फेसबुकबाट यसरी भयो ५१ लाख ठगी,विचार गर्नुहोस तपाई पनि पर्नुहोला है फन्दामा

प्रकाशित मिति: २१ फाल्गुन २०७४, सोमबार

फेसबुकमा साथी बनाई उपहार पठाइदिएको भनेर ठगी गर्ने प्रवृत्ति बढ्दै गएको छ। प्रहरीको केन्द्रीय अनुसन्धान ब्युरो (सिआइबी) ले शनिबार एक नाइजेरियनलाई पक्राउ गरेकोमा महानगरीय प्रहरी परिसर काठमाडौंले पनि त्यस्तै ठगीमा संलग्न २ जनालाई पक्राउ गरेको हो।

काठमाडौंको एक कलेजमा पढ्ने पवी क्षेत्री र लक्ष्मीदेवी चपाईलाई ब्रायन नामक फेसबुके साथीले ठगी गरेका हुन्। उनले ४० हजार पाउन्ड तथा लाखौंका गरगहना पठाइदिने भन्दै ठगी गरेका हुन्।

गहनाको फोटो समेत खिचेर ब्रायनले उनीहरुलाई फेसबुकमा पठाइदिएका थिए। त्यसपछि लोभिएका उनीहरु फसेका हुन्।

उक्त सामानको कर लाग्ने भन्दै एक व्यक्तिले दिल्लीबाट उनीहरुलाई फोन गरे। लाखौंको सामान आउने भएपछि उनीहरुले पनि लोभिएर ५१ लाख रुपैयाँ करबापत पैसा तिरे।

तर, सामान आएन, उल्टो थप करको रकम मात्र माग भइरह्यो। यसबीचमा ब्रायन पनि बोल्न छाडे।

ब्रायनले आफू धनी व्यापारी भएको प्रभावमा पारी उनीहरुलाई सहयोगको आश्वासन दिएर ठगी गरेका हुन्।

हुन्डी कारोबारी समातिए

उनीहरुलाई हुन्डीमार्फत करको रकम पठाउन लगाइएको थियो। त्यसरी हुन्डीमार्फत पैसा पठाउन उनीहरुले कुरियरमा काम गर्ने जयराम कार्कीलाई पैसा दिएका थिए। कार्कीले खिचापोखरीस्थित जय दुर्गा ट्रेड इन्टरनेसनल नामक कम्पनीका प्रबन्धक नारायण अग्रवाललाई पैसा दिएका थिए। नारायणले पंकज अग्रवाललाई दिल्लीमा पैसा पठाएका थिए। नारायण हाल फरार छन्। त्यस्तै, उनीसँगै हुन्डीको काम गर्ने राकेश गुप्ता पनि फरार रहेको काठमाडौं परिसरका एसएसपी विश्वराज पोखरेलले बताए।

प्रहरीले नारायण अग्रवालको नाममा रहेको कस्मेटिक पसलबाट १५ लाख ९२ हजार ६२ रुपैयाँ बरामद गरेको छ। उनको मोबाइलमा हुन्डीसम्बन्धी म्यासेजहरु भेटिएको परिसरका डिएसपी मोहन थापाले बताए।

सो समूहले हरेक महिना करोडौंको हुन्डी गर्दै आएको अनुसन्धानमा खुलेको छ। सो समूहसँग ठगी गर्ने समूहको अनुसन्धान अघि बढाइएको डिएसपी थापाले बताए।

यता दाङ्गमा गाडीको ठक्करबाट आज एक जनाको मृत्यु भएको छ।

मृत्यु हुनेमा तनहुँको रिसिङ गाउँपालिका– ६ का ६१ वर्षीय यामबहादुर थापा रहेको वडा प्रहरी कार्यालय लमहीका प्रहरी निरीक्षक सुरज खड्काले जानकारी दिए।

पोखराबाट तुलसीपुरतर्फ आउँदै गरको ना५ख ३१०१ नंको बसले थापालाई ठक्कर दिएको हो। पूर्व–पश्चिम राजमार्गअन्तर्गत लमही नगरपालिका– १ सुनडबरीमा थापालाई उक्त बसले ठक्कर दिँदा उनको मृत्यु भएको हो।

थापा तुलसीपुरमा रहेका छोरालाई भेट्न दाङ आउँदै गर्दा दुर्घटनामा परेका थिए। गम्भीर घाइते थापालाई लमही अस्पताल पुर्‍याएपछि उनलाई चिकित्सकले मृत घोषणा गरेको थियो। बसका चालकलाई प्रहरीले नियन्त्रणमा लिएको छ।


तपाईंको प्रतिकृयाहरू


ताजा अपडेट
क्याविनेटमा रघुवीरले बादलमाथि औंला ठड्याएपछि के भने प्रधनमन्त्री ओलीले, यस्तो छ कहानी

नेपालको वायुमण्डलमा भारतीय धूलो, क्यान्सरको जोखिम, माक्स लगाएर हिँडन डाक्टरको उर्दी

गाँउमा खेल्न नपाएपछि जंगलमा जुवाको खाल, १ लाख रुपैयाँ बरामत, दुईजाना जाकिए प्रहरीको खोरमा

के कारण मधेसमै बहिष्कारमा परे मुख्यमन्त्री राउत, मन्त्रिपरिषदमा खैलाबैला, आब के हुन्छ मुख्यमन्त्रीको हालत

प्रधानमन्त्री केपी शर्मा ओलीले प्रतिनिधिसभामा सम्बोधन सुरु लाइभ

साँठगाँठ र सेटिंगमा एक अर्बको कागज खरिदमा ३० करोड खाने यस्तो छ महाप्रबन्धक महेश तिमिल्सिना दाउ

ओली र प्रचण्डले अब एक महाधिवेशनमा मात्र अध्यक्षको उम्मेदवार बन्न पाउँने, तेस्रो पटक अध्यक्ष बन्न नपाउने, यस्तो छ नेकपाको विधान

यसरी चम्किने इङ्ल्यान्डको भाग्य, कमजोर ट्युनिसियालाई इङ्ल्यान्डले जित्ने पक्का

मलेसियामा दंग पल र आँचल

पर्यटन प्रवद्र्धनको पहल