प्रचण्ड र अमेरिकी राजदूतबीच भेटवार्ता, प्रचण्डलाई अमेरिका भ्रमणको निम्तो !

प्रकाशित मिति: २७ माघ २०७५, आईतवार

 

नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्ड र नेपालका लागि अमेरिकी राजदूत रेन्डी बेरीबीच भेटवार्ता भएको छ । भेनेजुएलामा भएको अमेरिकी हस्तक्षेपविरुद्ध प्रचण्डले ‘कडा’ विज्ञप्ति जारी गरेपछि नेकपा मात्र होइन सरकारको समेत अमेरिकासँगको सम्बन्धमा असर पुगेको चर्चा भइरहेका बेला प्रचण्ड र राजदूत बेरीबीच भेटवार्ता भएको हो । उनीहरुबीच शनिबार ‘वान टु वान’ भेटवार्ता भएको नेकपाका स्थायी समिति सदस्य देवेन्द्र पौडेलले पुुष्टि गरे ।

 

भेटमा प्रचण्डले आफूले कुन आशयमा विज्ञप्ती जारी गरेको भन्ने विषयमा जानकारी गराएका थिए । ‘नेपालस्थित् अमेरिकी राजदूत र हाम्रो पार्टीका अध्यक्ष प्रचण्डबीच हिजो एक्लाएक्लै भेटवार्ता भैसकेको छ’, उनले भने, ‘राजदूतसँगको भेटमा हाम्रो अध्यक्षज्यूले वक्तव्य यो ‘स्पिरिट’मा आएको हो भनेर भनिसक्नुभएको छ । अब यो समस्या हल भयो ।’

 

नेता पौडेलले अमेरिकी राजदूतले प्रचण्डलाई अमेरिका भ्रमणको निम्तो समेत दिइसकेको खुलासा गरे । पछिल्लो समय भेनुजएला काण्डले नेपाल–अमेरिका सम्बन्ध चिसिएको र प्रचण्डलाई अमेरिकाले भिसा नदिएको चर्चा चलेको थियो ।

 

भेनेजुएलामा जारी राजनीतिक संकटमा विषयमा अध्यक्ष प्रचण्डले अर्का अध्यक्ष एवं प्रधानमन्त्री केपी शर्मा ओली स्वीटजरल्याण्डको डाओसमा भएको बेला विज्ञप्ति जारी गरेका थिए । उनको विज्ञप्तिका विषयमा अमेरिकाले चासो राख्दै सरकारको धारणा मागेको थियो । त्यसपछि परराष्ट्र मन्त्रालयले प्रचण्डकै आशयमा नरम भाषा प्रयोग गर्दै विज्ञप्ति जारी गरेको थियो । नेकपाको सचिवालयले पनि भेनेजुएलामा बाह्य हस्तक्षेप गर्न नहुने भन्दै विज्ञप्ति जारी गरेको थियो ।

 

तर, केहीदिनअघि बालुवाटारमा प्रधानमन्त्री ओलीसहितको सहभागितमा भएको कुटनीतिक नियोगका प्रमुखहरुसँगको ब्रिफिङमा राजदूत बेरी अनुपस्थित थिए । त्यसपछि परराष्ट्रमन्त्री प्रदीप ज्ञवाली र उनी एउटा सार्वजनिक कार्यक्रममा सँगै देखिएका थिए ।

 

प्रचण्डसँगको भेटपछि सबै समस्या समाधान भएको नेताहरुले बताएका छन् । विज्ञप्तिकै कारण दुई अध्यक्षबीचको सम्बन्धमा पनि दरार आएको चर्चा चलेको थियो । यद्यपी, यस विषयमा शनिबार नै ओली र प्रचण्डबीच तीन घण्टा लामो कुराकानी भएर विषयलाई मत्थर बनाउने कोसिस गरिएको छ । पार्टीभित्र अन्तरसंघर्षमा नफस्नेबारे पनि उनीहरुबीच कुरा भएको नेकपाका स्थायी समिति सदस्य पौडेलले बताए ।

 

प्रचण्डलाई नेकपा महासचिवले दिए यस्तो सुझाव, सरकारका बारेमा चिन्ता गर्नु पर्दैन

 

नेपाल कम्युनिष्ट पार्टी (नेकपा) का महासचिव विष्णु पौडेलले सरकारका बारेमा चिन्ता गर्न आवश्यक नरहेको बताएका छन् ।   पार्टी अध्यक्ष पुष्पकमल दाहाल प्रचण्डले केही दिनअगाडि सरकारका कामकावाहीबारे प्रश्न उठाएको प्रति संकेत गर्दै पौडेलले  सरकार आफ्नो गतिमा अगाडि बढेकाले कुनै चिन्ता गर्न जरुरी नभएको बताए ।  यद्यपि सरकारका काम कारवाहीलाई लिएर रचनात्मक ढंगले सुझाव दिनुलाई अन्यथाका रुपमा भने लिन नमिल्ने उनको भनाई थियो ।

 

