पर्यटक पर्खंदै प्राकृतिक भ्यूटावर ‘बेलढुंगा’

प्रकाशित मिति: १४ फाल्गुन २०७४, सोमबार

बस्तीको शिरमा अग्लो डाँडो । डाँडामाथि प्राकृतिक रुपमै बनेको भ्यूटावर । घना जंगलको बीचमा रहेको प्राकृतिक भ्यूटावरबाट दृष्य अवलोकन गर्दा मन खुशीले फुरुङ्ग हुने गर्छ ।
बेनी नगरपालिका–३ मुसुङ गाउँको शिरमा रहेको पर्यटकीय ‘बेलढुंगा’ मा पुग्दा त्यहाँको प्राकृतिक सौन्दर्यले सबैलाई लोभ्याउने गरेको छ । मुसुङ र बागलुङको काठेखोला गाउँपालिकाको ओखलेको सिमानामा रहेको बेलढुंगा हिमशृङ्खला, धौलागिरि क्षेत्रका बस्ती एवं प्राकृतिक भू–बनोटलाई एकैठाउँबाट अवलोकनका लागि उत्तम मानिन्छ ।

समुद्री सतहदेखि तीन हजार मिटर उचाइमा घना जंगलको बीचमा बेल आकारमा बनेको पहाडको भ्यूटावरबाट धौलागिरि र अन्नपूर्ण क्षेत्रका आधा दर्जन बढी हिमशृङ्खलालाई अवलोकन गर्न सकिन्छ । बेनी नगरपालिका–३ का वडा सदस्य रत्नबहादुर जिसी त्यहाँबाट हिमशृङ्खलासँगै म्याग्दी, पर्वत, बागलुङका करिब तीन दर्जन गाउँबस्तीलाई अवलोकन गर्न सकिने बताउनुहुन्छ ।
“आठवटा जिल्लाका कुनै न कुनै भूभागलाई यहाँबाट देख्न सकिन्छ, धौलागिरि क्षेत्रका महत्वपूर्ण धार्मिक र ऐतिहासिक क्षेत्र पनि सजिलैसँग अवलोकन गर्न सकिन्छ”, उहाँले भन्नुभयो ।

पर्यटकीय सम्भावना भए पनि अहिलेसम्म प्रचारप्रसार र पर्यटन पूर्वाधारको अभावले सो क्षेत्र ओझेलमा परेको मुसुङ गाउँका तारामिलन छन्त्याल बताउनुहुन्छ । सदरमुकाम बेनीदेखि नजिकको दूरीमा रहे पनि सरोकारवालाको बेवास्ताले पूर्वाधार निर्माण गर्न नसकिएको उहाँको गुनासो छ ।
अहिले मुसुङ र बागलुङको ओखलेको सिमानामा पर्ने देउरालीसम्म पुरानो गोरेटो बाटो भएकाले त्यहाँसम्म सहजै रुपमा पुग्न सकिन्छ । देउरालीबाट झण्डै १५ मिनेटको पदयात्रा घना जंगल र अक्करे भिरमा बनाइएको साँघुरो डोरोमा हिँड्नुपर्ने भएकाले तत्काल यस क्षेत्रमा पदमार्ग निर्माणका लागि आवश्यक बजेट विनियोजन गर्नुपर्ने स्थानीयवासीले माग गरेका छन् । मुसुङबाट स्वर्गाश्रम हुँदै देउरालीसम्मको गोरेटो बाटोलाई स्तरोन्नति गरी देउरालीबाट बेलढुंगासम्म व्यवस्थित पदमार्ग निर्माण गरी उक्त क्षेत्रका बारेमा प्रचारप्रसार गरेमा आन्तरिक तथा बाह्य पर्यटकलाई भित्र्याउन सकिने स्थानीयवासीको आशा छ ।

