यस्ता २ हजार लाइसेन्स खारेज हुने,कतै तपाईको पनि खारेजीमा पो पर्ने भयो की ?

प्रकाशित मिति: ८ चैत्र २०७४, बिहीबार

यातायात व्यवस्था कार्यालय सुकेधाराबाट जारी भएका करिब २ हजार सवारी चालक अनुमतीपत्र (लाइसेन्स) खारेज हुने भएका छन्। नक्कली कागजपत्रका आधारमा जारी भएका लाइसेन्स खारेज गर्न लागिएको हो।

विदेशी लाइसेन्स नेपालीकरणका नाममा सुकेधाराबाट करिब २ हजार ६ सय लाइसेन्स जारी भएका थिए। विदेशस्थित नेपाली दूतावासहरुको नक्कली पत्रका आधारमा ती लाइसेन्स जारी भएको अख्तियार दुरुपयोग अनुसन्धान आयोगको अनुसन्धानमा खुलिसकेको छ। ८० हजार रुपैयाँसम्म लिएर त्यसरी लाइसेन्स ‘बिक्री’ गरिएको थियो। आयोगले यातायात कार्यालयका ३ कर्मचारी र एक लेखापढी व्यवसायी विरुद्ध मुद्दा दायर गरिसकेको छ।

अख्तियारको निर्देशनमा छानबिनमा रहेका जारी हुने प्रक्रियामा रहेका लाइसेन्स वितरण रोकिएको यातायात व्यवस्था विभागका महानिर्देशक रुपनारायण भट्टराईले बताए।

यातायात व्यवस्था कार्यालय, सुकेधाराबाट एक वर्षमा करिब २ हजार ६ सय लाइसेन्स नेपालीकरण गरिएको थियो। विदेशमा लाइसेन्स लिएको खण्डमा पुष्टि गर्ने कागजपत्र भएमा नेपालमा ट्रायल दिनु नपर्ने प्रावधान छ। जसलाई लाइसेन्सको नेपालीकरण भनिन्छ। त्यही प्रावधानको दुरुपयोग गरी विदेश नै नगएका व्यक्तिहरुलाई समेत नक्कली कागजपत्रका आधारमा लाइसेन्स बनाइएको थियो।

सम्बन्धित देशस्थित नेपाली दूतावासको पत्र तथा त्यो देशमा गएको भिसा लगायत प्रमाण पेश गर्नुपर्ने भएपनि नक्कली कागजपत्रका आधारमा लाइसेन्स जारी भएको थियो। त्यसरी जारी भएका सबै लाइसेन्स खारेज गर्ने विभागको तयारी छ। ‘जारी हुने क्रममा रहेका लाइसेन्स रोकिएको छ,’ विभागका महानिर्देशक भट्टराईले भने, ‘जारी भइसकेका लाइसेन्सका हकमा अख्तियारबाट सायद अर्काे निर्देशन आउनेछ।’

अख्तियारले गरेको अनुसन्धानमा सुकेधाराबाट ८ सय ८५ वटा लाइसेन्स नक्कली कागजपत्रका आधारमा दिइएको पुष्टि भइसकेको छ। सोही आधारमा आयोगले उपसचिव सुन्दर भट्टराईसहित चार जना कर्मचारीविरुद्ध मुद्दा दायर गरेको थियो।

मुद्दा दायर भएका भट्टराईसहित शाखा अधिकृत यामलाल ढकाल, नासु यादब पौडेल र लेखापढी व्यवसायी राजु सेढाई विशेष अदालतबाट धरौटीमा छुटिसकेका छन्। कार्यालयबाट जारी भएका थप लाइसेन्समाथिको अनुसन्धान टुंगिएपछि ती लाइसेन्स खारेज गर्ने विभागको तयारी छ। त्यसरी जारी भएका धेरै लाइसेन्स ठूल सवारी चलाउने लाइसेन्स छन्। ठूला सवारी साधनको लाइसेन्स लिन कठिन भएकाले मोटो रकम खर्च गरेर नेपालीकरणका नाममा लाइसेन्स बिक्री भएको हो।


तपाईंको प्रतिकृयाहरू


ताजा अपडेट
पार्टी एकतालाई इस्यु बनाएर योगेश भट्टराईले रक्षामन्त्री र गृहमन्त्रीलाई हाने यस्तो घुएत्रो

गाई काट्न उकास्ने युरोपियन युनियनले नेपालमा यसरी बिक्री गर्दै छ हतियार,डरलाग्दो पोल खुल्यो

बाबु आमालेनै घर बाट लाखेटेकी ७ वर्षिय बालिकालाई एमाले सांसद भट्टराईले दिए संरक्ष

ओली सरकार जनताको असली साथी बन्दै,अब ट्याक्सीको समेत सिण्डिकेट तोड्ने यस्तो छ तयारी

याद राख्नुहोस,ठगिनुहोला यी ७७ देशमा कामदार पठाउन सक्दैनन् म्यानपावर व्यवसायी

पूर्ब प्रेमिकाको गोप्य फोटो फेसबुकमा राखेर हैरानी पार्नेलाई प्रहरीले हान्यो कोर्रा

बामदेव यसरी पड्किए-ओलीजीले अति गरे प्रधानमन्त्रीको गद्दीबाट यसरी घिसारेर मिल्काइछ

सर्वेन्द्र खनाललाई सुटुक्कै सुताउन प्रचण्डको चाकडीमा लागे यी एसपीहरु,फेरी यस्तो रडाको मच्चिदै

‘सामसुम’हुदै गएको ८८ केजी सुनकाण्डमा ‘सामसुङ’का साहु तानिए,ओली संग भारत जान कसरी छानिए

ढाडिए पछी किर्नाले छोडेको भैसी बन्दै देउवा,यी हुन् बुढेसकालमा देउवालाई तातो थाङ्नामा सुताउने