लुम्बिनी सूचना तथा सञ्चार सहकारी संस्था लिमिटेडद्वारा सञ्चालित रेडियो लुम्बिनीको २० औं साधारणसभा एवम् दशौं अधिवेशनलाई आज मणिग्राममा उद्घाटन गर्दै पौडेलले भेनेजुयला प्रकरणले नेकपाभित्र कुनै विवाद नरहेको पनि दावी गरे ।  पार्टी अध्यक्ष प्रचण्डले जारी गरेको वक्तव्य दुवै अध्यक्षको सहमतिमा ड्राफ्ट भएको र यसलाई सचिवालय बैठकले अनुमोदन गरिसकेकाले अनावश्यक रुपमा उचालिरहनु जरुरी नभएको उनको भनाई थियो ।

 

उनले भने, ‘भेनेजुयला प्रकरणले नेकपाभित्र विवाद रहेको कुरा सतहमा आएपनि यथार्थमा पाटीभित्र यो प्रकरणलाई लिएर कुनै विवाद छैन, सचिवालय बैठकले नै यस विषयमा पार्टीको धारणा स्पष्ट पारिसकेको छ ।’ शान्तिका नाममा धन्दा गर्न चाहनेहरुले पार्टीभित्र विवाद छ भनेर प्रचार गर्न खाजेको जिकिर गर्दै पौडेलले त्यो प्रयास कुनै पनि हालतमा पूरा हुन नसक्ने बताए ।

 

‘शान्तिका नाममा धन्दा गर्नेहरुको उद्देश्य अव पूरा हुन सम्भव छैन, सरकार आफ्नो गतिमा अगाडि बढ्छ’–पौडेलले भने ।  महासचिव पौडेलले मुलुकको विकासलाई तीव्रता दिन अव ठूला आयोजनाहरुको काममा ढिलाई गर्न नदिइने पनि बताए ।

 

कार्यक्रममा बोल्दै प्रदेश पाँच सरकारका उद्योग, पर्यटन, वन तथा वातावरणमन्त्री लिला गिरीले सरकारका कामकारवाहीलाई रचनात्मक ढंगले आलोचना गर्नुपर्नेमा जोड दिँदै तथ्यमा आधारित रहेर खबरदारी गर्न आग्रह गरे ।

 

प्रदेशसभा सदस्य दधिराम न्यौपानेले जनआन्दोलन, शान्ति र समृद्धिको एजेण्डामा सञ्चारमाध्यमले खेलेको भूमिका महत्वपूर्ण रहेको चर्चा गर्दै मुलुकको शान्ति र सम्मृद्धिमा थप भूमिका खेल्न आग्रह गरे ।

 

 

संस्थाका अध्यक्ष मोहन चापागाईंको अध्यक्षतामा भएको कार्यक्रममा तिलोत्तमा नगरपालिकाका प्रमुख वासुदेव घिमिरे, संस्थाका पूर्व अध्यक्ष अर्जुन ज्ञवाली, उपाध्यक्ष दुजेन्द्र बस्नेत, तिलोत्तमा उद्योग बाणिज्य संघका अध्यक्ष गुणनिनि भण्डारीलगायतले धारणा राखेका थिए ।  यसैबीच रेडियो लुम्बिनीको  साधारणसभा एवम् दशौं अधिवेशनवाट दुजेन्द्र बस्नेत अध्यक्षमा सर्वसम्मत चयन  भएका छन्  ।

अधिवेशनबाट उपाध्यक्षमा दुर्गाप्रसाद पाण्डे, कोषाध्यक्षमा अर्जुनराज उपाध्याय, सञ्चालक सदस्यहरुमा इन्द्रबहादुर सुनार, रामबहादुर बस्नेत, शारदा अर्जेल, रामचन्द्र पाण्डे, विष्णु प्रसाद पाण्डे, लोकनाथ पाण्डे, रामप्रसाद ढकाल, दिनेश रायमाझी, केशवराज गौतम उपाध्याय, टंकप्रसाद पाण्डे, देवी वाग्ले र मधुकला कुँवर चयन  भएका छन् ।  त्यस्तै लेखा समिति संयोजकमा विष्णुप्रसाद पाण्डे र सदस्यद्वयमा इश्वरी शर्मा र त्रिलोचन ज्ञवाली चयन भएको जनाइएको छ ।


तपाईंको प्रतिकृयाहरू

 

 


ताजा अपडेट
विश्व विजेता अमेरिकन खेलाडीले सन्यास लिएर हिन्दु धर्मको प्रचारक बनेपछि

बुबा–आमाकाे दुर्व्यबहारले कति पटक मर्ने प्रयास गरेँ,म हुर्केकाे समाजनै गलत छः सावित्री सुवेदी

कोरियन भाषा परिक्षा आवेदन खुल्यो, १७ गते देखि १९ सम्म परिक्षा आवेदन फारम भर्न सकिने

अस्ट्रेलियामा १००० नर्सिङ पढने नेपाली विद्यार्थीको बिचल्ली , हेर्नुहोस भिडियो सहित, क कसले ठगे

अस्ट्रेलिया जान नक्कली बिहे

कहिलेसम्म आइरहन्छ यसरी भुकम्प ? तर्साको तर्साइ

प्रियंका चोपडा गर्भवती ?

यौन दुर्व्यवहारको आरोपमा विद्यार्थीले त्रिवि सहायक डीनलाई दले मोसो

रबिलाइ नै धरधरी रुवाउने गरि कसले लेख्यो यस्तो भावनात्मक खुल्ला पत्र पढ्नु होस् !

शाहरुखकी छोरी सुहाना यी युवासँग डेट गर्न चाहन्छिन्