२५ वर्षदेखि बाँझो जग्गामा ५ युवाले गरे सामूहिक खेती, वार्षिक २५ लाख आम्दानी

प्रकाशित मिति: २८ माघ २०७५, सोमबार

 

डडेल्धुराको गन्यापधुरा र अमरगढी नगरपालिकाका ५ युवाले सामूहिक खेती गर्दै आएका छन् । २५ वर्षदेखि बाँझो रहेको १०२ रोपनी जग्गा भाडामा लिई उनीहरुले एकै वर्षमा २५ लाख रुपैयाँ आम्दानी गरेका छन् ।

स्थानीयवासी दत्तराज अवस्थी, रामचन्द्र जोशी, पदम अवस्थी, पदम ऐर र सीताराम जोशीले ‘भागेश्वर एग्रिकल्चर एण्ड लाइभस्टक’ स्थापना गरी सामूहिक रुपमा तरकारी खेती गर्न थालेका हुन् । उनीहरूले १२ जनालाई रोजगारीसमेत दिएका छन् ।

यस क्षेत्रका अन्य युवा मिलेर बाँझो जग्गामा विभिन्न तरकारीका बीउ उत्पादन गर्दै आएका छन् । तराईमा बसाइँ सरेपछि गाउँको बाँझो जग्गाको उपयोग गरी मुनाफा हुन थालेपछि अन्य युवासमेत तरकारी खेतीतर्फ आकर्षित भएको रामचन्द्रले बताए । अर्का सञ्चालक सदस्य सीताराम पहिलो पटक १०० क्विन्टल आलुको बीउ उत्पादन भएको बताउँछन् । उनले भने, ‘रु दश लाख लगानी गरी यस वर्ष २५ लाख रुपैयाँ कमाइ भएको छ ।’ बजारमा शुद्ध आलुको बीउको अभाव हुँदा बीउ उत्पादनमा जोड दिएको उनको भनाइ छ ।

सीतारामका अनुसार फार्मको मुख्य उद्देश्य बाँझो जमीनलाई खेतीयोग्य भूमिमा रूपान्तरण गरी गाउँको बेरोजगारी घटाउन प्रयास गर्नु हो । पहिलो चरणमा कम्पनीले बेरोजगार महिला र पुरुषलाई वर्षमा झण्डै १२० दिन रोजगारी दिएको छ । आफू पनि रोजगार हुने र बेरोजगार युवालाई पनि काम दिन सकिने भएपछि युवाहरू यसरी सामूहिक खेतीतर्फ आकर्षित हुन थालेका छन् । सञ्चालक सदस्य दत्तराजले भने, ‘कम्पनी गठन गरी व्यावसायिक खेती शुरु गर्दा धेरैले विश्वास गरेका थिएनन् । एकै वर्षमा लाखौँ रुपैयाँ मुनाफा भएपछि सबै आश्चर्यचकित भएका छन् ।’

सिँचाइ अभाव र खेतीबारे ज्ञान नहुँदासमेत युवाको प्रयास उदाहरणीय रहेको कृषि ज्ञान केन्द्रका वरिष्ठ कृषि प्राविधिक टेकबहादुर विष्ट बताउँछन् । यहाँ उत्पादन भएको आलुको बीउ यस वर्ष सुदूरपश्चिम प्रदेशका नौ वटै जिल्लामा बिक्री भएको छ ।


तपाईंको प्रतिकृयाहरू



 


ताजा अपडेट
कसरी पार्टनरलाई सेक्सका निम्ति तयार गर्ने, सेक्स कतिबेला र कतिपटक गर्ने ?

प्रधानन्यायाधीशमाथि नै लाग्यो यौन उत्पीडनको आरोप

१० वर्षीय छोरासँगै पुलबाट हाम फालेर गरिन् महिलाले आत्महत्या, (भिडियो)

मैले अरुसँग यौन सम्पर्क गरेको मेरो श्रीमानलाई थाहा हुन्छ कि हुदैंन ?

राष्ट्रपति भण्डारीको वैशाख ११ गतेदेखि चीन भ्रमण, यस्ता छन् योजना

ओली–नेपालबीच बालुवाटारमा वार्ता, पार्टी एकता टुङ्ग्याउने तयारी

फेरि अर्को बज्रपात पाइलटहरुले लाखौं कोसिस गरे तर सफल भएनन: उडेको केही मिनेटमै विमान दुर्घटना १ सय ८९ जनाको मृत्यु

फेसबुक प्रेमले यसरि लियो गुल्मीकि निशाकाे ज्यान। पुरा पढ्नुहाेस

नेपालका विश्वविद्यालयमा विद्यार्थी अभाव : भारतमा पढ्ने नेपालीबाट गुम्यो रु साढे ६ अर्ब

साप्ताहिक राशिफल : बैशाख ७ देखि १४ सम्म कुन राशिको चम्किदैछ भाग्य, कसको खराब समय