साना सेयर लगानीकर्ताले प्यान नम्बर लिनु नपर्ने

प्रकाशित मिति: ३० फाल्गुन २०७५, बिहीबार

 

सरकारले ५ लाख भन्दा कमको कारोबार गर्ने सेयर लगानीकर्ताले स्थायी लेखा नम्बर (प्यान) लिनु नपर्ने जनाएको छ । आगाम बैशाख १ गतेबाट सेयर लगानीकर्ताहरुका लागि प्यान नम्बर अनिवार्य गर्ने भनिएकोमा एक पटकमा ५ लाख भन्दा कमको कारोबार गर्ने साना लगानीकर्तालाई त्यो लागू नहुने भएको हो ।

 

नेपाल धितोपत्र बोर्डका अनुसार आगामी बैशाख १ गतेबाट दोस्रो बजारमा एक पटकमा ५ लाख वा सोभन्दा बढी कारोवार गर्ने लगानीकर्ताहरुले भने अनिवार्य रुपमा स्थायी लेखा नम्बर (प्यान) लिनुपर्ने हुन्छ ।

 

साना-ठूला सेयर लगानीकर्तालाई करको दायरामा ल्याउन चालु आर्थिक वर्षको नीति तथा कार्यक्रम र बजेट कार्यन्वयन कार्ययोजनामा दोश्रो बजार मार्फत शेयर खरिद गर्दा लगानीकर्ताले स्थायी लेखा नम्बर लिएको प्रमाण पेश गर्नुपर्ने नीतिगत व्यवस्था गर्ने विषय समेटिएको थियो ।

 

तर, लगानीकर्ता तथा सम्वद्धपक्षहरुसँगको छलफल तथा अर्थ मन्त्रालयबाट प्राप्त उच्चस्तरीय वित्तीय क्षेत्र समन्वय समितिको बैठकले गरेको निर्णय अनुसार बोर्डले साना लगानीकर्तालाई प्रोत्साहन गर्न ५ लाख भन्दा कमको सेयर कारोबार गर्ने लगानीकर्तालाई प्यान नम्बर अनिवार्य नगर्ने निर्णय भएको जनाएको छ ।

 

‘…साना लगानीकर्ताहरुलाई प्रोत्साहित गर्न हाललाई ऐच्छिक रुपमा गर्न सक्ने व्यवस्था गर्ने नेपाल धितोपत्र बोर्डले निर्णय गरेको छ । लगानीकर्ताहरु तथा अन्य सरोकारवालाहरुको सुझाव अनुसार गरिएको यस व्यवस्थाले दोस्रो बजार कारोवारमा स्थायी लेखा नम्बर कार्यान्वयन सहज रुपमा अगाडि बढ्ने अपेक्षा बोर्डले गरेको छ’, बिहीबार बोर्डले जारी गरेको विज्ञप्तिमा उल्लेख छ ।

हाल संस्थागत लगानीकर्ताहरुले प्यान नम्बर लिएको भए पनि व्यक्तिगत लगानीकर्ताहरुले भने लिएका छैनन् । चालु आर्थिक वर्षको बजेट वक्तव्यमा नै अर्थमन्त्री डा. युवराज खतिवडाले सेयर लगानीकर्ताहरुका लागि प्यान नम्बर अनिवार्य गरिने उल्लेख गरेका थिए । गत कात्तिकमा अर्थमन्त्रालयले धितोपत्र बोर्डलाई प्यान नम्बर अनिवार्य गर्न पत्राचार गरेको थियो ।

 

धितोपत्र बोर्डले जारी गरेको प्रेस विज्ञप्ती

बोर्डले नेपाल स्टक एक्सचेन्ज (नेप्से)लाई आवश्यक गृहकार्य गर्न पत्राचार गरेपछि केही लगानीकर्ताका संघ संगठनहरु भने यसको विरोधमा थिए । लगानीकर्ताहरुका केही संघहरुले प्यान अनिवार्य नगर्न धितोपत्र बोर्डको ध्यानाकर्षण गराउँदै आएका थिए ।


तपाईंको प्रतिकृयाहरू



 


ताजा अपडेट
म संगै जापन जाने केटा छ भने मेरो बारेमा अपडेट हेर्नू होला।

के भने प्रधानमन्त्री ओलीले पत्रकार सम्मेलनमा

सरकारले गुठी विधेयक फिर्ता लियो

जापान/कोरिया काण्ड पछी अर्काे नेपाली यौनकाण्ड ! जसले हंगामा मच्चायाे (भिडियोसहित)

कांग्रेसको अवरोध संसदीय व्यवस्थामाथिकै धावा : योगेश भट्टराई

कर्णालीमा नदीमा जीप खस्यो, सबै यात्रु बेपत्ता, हेलिकोप्टरले खोज्दै

बुढीगण्डकी बनाउँछु भन्दै पेट्रोलबाट उठाएको ३० अर्ब खोई ?

भारतीय मिडियाले तोके अर्चना पनेरुको रेट साढे चार करोड

भोटेकोशी गाउँपालिकाको भौतिक पूर्वाधारको योजनाको घोषणा

नेपालमै नेटवर्किङ वेश्यावृत्ति : स्कुल ड्रेसमै बालिका सहित ८ जना पक्राउपछि खुल्यो यस्तो तथ्य