ओली सरकारमा मन्त्री बन्न राजेन्द्र महतोले उपेन्द्र यादवलाई यसरी हान्दैछन् छिर्के,प्रचण्डलाई भगवान मान्न राजपाका को-को नेता कता फर्के



पछिल्लो समय राजपा नेता राजेन्द्र महतोले संघीय समाजवादी फोरमसँग पार्टी एकता हुने रटान छाडेका छैनन् । हरेक कार्यक्रममा उनले प्रदेश नम्बर २ मा मधेसी दलको सरकार बन्ने बताउँदै उनले संघीय समाजवादी फोरमको तारिफ गर्ने गरेका छन् । यदि राजपा र फोरमबीच सहकार्य भएमा प्रदेश नम्बर २ मा मुख्यमन्त्री संघीय समाजवादी फोरमले पाउने छ ।

तर, महतोको भित्री उद्देश्य भनेको वामपन्थी नेतृत्वको सरकारमा सहभागी हुने रहेको बताइएको छ । त्यसका लागि उनले एमालेका प्रायः सबै नेताहरूसँग छलफल गरिसकेका छन् । यदि एमाले अध्यक्ष केपी ओली प्रधानमन्त्री भए भने महतो सो सरकारको मन्त्री हुने निश्चित छ, भएको मिडिया एनपीले लेखेको छ ।

चुनावको परिणाम आएलगत्तै ओली नेतृत्वको सरकारमा उपेन्द्र यादव अध्यक्ष रहेको संघीय समाजवादी फोरम सहभागी हुने निश्चित भइसकेको थियो । त्यसबेलासम्म अरु पार्टीलाई सरकारमा सहभागी गराउने विषयमा ओली र यादवबीच कुनै समझदारी भएको थिएन । तर, माओवादी केन्द्रका अध्यक्ष पुष्पकमल दाहाल प्रचण्डले ‘ओली उपेन्द्र यादवलाई लिएर सरकार बनाउने तयारीमा लागेको’ भन्ने रहस्य खोलिदिएपछि अहिले स्थिति फरक देखिएको छ ।

ओली प्रधानमन्त्री भएमा सो सरकारमा सहभागी हुन राजेन्द्र महतोले नयाँ सूत्र फेला पारेका छन् । स्रोतका अनुसार संविधान संशोधन गर्ने सर्तमा राजपा सरकारमा सहभागी हुनेछ । तर, राजपाका अधिकांश नेता ओलीभन्दा प्रचण्ड नै प्रधानमन्त्री बन्नुपर्ने पक्षमा देखिएकाले राजेन्द्र महतो सकसमा परेका छन् । सोही कारण महतोले संघीय समाजवादी फोरमसँग पार्टी एकता हुने भन्ने रटान लाउन नछोडेको राजपाका एक केन्द्रीय सदस्यले बताए ।

ओलीलाई प्रधानमन्त्री बन्नबाट रोक्ने प्रयास देशभित्र र बाहिरबाट भइरहेको सन्दर्भमा कसको नेतृत्वमा सरकार बन्छ भन्ने अझै प्रस्ट भइसकेको छैन । राष्ट्रपति विद्यादेवी भण्डारीले शुक्रबार बिहान ‘राष्ट्रिय सभा अध्यादेश २०७४’ प्रमाणीकरण गरेकाले अब नयाँ सरकार गठन र राष्ट्रिय सभा निर्वाचनका लागि बाटो खुलेको छ ।

प्रतिक्रिया दिनुहोस
कोरोना भाइरसको कारण ६९ हजारको मृत्यु, १३ लाख संक्रमित

  कोरोना भाइरस (कोभिड १९) का कारण सोमबार विहानसम्म १२ लाख ७२ हजार

बेलायतका प्रधानमन्त्री जोनसन अस्पताल भर्ना

  बेलायती प्रधानमन्त्री कार्यालयका प्रवक्ताका अनुसार डाक्टरको सल्लाहपछि प्रधानमन्त्रीको केही परीक्षण गर्न अस्पताल

स्वास्थ्य सामाग्री सरकारले सोझै खरिद गर्ने, संकटमा बिरामीको जिम्मा सेनालाई

  कोरोना (कोभिड–१९) भाइरस नियन्त्रण तथा रोकथामका लागि अतिआवश्यक स्वास्थ्य सामग्री प्रतिस्पर्धामार्फत र

महाकालीपारि हजार नेपालीको दुर्दशा, भन्छन् आफ्नै देशले अवहेलना गर्‍यो, विदेशीबाट के आशा गर्ने ?

  भारतीय शिविरमा कष्टकर र जोखिमपूर्ण पल बिताइरहेका नेपालीले आफ्नो सरकारप्रति दुःख व्यक्त