जिल्लाका दुई सामुदायिक विद्यालय नमूना घोषित



एक निर्वाचन क्षेत्र एक नमूना विद्यालयको सरकारी अवधारणाअनुसार रोल्पा जिल्लाका दुई सामुदायिक विद्यालय नमूना घोषित भएका छन् ।

जिल्लाको निर्वाचन क्षेत्र नम्बर १ वाट बालकल्याण माध्यमिक विद्यालय, लिवाङ र निर्वाचन क्षेत्र नं २ बाट राष्ट्रिय मावि, मौलाबोट रांकोट नमूना विद्यालय घोषणा भएको जिल्ला शिक्षा कार्यालय, रोल्पाले जानकारी दिएको छ ।

शिक्षा विभागले आह्वान गरेको सूचनाअनुसार नमूना विद्यालयका लागि आवेदन दिएका विद्यालयमध्ये प्रतिस्पर्धाको आधारमा ती विद्यालय छनोट भएको जिल्ला शिक्षा अधिकारी चिरञ्जीवी पौडेलले बताउनुभयो ।

छनोट भएका विद्यालयले शिक्षा विभागसँगको समन्वयमा १५ वर्षे रणनीतिक योजना तयार गरी विद्यालयको आर्थिक, भौतिक, व्यवस्थापकीयलगायत समग्र क्षेत्रको विकास गर्ने जिल्ला शिक्षा अधिकारी पौडेलले बताउनुभयो ।

समग्र सिकाइ उपलब्धिमा सुधार गर्ने अपेक्षासहित नमूना विद्यालय अवधारणा ल्याइएको बताइएको छ । नमूना विद्यालयका लागि निर्धारत गरिएका सम्पूर्ण शर्तहरु आफ्नो विद्यालयले पूरा गरेका कारण शिक्षा विभागको स्थलगत अनुगमन टोलीले नमूनाका लागि सिफारिश गरेको बालकल्याण माध्यमिक विद्यालयका प्राचार्य मधुसुदन पोख्रेलले प्रतिक्रिया दिनुभयो ।

१५ वर्षे रणनीतिक योजना बनाई कार्यान्वयन गर्दै विद्यालयलाई सर्वाङ्गीण विकास गरी जिल्लाका अन्य विद्यालयले समेत अनुकरण गर्ने गरी काम गर्ने पोख्रेलले बताउनुभयो ।

नमूना विद्यालयको प्रारम्भिक कामका लागि शिक्षा विभागले छनोट भएका विद्यालयलाई रु २८ लाख ५० हजारका दरले रकम समेत पठाइसकेको जिल्ला शिक्षा कार्यालय, रोल्पाले जानकारी दिएको छ ।

रोल्पा जिल्लामा ७६ माध्यमिक र ३६१ आधारभूतसहित ४३७ विद्यालय रहेका छन् ।

प्रतिक्रिया दिनुहोस
थप ५२५ जनामा कोरोना संक्रमण

    बिहीबार नेपालमा थप ५२५ जनामा कोरोना संक्रमण पुष्टि भएको छ । ९

हेटौंडमा ट्रक र अटो ठोक्किँदा दुई जनाको मृत्यु

    पूर्वपश्चिम राजमार्ग अन्तर्गत मकवानपुरको हेटौं‌डा-३ स्थित बसामाडीको तीनताप्के भन्ने स्थानमा ट्रक

भारतीय पूर्वराष्ट्रपति मुखर्जी कोमामा

  कोरोनाबाट संक्रमित भारतका पूर्व राष्ट्रपति प्रणव मुखर्जीलाई कोमामा राखिएको छ । बिहीबार

ओली र प्रचण्डबीच बालुवाटारमा गोप्य बार्ता

  लामो समयको संवादहीनतापछि नेपाल कम्युनिस्ट पार्टी (नेकपा)का अध्यक्षद्वय केपी शर्मा ओली र