बाह्रै महिना हिमशृङ्खला र प्राकृतिक भू–बनोटलाई अवलोकन गर्न सकिने उक्त क्षेत्र फागुन– चैतमा फुल्ने लालीगुराँसले सिँगारिन्छ । आगामी चैत– वैशाखमा गन्तव्य बेलढुंगा अभियान सञ्चालन गर्ने तयारी भइरहेको स्थानीय स्वर्गाश्रम युवा क्लबले जनाएको छ । पर्यटकीय सम्भावना बोकेका बेलढुंगा र स्वर्गाश्रम क्षेत्रको महत्व एवं सम्भावनालाई उजागर गर्न क्लबले अभियान सञ्चालन गर्ने योजना बनाएको क्लबका सचिव जितबहादुर पुनले बताउनुभयो ।
“यहाँ पर्यटक भित्र्याउन प्रचारप्रसार र पदमार्गको आवश्यकता छ”, उहाँले भन्नुभयो । यहाँ लुकेर रहेको सम्भावनालाई उजागर गर्न सके पर्यटन विकासमार्फत ग्रामीण बस्तीको मुहार फेर्न सकिने उहाँको भनाइ छ । बेलढुंगा र बेनी नगरपालिका–३ मुसुङ गाउँको शिरमा रहेको स्वर्गाश्रम क्षेत्रलाई एकीकृत रुपमा प्रचारप्रसार र पूर्वाधार निर्माण गर्न सकेमा यस क्षेत्रमा धार्मिक, एवं अन्य पर्यटक आगमन गराउन सकिने सम्भावना छ ।

मुसुङदेखि साढे एक घण्टामा स्वर्गाश्रम र त्यहाँबाट करिब ४५ मिनेटको दूरीमा बेलढुंगा पुग्न सकिन्छ । स्वर्गाश्रम र बेलढुंगाको पदयात्राबाट धौलागिरि, निलगिरि, अन्नपूर्ण, माछापुच्छ«ेलगायत आधा दर्जन हिमशृङ्खलाको अवलोकन गर्दा यात्राको क्रममा हुने थकान मेटिने पर्वतका आरके अदिप्त गिरी बताउनुहुन्छ । “यस क्षेत्रको विकास गर्न सके ग्रामीण पर्यटनसँगै स्थानीयवासीको आय आर्जनमा सुधार तथा स्थानीय तहको आन्तरिक आम्दानीमा समेत वृद्धि गर्न सक्छ”, उहाँले भन्नुभयो ।


तपाईंको प्रतिकृयाहरू


ताजा अपडेट
क्याविनेटमा रघुवीरले बादलमाथि औंला ठड्याएपछि के भने प्रधनमन्त्री ओलीले, यस्तो छ कहानी

नेपालको वायुमण्डलमा भारतीय धूलो, क्यान्सरको जोखिम, माक्स लगाएर हिँडन डाक्टरको उर्दी

गाँउमा खेल्न नपाएपछि जंगलमा जुवाको खाल, १ लाख रुपैयाँ बरामत, दुईजाना जाकिए प्रहरीको खोरमा

के कारण मधेसमै बहिष्कारमा परे मुख्यमन्त्री राउत, मन्त्रिपरिषदमा खैलाबैला, आब के हुन्छ मुख्यमन्त्रीको हालत

प्रधानमन्त्री केपी शर्मा ओलीले प्रतिनिधिसभामा सम्बोधन सुरु लाइभ

साँठगाँठ र सेटिंगमा एक अर्बको कागज खरिदमा ३० करोड खाने यस्तो छ महाप्रबन्धक महेश तिमिल्सिना दाउ

ओली र प्रचण्डले अब एक महाधिवेशनमा मात्र अध्यक्षको उम्मेदवार बन्न पाउँने, तेस्रो पटक अध्यक्ष बन्न नपाउने, यस्तो छ नेकपाको विधान

यसरी चम्किने इङ्ल्यान्डको भाग्य, कमजोर ट्युनिसियालाई इङ्ल्यान्डले जित्ने पक्का

मलेसियामा दंग पल र आँचल

पर्यटन प्रवद्र्धनको पहल