चितवनका खेतमा धमाधम प्लटिङ

प्रकाशित मिति: १९ फाल्गुन २०७५, आईतवार

 

भरतपुर महानगरपालिकाले जग्गाको कित्ताकाट फुकुवा गर्ने सरकारको निर्णय लागू गर्न नसक्ने बताए पनि विभिन्न स्थानमा धमाधम प्लटिङ गरेको पाइएको छ ।

भरतपुर महानगरपालिका वडा नं. १५ को शितलचोक नजिक धान फल्ने घोल खेतमा धमाधम प्लटिङ गरेको पाइएको हो । महानगरपालिकासँग कुनै पनि स्वीकृती नलिई भरत गुरूङसहितको समूहले धान खेतमा प्लटिङ गरीरहेको छ ।

 

भरतपुर महानगरपालिका वडा नं. १५ का वडाध्यक्ष शम्भुबहादुर भण्डारीले प्लटिङ गर्ने समूहले वडा कार्यालयबाट कुनै स्वीकृती नलिएको बताए । ‘मैले पनि प्लटिङ भइरहेको देखेको छु, तर वडालाई जानकारी नै छैन,’ वडाध्यक्ष भण्डारीले अनलाइनखबरसँग भने, ‘सम्वन्धित निकायमा जानकारी गराउँछु ।’

प्लटिङ गर्ने मध्येका एक भरत गुरूङले खेतमा बाटो मात्रै खोलेर राखेको, तर कित्ताकाट भने नगरेको दावी गरे । ‘बाटो खोल्न पाइन्छ भनेर अहिले बाटो बनाएका हौं,’ गुरूङले भने ‘कतैबाट पनि स्वीकृती लिएका छैनौं ।’

असार, साउन र भदौ महिनामा पानी जम्ने घोलमा प्लटिङ गरेर उनीहरुले ९ देखि १७ धुरसम्मका टुक्रा तयार गरेका छन् । १० धुरको मूल्य ३२ लाख मरुल्य तोकेका छन् । मंगलपुर रामपुर सडकको झण्डै चार फिट तल लो-ल्याण्डमा यो खोल खेत छ ।

भरतपुर महानगरपालिकाकी मेयर रेनु दाहालले प्लटिङ गरिएको बारेमा जानकारी लिने बताइन् । ‘महानगरले अहिले जग्गाको प्रकृति र अवस्थाका बारेमा सर्भे गरिरहेको छ,’ मेयर दाहालले भनिन्, ‘खेतीयोग्य कृषि जग्गामा प्लटिङ गर्न दिने नीति महानगरको छैन ।’

जग्गाको वर्गीकरणका आधारमा जग्गाको अंशबण्डा, किनबेच, प्लटिङको मापदण्ड स्थानीय तहले नै बनाउने उल्लेख गरिएको नीति अनुसार थप गृहकार्य गर्नुपर्ने भन्दै भरतपुर महानगरले जग्गा कित्ताकाट रोकेको हो । सरकारले गत पुस २७ गते कित्ताकाट फुकुवा गरेको थियो ।

भरतपुरमा मात्र अव्यवस्थित तरिकाले प्लटिङ भएका कारण झण्डै २० प्रतिशत कृषियोग्य जमिन नासिएको कृषि कार्यालयको तथ्यांक छ । यो क्रम बढ्दै गएपछि महानगरले प्लटिङमा रोक लगाएको हो ।

अव्यवस्थित प्लटिङकै कारण चितवनमा भरतपुर विमानस्थल विस्तारमा समेत समस्या आएको छ । अन्य विकासका पूर्वाधारका लागि जग्गा पाउन समेत समस्या भइरहेको छ ।


तपाईंको प्रतिकृयाहरू



 


ताजा अपडेट
मलाईकाका यस्ता तस्विर बाहिरिएपछि दुनियाँ चकित [२० तस्विर]

बुधबारको यस्तो दुर्लभ योगले यी राशि मालामाल : राशिफल/२०७५ साल चैत १३ गते बुधबार

१३ वर्षीया विद्यार्थीसँग यस्तो कर्तुत गरेपछि शिक्षिक पक्राउ !

विप्लव समूह र प्रहरीबीच गाेली हानाहान

फेरी हावाले पक्की पुल लडायो : नेपालमा हावा शक्तिशाली कि कमसल निर्माण ?

अख्तियारद्धारा आफ्नै पूर्व आयुक्तविरुद्ध भ्रष्टाचार मुद्दा दर्ता

ओली सरकारले जेलमा कोचेका यी हुन् विप्लबका ४५ नेता (नामावली सहित)

बिर अस्पतालमा बेवारिसे भेटिएका बेलायती फिलिपलाई शिशिर भण्डारीले निको पारी बेलायत फर्काउने भए (भिडियो हेर्नुस)

पाकिस्तानसँग सम्बन्ध विस्तार गर्दा नेपाललाई हुन्छ यस्तो फाइदा !

प्रधानाध्यापक बन्न एमफिल गर्नुपर्ने !