएर आह्वान गरेको बन्दका कारण पोखरेली जनजीवन प्रभावित बनेको छ । बन्दका कारण सबै शिक्षण संस्था पूर्ण रुपमा बन्द छन् भने बजार क्षेत्रका पसल खुलेका छैनन् ।

 

दुई ठाउँमा विस्फोटक पदार्थ

बिहीबार बिहानै पोखराका २ ठाउँमा विस्फोटक पदार्थ भेटिएपछि पोखरेली त्रसित बनेका छन् । पोखरा सभागृह ट्राफिक प्रहरी बिटमा बिहीबार बिहानै सुतली बम र भण्डारढिकमा सकेट बम भेटिएको थियो । यद्यपि ती दुवै बमलाई नेपाली सेनाको बम डिस्पोजल टोलीले निष्क्रिय पारिसकेको छ ।

 

जिल्ला प्रहरी कार्यालय कास्कीका प्रवक्ता रवीन्द्रमान गुरुङले अन्य ठाउँमा कुनै शंकास्पद वस्तु नभेटिएकाले संयमित हुन आग्रह गरेका छन् । ‘सवारीसाधन तथा बजार क्षेत्रमा बन्दको प्रभाव देखिए पनि अहिलेसम्म कुनै अरु शंकास्पद गतिविधि भएका छैनन्,’ उनले भने, ‘त्यसका लागि हामी पूर्ण तयारीका साथ बसेका छौं ।’ पोखराबाट काठमाडौं लगायतका बाहिरी जिल्ला जाने पर्यटक बसलाई प्रहरीले स्कर्टिङ गरेर गन्तव्यतिर पठाएको छ ।


तपाईंको प्रतिकृयाहरू



 


ताजा अपडेट
के भने प्रधानमन्त्री ओलीले पत्रकार सम्मेलनमा

सरकारले गुठी विधेयक फिर्ता लियो

जापान/कोरिया काण्ड पछी अर्काे नेपाली यौनकाण्ड ! जसले हंगामा मच्चायाे (भिडियोसहित)

कांग्रेसको अवरोध संसदीय व्यवस्थामाथिकै धावा : योगेश भट्टराई

कर्णालीमा नदीमा जीप खस्यो, सबै यात्रु बेपत्ता, हेलिकोप्टरले खोज्दै

बुढीगण्डकी बनाउँछु भन्दै पेट्रोलबाट उठाएको ३० अर्ब खोई ?

भारतीय मिडियाले तोके अर्चना पनेरुको रेट साढे चार करोड

भोटेकोशी गाउँपालिकाको भौतिक पूर्वाधारको योजनाको घोषणा

नेपालमै नेटवर्किङ वेश्यावृत्ति : स्कुल ड्रेसमै बालिका सहित ८ जना पक्राउपछि खुल्यो यस्तो तथ्य

गाउँलेले पानी पिउनका लागि खनेको कुवामा आगो लागेपछि… 2019-06-18